كونستيتۋتسيا – ەلىمىزدىڭ زاڭنامالىق نەگىزى. ول ۋاقىت تالابىنا ساي وزگەرىپ وتىرۋعا ءتيىس. بۇل تۋرالى اتىراۋ وبلىستىق القاسىنىڭ ادۆوكاتى نۇرلان جولبولوۆ ايتتى, دەپ حابارلايدى Egemen.kz.
ء«بىز وتىز جىلدان بەرى قولدانىستاعى كونستيتۋتسيامەن ءومىر ءسۇرىپ كەلەمىز. وعان كوپتەگەن وزگەرىس ەنگىزىلگەنى سونداي, ول قازىر جاماۋى كوپ قۇجاتقا اينالدى. ال قازىر ۇسىنىلىپ وتىرعان جاڭا جوبا – قولدانىستاعى اتا زاڭ سەكىلدى قۇراما ءماتىن ەمەس, ءبىرتۇتاس جۇيەلى قۇجات. مەملەكەت تە, قوعام دا, الەم دە وزگەردى. بۇكىل دۇنيە تسيفرلىق داۋىرگە اياق باسىپ جاتىر. وسى تۇرعىدا كونستيتۋتسيانىڭ جاڭارعانى دا دۇرىس باستاما», دەدى ول.
قازاقستاندا جاڭا كونستيتۋتسيانى قولداۋعا ارنالعان اۋقىمدى اقپاراتتىق ناۋقاننىڭ جاڭا تولقىنى باستالدى
زاڭگەردىڭ ايتۋىنشا, قازىرگى نەگىزگى زاڭ مەملەكەتكە باعدارلانعان قۇجات بولسا, جاڭا جوبا ادامعا باعدارلانۋىمەن ەرەكشەلەنەدى. مۇندا ادام قۇقىقتارى مەن بوستاندىقتارى باستى نازارعا الىنعان.
«جاڭا جوبا سوت جۇيەسىن كۇشەيتەدى. كونستيتۋتسيا تەك ادەمى قۇجات قانا بولماۋى كەرەك. ول ادامدى قورعايتىن جۇمىس قۇرالى بولۋعا ءتيىس. سونىڭ ءبىر قۇرالى – ادۆوكاتۋرا. مەنى ادۆوكات رەتىندە قۋانتقانى – وسى سالا تۋرالى نورمانىڭ نەگىزگى زاڭعا ەنگىزىلگەنى», دەپ اتاپ ءوتتى ول.
حالىقتىق كونستيتۋتسيانى قولداۋ كواليتسياسى ەرتىس ءوڭىرى تۇرعىندارىمەن كەزدەستى
سونداي-اق ن. جولبولوۆ دامىعان مەملەكەت جاڭارۋدان قورىقپاۋى كەرەك ەكەنىن تىلگە تيەك ەتتى. ونىڭ پىكىرىنشە, كونستيتۋتسيا – مەملەكەت پەن ادام اراسىنداعى قوعامدىق كەلىسىمشارت.
«وسىعان وراي الدا بولاتىن ماڭىزدى ءىس-شارادان ازاماتتارىمىز شەت قالماۋى كەرەك. رەفەرەندۋمعا قاتىسىپ, ءوز تاڭداۋىمىزدى جاساۋىمىز كەرەك. مەن زاڭگەر رەتىندە جاڭا كونستيتۋتسيا جوباسىن قولدايمىن. 15 ناۋرىزدا سىزدەردى دە داۋىس بەرۋگە شاقىرامىن», دەدى ول.
سونىمەن بىرگە سۋ رەسۋرستارى جانە يرريگاتسيا مينيسترلىگى «سۋ رەسۋرستارى جونىندەگى اقپاراتتىق-تالداۋ ورتالىعى» كەاق كومپلەانس-وفيتسەرى قانات مۇساپاربەكوۆ تە جاڭا كونستيتۋتسيا جوباسىنا قاتىستى پىكىرىن ءبىلدىرىپ, 15 ناۋرىزدا ەل تاعدىرى تارازىعا تۇسەتىنىن ايتتى.
قوستانايلىق ساراپشىلار جاڭا كونستيتۋتسيا جوباسىن قولدادى
«بۇل تەك داۋىس بەرىپ قانا قوياتىن كۇن ەمەس, بۇل – ۇرپاعىمىزدىڭ بولاشاعى ءۇشىن قابىلداناتىن تاريحي شەشىم. اتا زاڭ – تاۋەلسىزدىگىمىزدىڭ تۇعىرى, مەملەكەتىمىزدىڭ مىزعىماس نەگىزى. ول ءار ازاماتتىڭ قۇقىعى مەن بوستاندىعىن ايقىندايدى, ادىلەتتى قوعام قۇرۋدىڭ بەرىك كەپىلى بولادى. جاڭا وزگەرىستەر جاڭارۋ مەن دامۋ جولىنداعى باتىل قادام. سوندىقتان الداعى رەفەرەندۋم – بارشامىزعا ورتاق جاۋاپكەرشىلىك», دەپ اتاپ ءوتتى ول.