اتالعان وبلىستىڭ ەڭبەكشىقازاق اۋدانىندا كۇردەلى جوندەۋدەن وتكەن پەريناتالدىق ورتالىق سالتاناتتى تۇردە اشىلدى. ءىس-شاراعا دەنساۋلىق ساقتاۋ ۆيتسە-ءمينيسترى تيمۋر مۇراتوۆ قاتىسىپ, جاڭعىرتىلعان مەديتسينالىق نىسان ءوڭىر تۇرعىندارىنا ساپالى ءارى قولجەتىمدى مەديتسينالىق قىزمەت كورسەتۋگە مۇمكىندىك بەرەتىنىن اتاپ ءوتتى, دەپ جازادى Egemen.kz.
جالپى اۋماعى 10,8 مىڭ شارشى مەتردى قۇرايتىن مەديتسينالىق مەكەمە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا تولىق جاڭارتىلدى. جوندەۋ بارىسىندا 2007 جىلى سالىنعان عيمارات تولىق رەكونسترۋكتسيادان ءوتتى. اتاپ ايتقاندا, ينجەنەرلىك ينفراقۇرىلىم جاڭارتىلىپ, مەديتسينالىق جابدىقتار زاماناۋي تەحنيكامەن الماستىرىلدى. 110 توسەك-ورىنعا ارنالعان ورتالىقتا بوساندىرۋ جانە نەوناتولوگيالىق كومەك كورسەتۋدىڭ تولىق تسيكلى ۇيىمداستىرىلعان. بۇل انا مەن بالا دەنساۋلىعىن قورعاۋ جۇيەسىن كۇشەيتىپ, وڭىردەگى مەديتسينالىق قىزمەت ساپاسىن ارتتىرۋعا مۇمكىندىك بەرەدى.
مامانداردىڭ ايتۋىنشا, جاڭارتىلعان ورتالىق دەنساۋلىق ساقتاۋ سالاسىنداعى مەملەكەتتىك كەپىلدىكتەردى ءىس جۇزىندە جۇزەگە اسىرۋدىڭ ناقتى ۇلگىسىنە اينالىپ وتىر.
جۇمىس ساپارى بارىسىندا تيمۋر مۇراتوۆ وڭىردەگى مەديتسينالىق ۇيىمداردىڭ باسشىلارىمەن كەزدەسۋ وتكىزىپ, دەنساۋلىق ساقتاۋ سالاسىنىڭ وزەكتى ماسەلەلەرىن تالقىلادى. كەزدەسۋدىڭ نەگىزگى تاقىرىبى – كونستيتۋتسيالىق رەفورما بولدى.
ۆيتسە-مينيستر الداعى رەفەرەندۋمعا شىعارىلاتىن ەلدىڭ نەگىزگى زاڭىنا ەنگىزىلەتىن جاڭاشىلدىقتارعا توقتالدى. ونىڭ ايتۋىنشا, كونستيتۋتسياعا ەنگىزىلەتىن وزگەرىستەر ازاماتتاردىڭ ىرگەلى قۇقىقتارىن نىعايتۋعا, سونىڭ ىشىندە ساپالى ءارى قولجەتىمدى مەديتسينالىق كومەك الۋ قۇقىعىن قامتاماسىز ەتۋگە باعىتتالعان.
الماتى وبلىسىنىڭ جاستارى «حالىقتىق كونستيتۋتسيا ءۇشىن» جالپىۇلتتىق كواليتسياسىن قولدادى
ساپار قورىتىندىسىندا ۆيتسە-مينيستر يادرولىق فيزيكا ينستيتۋتى مەن Orhun Medical كومپانياسىنىڭ وكىلدەرىمەن كەزدەستى.
كەزدەسۋ بارىسىندا ونكولوگيالىق اۋرۋلاردى دياگنوستيكالاۋ جانە ەمدەۋگە ارنالعان وتاندىق راديوفارماتسەۆتيكالىق پرەپاراتتار ءوندىرىسىن دامىتۋ مۇمكىندىكتەرى تالقىلاندى. بۇل باعىت وڭىردە جوعارى تەحنولوگيالى مەديتسينانى دامىتۋعا جانە عىلىمدى قاجەتسىنەتىن وندىرىستەردى كەڭەيتۋگە جول اشۋى مۇمكىن.
مامانداردىڭ پىكىرىنشە, مۇنداي جوبالار ەلدەگى ونكولوگيالىق اۋرۋلاردى ەرتە انىقتاۋ جانە ءتيىمدى ەمدەۋ جۇيەسىن دامىتۋعا سەرپىن بەرەدى.
كواليتسيا مۇشەلەرى الماتى وبلىسى جۇرتشىلىعىمەن جۇزدەستى