ەلىمىزدە كونستيتۋتسيالىق رەفورمالاردى كوپشىلىككە ءتۇسىندىرۋ جۇمىستارى قارقىندى ءجۇرىپ جاتىر. «قازاتومونەركاسىپ» ۇاك» اق باس كەڭسەسىندە قازاقستان رەسپۋبليكاسى كونستيتۋتسياسىنىڭ جاڭا جوباسىن تاقىلاۋعا ارنالعان كەزدەسۋ ءوتتى. القالى جيىندا ۇسىنىلىپ وتىرعان وزگەرىستەردىڭ ءمان-ماڭىزى مەن ولاردىڭ مەملەكەت دامۋىنا ىقپالى ايتىلدى, دەپ حابارلايدى Egemen.kz.
كومپانيا قىزمەتكەرلەرى, ەنشىلەس جانە تاۋەلدى كومپانيا باسشىلارى قاتىسقان ءىس-شاراعا قر پارلامەنتى سەناتىنىڭ دەپۋتاتى بيبىگۇل جەكسەنباي, قر پارلامەنتى ءماجىلىسىنىڭ دەپۋتاتى, كونستيتۋتسيالىق كوميسسيا مۇشەسى مۇرات ابەنوۆ جانە «قازاق گازەتتەرى» جشس باس ديرەكتورى, كونستيتۋتسيالىق كوميسسيا مۇشەسى ديقان قامزابەك ۇلى كەزدەسۋدە كونستيتۋتسيالىق وزگەرىستەردىڭ نەگىزگى باعىتتارى تۋرالى ارنايى شاقىرىلعان سپيكەرلەر بايانداما جاسادى, . كەزدەسۋدى «قازاتومونەركاسىپ» ۇاك» اق باسقارما توراعاسى مەيىرجان يۋسۋپوۆ اشىپ, كونستيتۋتسيالىق رەفورما ەلىمىزدىڭ كەمەل كەلەشەگى ءۇشىن قولعا الىنىپ جاتقانىن اتاپ ءوتتى.
«بۇگىندە ەلىمىز ماڭىزدى تاريحي كەزەڭنىڭ الدىندا تۇر. كونستيتۋتسيالىق رەفورما – زاڭ ۇستەمدىگىن نىعايتىپ, بيلىك تارماقتارىنىڭ تەڭگەرىمىن قامتاماسىز ەتۋگە جانە ازاماتتاردىڭ قۇقىقتارى مەن بوستاندىقتارىن قورعاۋ كەپىلدىكتەرىن كۇشەيتۋگە باعىتتالعان ماڭىزدى قادام», دەدى.
كومپانيا باسشىسى ءوز سوزىندە كونستيتۋتسيا جوباسىن ازىرلەۋ بارىسىندا قوعامنىڭ بارلىق وكىلدەرىنىڭ پىكىرى ەسكەرىلگەنىن جانە كەڭ اۋقىمدى ساراپتامالىق تالقىلاۋلار جۇرگىزىلگەنىن اتاپ ءوتتى. سونداي-اق, ءتۇرلى سالانىڭ ماماندارى, زاڭگەرلەر مەن قوعام بەلسەندىلەرى اتسالىسىپ, ازاماتتاردان تۇسكەن ۇسىنىستار دا نازارعا الىنعان.
رەفەرەندۋم-2026: داۋىس بەرۋ ۋچاسكەسىن جسن ارقىلى قالاي تابۋعا بولادى؟
مىنبەرگە شىعىپ ءسوز سويلەگەن ەل اعالارى ۇسىنىلىپ وتىرعان وزگەرىستەردىڭ مەملەكەت باسقارۋ جۇيەسىن جەتىلدىرۋگە, دەموكراتيالىق ينستيتۋتتاردى نىعايتۋعا جانە ازاماتتاردىڭ قۇقىقتارى مەن بوستاندىقتارىن قورعاۋ تەتىكتەرىن كۇشەيتۋگە باعىتتالعانىن ايتتى. جاڭا كونستيتۋتسيا جوباسى ەلدىڭ ساياسي جۇيەسىن جاڭعىرتىپ, قوعامدىق قاتىناستاردى ودان ءارى دامىتۋعا ىقپال ەتەدى. قۇجات قابىلدانعان جاعدايدا, ول قازاقستاننىڭ قۇقىقتىق مەملەكەت رەتىندە دامۋىنا جاڭا سەرپىن بەرىپ, قوعامداعى تۇراقتىلىق پەن بىرلىكتى نىعايتۋعا ىقپال ەتەدى.
رەفەرەندۋم كەزىندە شالعايدا جۇرگەن ازاماتتار قالاي داۋىس بەرەدى؟
قادىرلى مەيماندار كەزدەسۋ سوڭىندا 15 ناۋرىز كۇنى وتەتىن رەسپۋبليكالىق رەفەرەندۋمعا بەلسەندى قاتىسۋعا شاقىرىپ, بۇل ساياسي وقيعا ەلدىڭ بولاشاعىن ايقىندايتىن تاريحي قادامداردىڭ ءبىرى ەكەنىنە توقتالدى.
ايتا كەتەيىك, مۇنداي كەزدەسۋلەردىڭ ماقساتى – ازاماتتاردى كونستيتۋتسيالىق وزگەرىستەردىڭ مازمۇنىمەن تانىستىرۋ جانە اشىق پىكىر الماسۋعا مۇمكىندىك جاساۋ.