ماڭعىستاۋ دالاسىندا بالجەگىش ايۋ بايقالدى. بۇل قازاقستاننىڭ قىزىل كىتابىنا ەنگەن سيرەك كەزدەسەتىن جىرتقىش اڭ, دەپ جازادى Egemen.kz.
ءۇستىرت مەملەكەتتىك تابيعي قورىعى قىزمەتكەرلەرى 4 ناۋرىز كۇنى رەيد كەزىندە كەندىرلى شاتقالى اۋماعىنان بالجەگىش ايۋدى بايقاپ, ونى ۆيدەوعا ءتۇسىرىپ العان.
«بۇل وقيعا ءۇستىرت قورىعى اۋماعىندا سيرەك جانۋارلاردىڭ تابيعي ورتادا تىرشىلىك ەتۋى جالعاسىپ جاتقانىن كورسەتەدى», دەيدى تابيعات قورعاۋ ماماندارى.
بالجەگىش ايۋ (لات. Mellivora capensis) – سۋسارلار تۇقىمداسىنا جاتاتىن جىرتقىش. دەنەسىنىڭ ۇزىندىعى 68-75 سم, قۇيرىعى 17-20 سم بولادى. الدىڭعى اياقتارى قىسقا, تاباندارى كەڭ ءارى جەر قازۋعا بەيىمدەلگەن وتكىر تىرناقتارى بار. قارىن تۇسى قارا-قوڭىر تۇسكە, ارقاسى اشىق رەڭگە بويالعان. بۇل جانۋار كوبىنە ىمىرت پەن ءتۇن مەزگىلىندە بەلسەندى, ال سالقىن ماۋسىمدا كۇندىز دە قوزعالا الادى.
بالجەگىش ايۋ – تالعامپاز ەمەس جىرتقىش. ونىڭ قورەگىنە ومىرتقاسىزدار مەن ۇساق ومىرتقالىلار – كەسىرتكەلەر, ۇساق قۇستار, قۇمتىشقاندار, كىرپىلەر جانە تاسباقالار كىرەدى. سونىمەن قاتار وسىمدىكتەردىڭ تامىرلارى مەن جەمىستەرىمەن دە قورەكتەنە بەرەدى.
جەتىسۋ اۋماعىندا سيرەك كەزدەسەتىن جىرتقىش فوتوتۇزاققا ءتۇسىپ قالعان
اڭنىڭ بۇل ءتۇرى نەگىزىنەن وڭتۇستىك جانە وڭتۇستىك-باتىس ءۇستىرت اۋماعىندا تارالعان. ول تەرەڭ شاتقالداردى, جىرالاردى جانە وسىمدىگى ءارتۇرلى جەرلەردى مەكەندەگەندى ۇناتادى. اسىرەسە سەكسەۋىل, بويالىش جانە قاراعان وسكەن ايماقتار ول ءۇشىن قولايلى ورتا سانالادى.
بالجەگىش ايۋ جىلىنا ءبىر رەت كوبەيەدى. سۋىق كەزەڭدە قىسقا مەرزىمدى ۇيقىعا كەتۋى مۇمكىن, بىراق تولىق قىسقى ۇيقىعا كەتپەيدى.
سيرەك كەزدەسەتىن جىرتقىش بەينەجازباعا ىلىنگەن