15 ناۋرىزدا وتەتىن رەسپۋبليكالىق رەفەرەندۋم قارساڭىندا ازاماتتار ءوز سايلاۋ ۋچاسكەسىن eGov Mobile ءموبيلدى قوسىمشاسى مەن GOV.KZ پورتالى ارقىلى تابۋىنا بولادى, دەپ حابارلايدى Egemen.kz.
جاساندى ينتەللەكت جانە تسيفرلىق دامۋ مينيسترلىگىنىڭ مالىمدەۋىنشە, eGov Mobile ءموبيلدى قوسىمشاسى GOV.KZ پورتالىنىڭ باستى بەتتەرىندە «رەفەرەندۋم» ارنايى باننەرى ورنالاستىرىلعان. وسى بەتتە «جيى قويىلاتىن سۇراقتار» بولىمىنە سىلتەمە قولجەتىمدى, وندا ازاماتتار رەفەرەندۋمعا قاتىستى پايدالى اقپاراتتى تابا الادى.
«باننەرگە وتكەننەن كەيىن پايدالانۋشى سايلاۋ ۋچاسكەسىن تەكسەرۋ سەرۆيسىنە وتەدى, وندا ول ءوزىنىڭ جسن-ءىن جانە ءوڭىرىن كورسەتۋى قاجەت. دەرەكتەر ەنگىزىلگەننەن كەيىن جۇيە اۆتوماتتى تۇردە سايلاۋ ۋچاسكەسىنىڭ ءنومىرىن, ءوڭىر مەن اۋداندى, سونداي-اق داۋىس بەرۋ ورنىنىڭ ناقتى مەكەنجايىن كورسەتەدى», دەلىنگەن حابارلامادا.
رەفەرەندۋم-2026: داۋىس بەرۋ ۋچاسكەسىن جسن ارقىلى قالاي تابۋعا بولادى؟