«ەرتىس ورمانى» رەزەرۆاتىنا تۇلكىلەر قايتا ورالىپ جاتىر. بۇدان ءبىراز ۋاقىت بۇرىن ەرەكشە قورعالاتىن قاراعاي القاپتارىندا ءتۇز تاعىلارى كورىنبەي كەتكەن ەكەن.
مەملەكەتتىك ورمان تابيعي رەزەرۆاتىنىڭ اۋماعىندا عىلىم ءبولىمىنىڭ مامانى ورماندا تۇلكىنى فوتوعا ءتۇسىرىپ العان.
ء«تۇز تاعىسىنىڭ قايتا ورالۋى ەكوجۇيەدە قولايلى جاعدايلار قالىپتاسىپ وتىرعانىن بىلدىرەدى. ءارى ورمان جۇيەسىنىڭ قولايلى جاعدايىنىڭ ماڭىزدى كورسەتكىشى. بۇل جىرتقىشتار كەمىرگىشتەردىڭ سانىن رەتتەپ, تابيعي تەپە-تەڭدىكتى ساقتاۋدا ەرەكشە ءرول اتقارادى», دەيدى مەكەمە ماماندارى.
ورمانشىلاردىڭ ايتۋىنشا, تۇلكى – ەڭ اقىلدى ءارى بەيىمدەلگىش جىرتقىشتاردىڭ ءبىرى. ەستۋ قابىلەتى وتە جاقسى جەتىلگەن, ءتىپتى قار استىنداعى بولماشى سىبدىردىڭ ءوزىن اڭعارىپ, جەمتىگىنىڭ ورنىن ءدال انىقتاي الادى. قىستا تەرىسىنىڭ قىلشىقتارى بۇرىنعىدان دا ۇلپىلدەپ, تىعىز بولا تۇسەدى ەكەن. بۇل ونى كەز كەلگەن قاقاعان ايازدان سەنىمدى قورعايدى.
ماماندار «ەرتىس ورمانىنىڭ» جابايى تابيعاتىنىڭ سونشالىقتى باي ءارى الۋان ءتۇرلى ەكەنىن, وعان تۇرعىندار ۇقىپپەن, جاناشىرلىقپەن قاراۋ ماڭىزدى ەكەنىن ايتادى. بۇعان دەيىن ورمان اۋماعىندا اپپاق رەڭدەگى جوڭعار اتجالمانى (Phodopus sungorus) دا كوزگە تۇسكەن. بۇل جانۋاردىڭ ورمان القابىندا كەزدەسۋى دە ەرەكشە جايت دەپ تانىلىپ وتىر.
پاۆلودار وبلىسى