الماتىدا «باۋىرجان مومىش ۇلى» مەترو بەكەتى مەن سالىنىپ جاتقان «قالقامان» بەكەتى اراسىنداعى ۇزىندىعى 1593 مەتردى قۇرايتىن وڭ باعىتتاعى توننەلدىڭ قازۋ جۇمىستارى تولىق اياقتالدى, دەپ حابارلايدى Egemen.kz.
قالالىق جول-كولىك ينفراقۇرىلىمىن دامىتۋ باسقارماسىنىڭ حابارلاۋىنشا, قازىر توننەلدە تەمىرجول تۇتاس تاباندى تەحنولوگيا بويىنشا توسەلىپ جاتىر. ال سول جاق باعىتتاعى توننەلدە رەلستەر مەن بايلانىس رەلسى ورناتىلىپ, بارلىق ينجەنەرلىك جەلىلەردى مونتاجداۋ جۇمىستارى تولىق تامامدالعان.
الماتى مەتروسى 2040 جىلى قاي اۋماقتاردى قامتيدى؟
سونىمەن قاتار «قالقامان» بەكەتىنىڭ عيماراتى تولىق سالىنىپ ءبىتتى. قازىرگى تاڭدا ىشكى ارلەۋ جۇمىستارى جۇرگىزىلىپ جاتىر. پويىز قوزعالىسىن اۆتوماتتاندىرىلعان باسقارۋ جۇيەسىن قوسا العاندا, الەمدىك جەتەكشى وندىرۋشىلەردىڭ قاجەتتى جابدىقتارى جەتكىزىلگەن. جۋىردا ولاردى ورناتۋ جانە ىسكە قوسۋ كەزەڭى باستالادى.
باس مەردىگەر ۇيىمنىڭ وكىلى مۇرات ۇكشەباەۆتىڭ ايتۋىنشا, نىسان قۇرىلىسى قالا باسشىلىعىنىڭ تاپسىرماسىنا سايكەس تاۋلىك بويى جۇرگىزىلىپ جاتىر. نورماتيۆتىك مەرزىمى 24 اي بولعانىمەن, بەكەتتىڭ نەگىزگى قۇرىلىسى شامامەن 11 ايدا اياقتالعان.
الماتىدا ۇلكەن اينالما مەترو جەلىسى مەن LRT ىسكە قوسىلۋى مۇمكىن
جوسپار بويىنشا قۇرىلىس-مونتاج جۇمىستارى بيىلعى جىلدىڭ ءبىرىنشى جارتىجىلدىعىنىڭ سوڭىنا دەيىن تولىق اياقتالادى.