قازاقستاندا 15 ناۋرىزدا وتەتىن رەسپۋبليكالىق رەفەرەندۋمعا وراي كەڭ اۋقىمدى اقپاراتتىق ناۋقاننىڭ جاڭا كەزەڭى باستالدى, دەپ حابارلايدى Egemen.kz.
ەلىمىزدىڭ ءىرى قالالارىندا دا, شالعاي ايماقتاردا دا جاڭا كونستيتۋتسيانى كەڭىنەن قولدايتىنىن كورسەتەتىن تاقىرىپتىق بيلبوردتار ورنالاستىرىلدى. پلاكاتتاردا بەلگىلى سپورتشىلاردىڭ, عالىمداردىڭ, ونەر قايراتكەرلەرىنىڭ, جۇمىسشى ماماندىق يەلەرىنىڭ, سونداي-اق «مەرەيلى وتباسى» قۇرمەتتى اتاعىنا يە كوپبالالى وتباسىلاردىڭ بەينەلەرى ۇسىنىلعان.
ناۋقاننىڭ ۆيزۋالدىق كەلبەتى بىرىڭعاي ستيلدە ازىرلەنگەن: ءداستۇرلى كوگىلدىر-كوك ءتۇستى فون, ايقىن بەلگىسى بار «جاڭا كونستيتۋتسيا» لوگوتيپى, سارى ءتۇستى ەكپىندەر جانە «مەن جاڭا كونستيتۋتسيانى قولدايمىن!», «جاڭا كونستيتۋتسيا – ادىلەتتى قازاقستاننىڭ ىرگەتاسى!» سياقتى ۇندەۋ ۇراندارى قولدانىلعان.
بيلبوردتار قازاق جانە ورىس تىلدەرىندە ازىرلەنىپ, بارىنشا كەڭ اۋديتوريانى قامتۋعا باعىتتالعان.
قازىرگى ۋاقىتتا استانا, الماتى, شىمكەنت قالالارىندا, سونداي-اق بارلىق وبلىس ورتالىقتارى مەن وڭىرلەرىندە شامامەن 2,4 مىڭعا جۋىق باننەر مەن LED-ەكران ورناتىلعان.
ناۋقان قازاقستان قوعامىنىڭ بارلىق قاباتىن قامتيدى. ونىڭ قاتىسۋشىلارى قاتارىندا بوكستان, دزيۋدودان, جەڭىل اتلەتيكادان جانە شاحماتتان وليمپيادا جانە الەم چەمپيوندارى; مەديتسينا, فيزيكا, رەپرودۋكتولوگيا جانە نەيروحيرۋرگيا سالاسىنىڭ اكادەميكتەرى مەن پروفەسسورلارى; وپەرا انشىلەرى مەن ايتىسكەرلەر; قاقپاشىلار مەن فۋتبولشىلار; فەرمەرلەر, شاحتەرلەر, مەحانيزاتورلار جانە اگروونەركاسىپ كەشەنىنىڭ قىزمەتكەرلەرى بار.
قاتىسۋشىلاردىڭ وسىنداي الۋان ءتۇرلى بولۋى جاڭا كونستيتۋتسيانى قازاقستان حالقىنىڭ بارلىعى قولدايتىنىن ايقىن كورسەتەدى.
قوعام الداعى وزگەرىستەردى وڭ قابىلداپ جاتىر. ازاماتتار الەۋمەتتىك جەلىلەردە بيلبوردتاردىڭ جانىندا تۇسكەن فوتوسۋرەتتەرىمەن بەلسەندى ءبولىسىپ, ناۋقان قاتىسۋشىلارىنا قولداۋ ءبىلدىرىپ, ءوز قالالارىندا جاڭا پلاكاتتاردىڭ پايدا بولعانىن كورسەتىپ جاتىر.
ساراپشىلاردىڭ پىكىرىنشە, مۇنداي بەلسەندىلىك دەڭگەيى قازاقستان قوعامىنىڭ ازاماتتىق تۇرعىدان كەمەلدەنگەنىن جانە كونستيتۋتسيالىق وزگەرىستەرگە دايىن ەكەنىن اڭعارتادى.
15 ناۋرىزدا داۋىسقا سالىناتىن جاڭا كونستيتۋتسيا مازمۇندىق تۇرعىدان تەرەڭ جاڭارۋدى كوزدەيدى. ول مەملەكەتتىك باسقارۋ جۇيەسىن جاڭعىرتىپ, ونىڭ تيىمدىلىگىن, اشىقتىعىن جانە ازاماتتارعا ەسەپتىلىگىن ارتتىرۋعا باعىتتالعان. قۇجات ەلدەگى ءاربىر ازاماتتىڭ قۇقىقتارى مەن بوستاندىقتارىن قورعاۋ تەتىكتەرىن ەداۋىر كەڭەيتەدى جانە كۇشەيتەدى, ءادىل سوت تورەلىگى قاعيداتتارىن بەكىتەدى, سونداي-اق بيزنەس, عىلىم جانە الەۋمەتتىك سالا ءۇشىن سەنىمدى قۇقىقتىق كەپىلدىكتەر قالىپتاستىرادى.
سونىمەن قاتار جاڭا اتا زاڭ قازاقستاننىڭ تۇراقتى دامۋىنا بەرىك كونستيتۋتسيالىق نەگىز قالىپتاستىرادى. وندا ۇزاق مەرزىمدى جوسپارلاۋ, تابيعي رەسۋرستاردى جاۋاپكەرشىلىكپەن باسقارۋ, ادامي كاپيتالدى دامىتۋ جانە ەلدىڭ جاھاندىق ءبىلىم ەكونوميكاسىنا ىقپالداسۋ تەتىكتەرى قاراستىرىلعان.
رەفەرەندۋم كەزىندە شالعايدا جۇرگەن ازاماتتار قالاي داۋىس بەرەدى؟
ساراپشىلاردىڭ پىكىرىنشە, جاڭا كونستيتۋتسيانىڭ قابىلدانۋى ادىلەتتى, قۋاتتى جانە وركەندەگەن مەملەكەت قۇرۋ جولىنداعى ماڭىزدى قادام بولماق.
رەفەرەندۋم-2026: شەتەلدەگى داۋىس بەرۋ ۋچاسكەلەرىنىڭ ءتىزىمى جاريالاندى