الماتىدا الەۋمەتتىك جەلىدە تاراعان بەينەجازبادان كەيىن وڭالتۋ ورتالىعىنىڭ قىزمەتكەرى قاماۋعا الىندى. پوليتسيا ونى بالاعا قارسى زاڭعا قايشى ارەكەت جاسادى دەگەن كۇدىكپەن ۇستاعانىن حابارلادى, دەپ جازادى Egemen.kz.
الماتى قالالىق پوليتسيا دەپارتامەنتىنىڭ مالىمەتىنشە, كۇدىكتىنىڭ ۇستالعان ءساتى تۇسىرىلگەن بەينە Instagram جەلىسىندە تارادى. داۋلى جاعداي الەۋمەتتىك جەلىدە وڭالتۋ ورتالىعىنىڭ ورتالىق قىزمەتكەرىنىڭ بالاعا كۇش قولدانعانى بايقالاتىن بەينە جاريالانعاننان كەيىن تۋىندادى. بەينەجازبانى بلوگەرلەردىڭ ءبىرى بولىسكەن.
الماتىداعى جەكە وڭالتۋ ورتالىعىندا ەرەكشە بالالاردى ۇرىپ-سوققان
بەينەجازبادان ورتالىق قىزمەتكەرىنىڭ بالانىڭ قولىن قايىرىپ, كۇش كورسەتكەنى كورىنەدى. وسىدان كەيىن تاربيەلەنۋشىلەردىڭ اتا-انالارى مەكەمەدە مۇنداي جاعداي ءبىر رەت قانا ەمەس, بىرنەشە مارتە بولعان بولۋى مۇمكىن دەگەن كۇدىك بار ەكەنىن ايتقان.
ساتباەۆتا بالاعا بۋللينگ جاساعان بالاباقشا قىزمەتكەرى جۇمىستان قۋىلدى
اتا-انالاردىڭ ايتۋىنشا, بەينەجازبالاردا بالالارعا قاتىستى باسقا دا زورلىق ارەكەتتەرى كورىنىس تاپقان.
«بالالارعا كۇش قولدانۋ ءبىر رەت قانا بولماعان. جاتتىقتىرۋشى اتا-انالاردىڭ رۇقساتىنسىز تىكەلەي ەفيرگە شىعىپ, بالالاردى كورسەتكەن. سونىمەن قاتار تاعى ءبىر قىزمەتكەردىڭ بالانىڭ ىشىنەن ۇرعانى بايقالاتىن بەينە بار», دەلىنگەن جاريالانىمدا.
اتا-انالاردىڭ سوزىنشە, ورتالىقتاعى كوپتەگەن تاربيەلەنۋشىنىڭ سويلەۋ قابىلەتىندە اقاۋ بار. سوندىقتان ولار وزدەرىنە نە بولعانىن جاقىندارىنا تولىق جەتكىزە المايدى.
قازىرگى ۋاقىتتا اتالعان دەرەك بويىنشا تەرگەۋ امالدارى ءجۇرىپ جاتىر. قۇقىق قورعاۋ ورگاندارى وقيعانىڭ بارلىق ءمان-جايىن انىقتاپ جاتىر.