قازاقستاندىق قوعامدىق دامۋ ينستيتۋتى الداعى رەفەرەندۋم قارساڭىندا حالىقتىڭ حاباردارلىق دەڭگەيى مەن جاڭا كونستيتۋتسيا جوباسىنا دەگەن كوزقاراسىن انىقتاۋ ماقساتىندا الەۋمەتتانۋلىق تەلەفون ساۋالناماسىن جۇرگىزدى, دەپ حابارلايدى Egemen.kz.
ساۋالناما 2026 جىلعى 12-20 اقپان ارالىعىندا مادەنيەت جانە اقپارات مينيسترلىگىنىڭ تاپسىرىسىمەن وتكىزىلدى. زەرتتەۋ 18 جاستان اسقان قازاقستان حالقىن قامتيتىن ۇلتتىق ىرىكتەمە نەگىزىندە جۇرگىزىلدى. ىرىكتەمە كولەمى – 1 200 رەسپوندەنت. تەلەفون ارقىلى جۇرگىزىلگەن ساۋالناما 17 وبلىس پەن رەسپۋبليكالىق ماڭىزى بار ءۇش قالانى – استانا, الماتى جانە شىمكەنت قامتىدى. بايلانىس ستاتسيونارلىق جانە ۇيالى تەلەفون نومىرلەرى ارقىلى جۇزەگە اسىرىلدى.
قاراعاندى وبلىسىندا جاڭا كونستيتۋتسيا جوباسى برايل قارپىمەن باسىلىپ شىقتى
ەل ازاماتتارى رەفەرەندۋم تۋرالى قانشالىقتى حاباردار؟زەرتتەۋ ناتيجەسى بويىنشا, قازاقستان ازاماتتارىنىڭ 81,8%-ى ەلدە جاڭا كونستيتۋتسيا جوباسى بويىنشا رەفەرەندۋم وتەتىنى تۋرالى بىلەدى. ونىڭ ىشىندە:
33,7%-ى رەفەرەندۋم جونىندە جاقسى حاباردار;
48,1%-ى بۇل تۋرالى ەستىگەنىمەن, ناقتى مالىمەتتەردى تولىق بىلمەيدى.
رەسپوندەنتتەردىڭ 17,1%-ى رەفەرەندۋم جايلى مۇلدە ەستىمەگەن.
وڭىرلەر بويىنشا حاباردارلىق دەڭگەيى ەڭ جوعارى كورسەتكىشتى جامبىل وبلىسى (89,7%), شىعىس قازاقستان وبلىسى (87,8%), قىزىلوردا وبلىسى (89,1%), باتىس قازاقستان وبلىسى (88,1%) جانە الماتى (87,6%) كورسەتتى.
جاستار اراسىندا رەفەرەندۋم تۋرالى تولىق اقپارات بىلەتىندەر ۇلەسى 44,8%-دى قۇراسا, ەگدە جاستاعى ازاماتتاردىڭ 51,7%-ى بۇل تۋرالى جالپى حاباردار ەكەنىن ايتقان. سونىمەن قاتار ءبىلىم دەڭگەيى ارتقان سايىن اقپاراتتاندىرۋ كورسەتكىشى دە جوعارىلايتىنى بايقالعان. ماسەلەن, جوعارى ءبىلىمدى رەسپوندەنتتەردىڭ 86,7%-ى رەفەرەندۋم تۋرالى بىلسە, ورتا ارنايى نەمەسە كاسىپتىك ءبىلىمى بار ازاماتتار اراسىندا بۇل كورسەتكىش 74,3%-دى قۇراعان.
اقپارات كوزدەرى رەتىندە ساۋالناماعا قاتىسقانداردىڭ 76,9%-ى الەۋمەتتىك جەلىلەردى (TikTok, Telegram, Instagram, Facebook, ۆكونتاكتە جانە ت.ب.) اتاعان. 33,3%-ى جاڭالىقتاردى ينتەرنەت-سايتتاردان الاتىنىن ايتسا, 20,5%-ى تەلەديداردى نەگىزگى اقپارات كوزى رەتىندە كورسەتكەن.
ەلەكتورالدىق بەلسەندىلىك جوعارىء«سىز جاڭا كونستيتۋتسيا جوباسى بويىنشا رەفەرەندۋمعا قاتىساسىز با؟» دەگەن سۇراققا قاتىسۋشىلاردىڭ 72,8%-ى ء«يا» دەپ جاۋاپ بەرىپ, مۇنى ازاماتتىق مىندەتى سانايتىنىن جەتكىزگەن.
17,9%-ى ءالى ناقتى شەشىم قابىلداماعان;
9,3%-ى رەفەرەندۋمعا قاتىسۋدى جوسپارلامايدى.
رەفەرەندۋمعا قاتىسۋعا دايىندىق دەڭگەيى تۇركىستان وبلىسى (82,7%), باتىس قازاقستان وبلىسى (78,6%), قاراعاندى وبلىسى (78,1%), قىزىلوردا وبلىسى (76,1%), جامبىل وبلىسى (75%) جانە سولتۇستىك قازاقستان وبلىسى (75%) وڭىرلەرىندە جوعارى ەكەنى انىقتالعان.
جاس ەرەكشەلىگىنە كەلسەك, ەڭ جوعارى قاتىسۋ نيەتىن جاستار (82,2%) جانە 29–45 جاس ارالىعىنداعى ازاماتتار (76,3%) بىلدىرگەن. سونداي-اق جوعارى ءبىلىمدى (74,4%) جانە جالپى ورتا ءبىلىمدى (75%) رەسپوندەنتتەر دە بەلسەندىلىك تانىتقان.
كواليتسيا مۇشەلەرى اتىراۋ وبلىسىنىڭ ستۋدەنتتەرىمەن جاڭا كونستيتۋتسيا جوباسىن تالقىلادى
جوبانى قولداۋ دەڭگەيىساۋالناما قورىتىندىسى بويىنشا,ەل ازاماتتارىنىڭ 89,2%-ى جاڭا كونستيتۋتسيا جوباسىن قولدايدى. ونىڭ ىشىندە:
52,8%-ى جوبانى تولىق قولدايدى;
36,4%-ى قولداۋعا بەيىم.
ال 10,8%-ى ءارتۇرلى سەبەپتەرگە بايلانىستى جوبانى قولدامايتىنىن نەمەسە ناقتى شەشىم قابىلداماعانىن ايتقان.
زەرتتەۋ ورتالىق سايلاۋ كوميسسياسى جاريالاعان رەسمي حابارلاماعا سايكەس ۇيىمداستىرىلعان.