پرەمەر-مينيستر ولجاس بەكتەنوۆ استانا قالاسىنا جۇمىس ساپارى بارىسىندا مەملەكەت باسشىسىنىڭ ەكونوميكانى ءارتاراپتاندىرۋ جانە تەحنولوگيالىق ينفراقۇرىلىمدى دامىتۋ جونىندەگى تاپسىرمالارى شەڭبەرىندە جۇزەگە اسىپ جاتقان نەگىزگى يندۋستريالىق جانە تسيفرلىق جوبالاردىڭ بارىسىن تەكسەردى, دەپ حابارلايدى Egemen.kz.
وندىرىستىك الەۋەتتى ارتتىرۋ, وزىق تەحنولوگيالاردى ەنگىزۋ جانە قالانىڭ تسيفرلىق جۇيەلەرىنىڭ ورنىقتىلىعىن كۇشەيتۋ ماسەلەسىنە باسىمدىق بەرىلدى.
بۇگىندە ەلوردا ونەركاسىبى نەگىزىنەن وڭدەۋ سەكتورىنا سۇيەنەدى. 2025 جىلدىڭ قورىتىندىسى بويىنشا ءوندىرىس كولەمى 3,4 ترلن تەڭگەدەن استى. كاسىپورىنداردىڭ دەنى №1 يندۋستريالىق پارك اۋماعىندا ورنالاسقان. جالپى قۇنى 333,3 ملرد تەڭگەنى قۇرايتىن 137 جوبا جۇزەگە اسىرىلىپ, 9 500-دەن استام جۇمىس ورنىن اشۋ كوزدەلگەن.
ونەركاسىپ ءوندىرىسىنىڭ بەس ايداعى جەتىستىگى
ماشينا جاساۋعا سەرپىنۇكىمەت باسشىسى ساپار بارىسىندا «اۆتوكومپونەنتى KZ» جشس-ءنىڭ ءورت ءسوندىرۋ جانە ارنايى تەحنيكا شىعاراتىن زاۋىتىندا بولدى. 2025 جىلدىڭ قاڭتارىندا ىسكە قوسىلعان كاسىپورىنعا 5,1 ملرد تەڭگەدەن استام جەكە ينۆەستيتسيا سالىنعان. جوبا كاسىپكەرلىكتى دامىتۋ قورىنىڭ قولداۋىمەن جۇزەگە اسقان.
ءوندىرىس ديرەكتورى الەكساندر پلۋجنيكوۆتىڭ ايتۋىنشا, زاۋىت جىلىنا 400 بىرلىككە دەيىن تەحنيكا شىعارۋعا قاۋقارلى. ونىڭ ىشىندە ءورت ءسوندىرۋ اۆتوتسيستەرنالارى, ۆاحتالىق فۋرگوندار, كوممۋنالدىق-جول ماشينالارى بار. ونىمدەر توتەنشە جاعدايلار مينيسترلىگىنە, كوممۋنالدىق قىزمەتتەرگە جانە وزگە دە قۇرىلىمدارعا جەتكىزىلەدى. 2026-2028 جىلدارى قىزمەتكەرلەر سانى 200 ادامعا دەيىن كەزەڭ-كەزەڭىمەن ۇلعايتىلماق. قازىر ءوندىرىس جەلىلەرىن كەڭەيتۋ جانە جەرگىلىكتەندىرۋ دەڭگەيىن ارتتىرۋ جۇمىستارى جۇرگىزىلىپ جاتىر.
ونەركاسىپ ورىستەپ, تۇرمىس تۇزەلگەن
ولجاس بەكتەنوۆ وتاندىق ماشينا جاساۋدى يندۋستريالاندىرۋدىڭ جانە جوعارى ءونىمدى جۇمىس ورىندارىن اشۋدىڭ باستى تەتىكتەرىنىڭ ءبىرى رەتىندە دامىتۋ قاجەتتىگىن اتاپ ءوتتى.
«وڭدەۋ ونەركاسىبىنىڭ ءوسۋى ەكونوميكانى ارتاراپتاندىرۋعا جانە وتاندىق ءوندىرىستىڭ باسەكەگە قابىلەتتىلىگىن ارتتىرۋعا تىكەلەي اسەر ەتەدى. پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا اتاپ وتكەندەي, ءبىز ەل ىشىندە كوبىرەك ءونىم ءوندىرۋىمىز كەرەك, ناقتى سەكتوردى نىعايتىپ, تۇراقتى جۇمىس ورىندارىن قۇرۋ قاجەت. ۇكىمەت ءوز تاراپىنان ءوندىرىس پەن لوكاليزاتسيالاۋدى قامتاماسىز ەتەتىن كاسىپورىندارعا ينفراقۇرىلىم, كادرلاردى دايارلاۋ جانە ناقتى تاپسىرىس تەتىكتەرى ارقىلى قولداۋ كورسەتەدى. ناتيجە نەعۇرلىم كوبىرەك ءونىم شىعارۋعا, كوبىرەك جۇمىس ورنىن قۇرۋعا جانە جوعارى ساپاعا نەگىزدەلۋى كەرەك», دەدى پرەمەر-مينيستر.
تسيفرلىق ينفراقۇرىلىمنىڭ جاڭا كەزەڭىساپار اياسىندا ۇكىمەت باسشىسى Astana Smart City جوباسى شەڭبەرىندە قۇرىلعان دەرەكتەردى وڭدەۋ ورتالىعىن دا ارالادى. بۇل – حالىقارالىق Presight كومپانياسى مەن قالا اكىمدىگىنىڭ سەرىكتەستىگى نەگىزىندە سالىنعان, قالالىق ينفراقۇرىلىمعا ارنالعان ەلىمىزدەگى العاشقى داتا-ورتالىق.
كومپانيا وكىلدەرىنىڭ مالىمەتىنشە, ورتالىق بازاسىندا قالالىق احۋالدىق ورتالىق, بەينەتالداۋ جۇيەلەرى, جاساندى ينتەللەكت پلاتفورمالارى جانە قالالىق ورتانى باسقارۋعا ارنالعان تسيفرلىق قىزمەتتەر جۇمىس ىستەيدى. نىسان حالىقارالىق تۇراقتىلىق جانە اقپاراتتىق قاۋىپسىزدىك ستاندارتتارىنا ساي كەلەدى. ينفراقۇرىلىم اسا ماڭىزدى تسيفرلىق جۇيەلەردىڭ ۇزدىكسىز جۇمىسىن قامتاماسىز ەتۋگە مۇمكىندىك بەرەدى.
جۇمىس ساپارىنىڭ قورىتىندىسىندا ولجاس بەكتەنوۆ يندۋستريالىق بازانى كۇشەيتۋ جانە تسيفرلىق ينفراقۇرىلىمدى دامىتۋ باعىتىنداعى جوبالاردى جۇيەلى جالعاستىرۋدى تاپسىردى. تۇراقتى ەكونوميكالىق ءوسىم مەن ازاماتتاردىڭ ءومىر ساپاسىن ارتتىرۋ ءۇشىن وندىرىستىك جانە تەحنولوگيالىق شەشىمدەردى ىقپالداستىرۋدىڭ ماڭىزى ەرەكشە ەكەنى اتاپ ءوتىلدى.
جاساندى ينتەللەكت وتاندىق ونەركاسىپتى قالاي وزگەرتەدى؟