2026 جىلى قازاقستاندا جالپى قۋاتى شامامەن 2,6 گۆت بولاتىن جاڭا ەلەكتر ەنەرگياسى كوزدەرى پايدالانۋعا بەرىلمەك. ونىڭ ىشىندە 173 مۆت جاڭارتىلاتىن ەنەرگيا كوزدەرى نىساندارىنا تيەسىلى. جوبالار ەلدەگى ەنەرگيا تاپشىلىعىن جويۋعا جانە گەنەراتسيا قۇرىلىمىن جاڭعىرتۋعا باعىتتالعان, دەر حابارلادى ۇكىمەت.
نەگىزگى جوبالاردىڭ قاتارىندا «تەكەلى ەنەرگيا كەشەنى» جشس بار. كاسىپورىن قۋاتى 17 مۆت بولاتىن ءۇش جويۋ قازاندىعى مەن بۋ تۋربيناسىن ىسكە قوسۋدى جوسپارلاپ وتىر. نىساندى پايدالانۋعا بەرۋ مەرزىمى – 2026 جىلدىڭ ماۋسىمى.
«اتىراۋ جەو» جشس 2026 جىلدىڭ جەلتوقسانىندا №11 تۋربواگرەگات پەن №15 قازاندىقتى ىسكە قوسپاق. اتالعان جوبانىڭ جالپى قۋاتى 59,6 مۆت بولادى.
«تەڭىزشەۆرويل» اتىراۋ جىلۋ ەلەكتر ورتالىعىنا گاز جەتكىزۋدى توقتاتا ما؟
سونداي-اق 2026 جىلدىڭ تامىزىندا قىزىلوردا وبلىسىندا قۋاتى 240 مۆت بولاتىن بۋ-گازدى قوندىرعى پايدالانۋعا بەرىلەدى. ال تۇركىستان وبلىسىندا 2026 جىلدىڭ جەلتوقسانىندا قۋاتى 1000 مۆت-تىق بۋ-گازدى قوندىرعى ىسكە قوسىلادى.
الماتى قالاسىندا دا ءىرى ەنەرگەتيكالىق جوبالار جوسپارلانعان. اتاپ ايتقاندا, جەو-2-دە 2026 جىلدىڭ جەلتوقسانىندا قۋاتى 557 مۆت بولاتىن بۋ-گازدى قوندىرعى, ال جەو-3-تە ءدال وسى مەرزىمدە قۋاتى 544 مۆت-تىق بۋ-گازدى قوندىرعى پايدالانۋعا بەرىلەدى.
ءشۇلبى سۋ ەلەكتر ستانتسياسى: جۇمىسشى ماماندىق – ومىرلىك كاسىپ
بۇدان بولەك, 2026 جىلدىڭ جەلتوقسانىندا جالپى قۋاتى 173 مۆت بولاتىن جاڭارتىلاتىن ەنەرگيا كوزدەرى نىساندارىن ىسكە قوسۋ كوزدەلىپ وتىر.
جوسپارعا سايكەس, 2027 جىلدىڭ ءبىرىنشى توقسانىنا قاراي قازاقستان ەلەكتر ەنەرگياسىمەن تولىقتاي قامتىلىپ, ەنەرگيا تاپشىلىعى بار ەلدەر قاتارىنان شىعادى.
قىتايدا تەڭىز بەتىنە سالىنعان كۇن ەلەكتر ستانتسياسى پايدالانۋعا بەرىلدى