بۇگىن ءماجىلىستىڭ جالپى وتىرىسىندا دەپۋتات ەرمۇرات باپي جاھاندا ساياسي احۋال ۋشىعىپ تۇرعاندا قازاقستان ءوزى تاڭداعان جولىنان تايماي, ەل قاۋىپسىزدىگى ءۇشىن باتىل باستامالارعا بەت بۇرۋعا ءتيىس ەكەنىن اتاپ ءوتتى, دەپ جازادى Egemen.kz.
ەرمۇرات باپي وسى باعىتتا ءبىز ءۇشىن ەڭ ماڭىزدى باستاما رەتىندە جالپىحالىقتىق رەفەرەندۋمعا ۇسىنىلعان جاڭا كونستيتۋتسيانىڭ جوباسى ەكەنىن اتاپ ءوتتى. سونداي-اق ول قوعام كوپتەن كۇتكەن ناقتى ساياسي وزگەرىستەر باستاماسىنىڭ ماڭىزىن تۇيسىنبەي, قيامپۇرىس قىلىق تانىتىپ جۇرگەن جەكەلەگەن ازاماتتار بار ەكەنىن سىنعا الدى.
«وسى رەتتە بىردەن سۇرايىن, جاڭا كونستيتۋتسيانىڭ جوباسىن وڭدى-سولدى, تيسە تەرەككە, تيمەسە بۇتاققا دەپ سىناۋشىلار ەسكى جۇيەنىڭ «ديىرمەنىنە سۋ قۇيىپ» جۇرگەندەرىن بىلە مە ەكەن؟ جالپى, ەلدىڭ ءىشى مەن سىرتىنداعى ناقتى رەاليزم مەن كونسترۋكتيۆيزمنەن جۇرداي سىنشىلىق بۇگىنگى جاعدايدا تاپ-تازا ءپوپۋليزمنىڭ ۇلگىسى بولماق.ء يا, اتا زاڭنىڭ جوباسىنداعى جەكەلەگەن باپتاردا سىرتقى تاۋەكەلدەردى ءوز قولىمىزبەن تۋدىرماس ءۇشىن, سابىرعا دەس بەرۋدىڭ ساقتىق قاجەتتىلىگى جاسالعانىن جاسىرۋعا بولمايدى. بۇل – جاھاندىق تۇراقسىزدىق كۇشەيگەن كەزەڭدە مەملەكەتتىڭ ىشكى بىرلىگىن, باسقارۋ تيىمدىلىگىن جانە قاۋىپسىزدىگىن قامتاماسىز ەتۋگە باعىتتالعان ساقتىق شاراسى», دەدى دەپۋتات.
قاراعاندى وبلىسىندا جاڭا كونستيتۋتسيا جوباسى برايل قارپىمەن باسىلىپ شىقتى
ماجىلىسمەن قوعامدا «جاڭا كونستيتۋتسيا سۋپەرپرەزيدەنتتىك جۇيەنى قايتادان قالپىنا كەلتىرەدى» دەگەن قاڭقۋ سوزدەردىڭ تاراۋى جاڭساق پىكىر ەكەنىن دە جەتكىزدى.
ء«بىز بۇل جاڭا كونستيتۋتسيانى قابىلداعان سوڭ, «ەسكى قازاقستانمەن» تولىق قوش ايتىسامىز! 2022 جىلعى كونستيتۋتسيالىق رەفورمالار كەزىندە ءبىز سۋپەرپرەزيدەنتتىك مودەلدەن باس تارتىپ, ءبىر رەت سايلاناتىن جەتى جىلدىق كلاسسيكالىق پرەزيدەنتتىك جۇيەگە كوشتىك. مەملەكەتتىك ساياسي قىزمەتتەگى تۋىستىق ىقپال مەن مۇددەلەر قاقتىعىسى كونستيتۋتسيالىق نەگىزدە جويىلدى. سوندىقتان ەسكى جۇيەنىڭ ەتجاقىن «وكىلى بيلىككە قايتىپ كەلەدى» دەگەن قاۋەسەتتىڭ ەشقانداي نەگىزى جوق», دەدى ول.
ماۋلەن اشىمباەۆ: كونستيتۋتسيالىق رەفورمانىڭ باسىم مىندەتى – ازاماتتاردىڭ ءال-اۋقاتىن ارتتىرۋ
ەرمۇرات باپي 15 ناۋرىزدا وتەتىن رەفەرەندۋمدا اتا زاڭدى قولداۋ نەمەسە وعان قارسى داۋىس بەرۋ قاقىسى اركىمنىڭ ازاماتتىق ەرىك-جىگەرىنە بايلانىستى شەشىم بولعانمەن, ازاماتتارعا الەمدەگى ساياسي احۋالدى قاپەرگە الۋدى دا ەسكە سالدى.
«جەر-دۇنيە سوعىس دۇمپۋىمەن تەڭسەلىپ تۇرعان كەزدە, بىزگە بىتىسپەس تەكە-تىرەس قاجەت پە, جوق الدە ەلدىڭ ەرتەڭى مەن تاۋەلسىزدىكتىڭ تۇراقتىلىعىنا جاندارمەن ازاماتتىق جاۋاپكەرشىلىك ارتىق پا؟ ءبىز ەلدىك جانە تەرريتوريالىق تۇتاستىققا ءتانتىمىز بە, الدە ءبىزدى ىشتەن ىرىتۋگە اۋەس الدەكىمدەردىڭ اۋپىلىنە جەلىگىپ, توز-توز بوپ جۇرە بەرەيىك پە؟ وسى سۇراقتاردىڭ سۇلباسى تۇرعىسىنان ايتار بولسام, مەن 15 ناۋرىزدا بارشاڭىزدى رەفەرەندۋمعا قاتىسۋعا شاقىرامىن», دەدى ەرمۇرات باپي.
بيبىگۇل جەكسەنباي: جاڭا كونستيتۋتسيا – ۇلتتىق قۇرىلتايدا باستالعان رەفورمالاردىڭ لوگيكالىق جالعاسى