شىمكەنت قالالىق پوليتسيا دەپارتامەنتىنىڭ باسشىسى قىزمەتىنەن بوساتىلدى. بۇل شەشىم نۇراي سەرىكبايدىڭ قازاسىنان كەيىن قۇقىق قورعاۋ ورگاندارىنىڭ ارەكەتتەرىن تەكسەرۋ جونىندەگى مەملەكەت باسشىسىنىڭ تاپسىرماسىنان سوڭ قابىلداندى. بۇل تۋرالى Polisia.kz حابارلادى, دەپ جازادى Egemen.kz.
ىشكى ىستەر ءمينيسترى ەرجان سادەنوۆ شىمكەنت قالالىق پوليتسيا دەپارتامەنتىنىڭ جاڭا باسشىسى رەتىندە مۇحتار قوجاەۆتى تانىستىردى.
مۇحتار قوجاەۆ 2023 جىلعى جەلتوقساننان بەرى ءىىم-ءنىڭ تەرگەۋ دەپارتامەنتىن باسقارعان. گەنەرال-مايور پوليتسيا سالاسىندا تەرگەۋشىدەن باستاپ مينيسترلىكتىڭ ورتالىق اپپاراتىنداعى دەپارتامەنت باسشىسىنا دەيىنگى جولدان وتكەن, باسقارۋشىلىق جانە تەرگەۋ تاجىريبەسى مول مامان.
ال بۇرىنعى دەپارتامەنت باسشىسى پرەزيدەنت تاپسىرماسىمەن جۇرگىزىلگەن تەكسەرۋ مەن ىشكى ىستەر مينيسترلىگىندەگى قىزمەتتىك تەكسەرىس قورىتىندىسى بويىنشا قىزمەتىنەن بوساتىلدى. سونداي-اق بىرقاتار قىزمەتكەرگە قاتىستى سالعىرتتىق دەرەگى بويىنشا قىلمىستىق ءىس قوزعالدى.
قىزمەتتىك تەكسەرىسكە نە تۇرتكى بولدى؟قىزمەتتىك تەكسەرىس شىمكەنت قالاسىنىڭ تۇرعىنى نۇراي سەرىكبايدىڭ ولىمىنە بايلانىستى باستالعان. 11 قاڭتار كۇنى جاس قىز پىشاق جاراقاتىنان كوز جۇمعان. دەرەكتەرگە سايكەس, قىلمىسقا دەيىن كۇدىكتى وعان قوقان-لوقى كورسەتىپ, ىزىنەن اندىعان. مارقۇمنىڭ اتا-اناسى پوليتسياعا بىرنەشە مارتە ارىزدانعانىمەن, سول كەزدە قىلمىستىق ءىس قوزعالماعان.
بۇل جاعداي قوعامدا رەزونانس تۋدىردى. پرەزيدەنت تە جاعدايعا نازار اۋدارىپ, قۇقىق قورعاۋ ورگاندارىنىڭ ارەكەتتەرىنە ءپرينتسيپتى باعا بەرۋ قاجەتتىگىن ايتتى جانە تەرگەۋدىڭ ءادىل جۇرگىزىلۋىن قامتاماسىز ەتۋدى تاپسىردى.
نۇراي سەرىكبايدىڭ ءىسى «اسا قاتىگەزدىكپەن كىسى ءولتىرۋ» بابىنا وزگەرتىلدى
جاڭا باسشى مۇحتار قوجاەۆقا قالاداعى قۇقىقتىق ءتارتىپتى نىعايتۋ, ازاماتتاردىڭ قاۋىپسىزدىگىن قامتاماسىز ەتۋ جانە پوليتسيا جۇمىسىنا دەگەن سەنىمدى قالپىنا كەلتىرۋ مىندەتى قويىلدى.