يتاليانىڭ ميلان جانە كورتينا-د’امپەتستسو قالالارىندا وتەتىن XIV قىسقى پاراليمپيادا ويىندارىنىڭ اشىلۋىنا ساناۋلى كۇندەر عانا قالدى. ءدۇبىرلى دودا 6-16 ناۋرىز ارالىعىندا ۇيىمداستىرىلادى, دەپ حابارلايدى Egemen.kz.
بيىل قازاقستان قۇراماسى پارا شاڭعى جارىسى مەن پارا بياتلون بويىنشا باق سىنايدى. ەل نامىسىن حالىقارالىق ارەنادا جەتى سپورتشى قورعايدى: ەربول حاميتوۆ, الەكساندر گەرليتس, يۋري بەرەزين, ۆلاديسلاۆ كوبال, سەرگەي ۋسولتسەۆ, اننا گراچەۆا جانە نۇرلان اليموۆ.
قۇراماداعى ەڭ جاس سپورتشى – 17 جاستاعى ۆلاديسلاۆ كوبال. ال ەڭ تاجىريبەلى ءارى جاسى ۇلكەن قاتىسۋشى – 51 جاستاعى سەرگەي ۋسولتسەۆ, ول پارا شاڭعى جانە پارا بياتلوننان ونەر كورسەتەدى.
تاجىريبەلى سپورتشىلاردىڭ ءبىرى الەكساندر گەرليتس 2022 جىلعى بەيجىڭ پاراليمپياداسىندا پارا بياتلوننان قولا جۇلدە يەلەنگەن. سونداي-اق ول 2018 جىلعى پحيونچحان ويىندارىندا پارا شاڭعى جارىسىنان ۇزدىك تورتتىككە ەنگەن.
قىسقى وليمپيادا مارەگە جەتتى
قۇرامانىڭ كوشباسشىلارىنىڭ ءبىرى ەربول حاميتوۆ – الەم چەمپيوناتتارىنىڭ جۇلدەگەرى جانە الەم كۋبوگى كەزەڭدەرىنىڭ بىرنەشە دۇركىن جەڭىمپازى. 2022-2023 جىلعى ماۋسىمدا ول پارا شاڭعىدان الەم چەمپيونى اتانىپ, قازاقستان تاريحىندا مۇنداي جەتىستىككە جەتكەن العاشقى پارا سپورتشى بولدى. ال 2024-2025 جىلعى ماۋسىم قورىتىندىسى بويىنشا پارا بياتلوننان الەم كۋبوگىنىڭ جالپى ەسەبىندە توپ جارىپ, 31 جىلدان كەيىن ەلگە حرۋستال گلوبۋستى قايتاردى.
قازاقستان قۇراماسىنىڭ قىسقى وليمپياداداعى جولى: جىلدار مەن ناتيجەلەر
الداعى ويىندارعا الەمنىڭ 600-دەن استام سپورتشىسى قاتىسىپ, 79 مەدال جيىنتىعى ساراپقا سالىنادى. بيىلعى دودا قىسقى پاراليمپيادا قوزعالىسىنىڭ 50 جىلدىعىمەن تۇسپا-تۇس كەلىپ وتىر. ايتا كەتەيىك, العاشقى قىسقى پاراليمپيادا 1976 جىلى شۆەتسيانىڭ ەرنشيولدسۆيك قالاسىندا وتكەن.
ميحايل شايدوروۆ – وليمپيادا چەمپيونى!