الماتى وبلىسىندا «Respublica» پارتياسىنىڭ توراعاسى, ءماجىلىس دەپۋتاتى ايداربەك قوجانازاروۆ بىرقاتار وندىرىستىك نىسانداردى ارالاپ, كاسىپكەرلەرمەن ەكونوميكانى دامىتۋ, جۇمىس ورىندارىن قۇرۋ جانە وڭىرلىك كلاستەردى قولداۋ بويىنشا مەملەكەت جۇرگىزىپ جاتقان ساياساتتى تالقىلادى, دەپ جازادى Egemen.kz.
الدىمەن دەپۋتات الاتاۋ قالاسىنداعى «PENOPLEX (پەنوپلەكس) قر» جشس-نا ات باسىن تىرەپ, جىلۋ ساقتاعىش قۇرىلىس ماتەريالدارىن شىعاراتىن زاۋىتتىڭ جۇمىسىمەن تانىستى. كاسىپورىن ءونىمدى تۇرعىن قۇرىلىسى ءۇي نارىعىنا, كوممەرتسيالىق جانە ينفراقۇرىلىم نىساندارىن سالۋشى كومپانيالارعا جەتكىزەدى, سول ارقىلى يمپورتتى الماستىرۋعا, ونەركاسىپ ءوندىرىسىن قالىپتاستىرۋعا ۇلەس قوسىپ كەلەدى.
كاسىپكەرلەرمەن اڭگىمە بارىسىندا ءادىل سالىق, مەملەكەتتىك جانە كورپوراتيۆتىك ساتىپ الۋ كەزىندە وتاندىق قۇرىلىس ماتەريالدارىن ىلگەرىلەتۋ, جەتكىزۋ تىزبەگىندەگى قازاقستاندىق ۇلەستى ۇلعايتۋ جانە جەرگىلىكتى وندىرۋشىلەردىڭ تاۋار بەلگىلەرىن قورعاۋ ماسەلەلەرى كوتەرىلدى.
يمپورتتى ازايتۋعا مۇمكىندىك مول
سونداي-اق ايداربەك قوجانازاروۆ تەمىربەتون شپال مەن قۇرىلىس ماتەريالىن شىعاراتىن كاسىپورىنعا, سۋسىن شىعاراتىن زاۋىتقا باردى.
– وڭىرلەردە اتقارىلىپ جاتقان جۇمىستار پرەزيدەنت قاسىم-جومارت توقاەۆ العا قويعان باسىمدىقتارعا تولىق سايكەس كەلەدى. مەملەكەت باسشىسى ناقتى سەكتوردى قولداۋ, شيكىزاتتىق ەمەس يندۋستريان دامىتۋ جانە ورنىقتى ەكونوميكالىق ءوسۋدى قالىپتاستىرۋ قاجەتتىگىن بىرنەشە رەت اتاپ ءوتتى. بىلتىرعى جولداۋىندا الاتاۋ قالاسىنا ۇكىمەتكە تىكەلەي باعىناتىن ارنايى مارتەبە بەرۋ قاجەتتىگىن ايتتى. بۇل ارتىقشىلىق ەمەس, بۇل – وسى جوبانى جۇزەگە اسىرۋعا جانە ينۆەستيتسيا تارتۋعا ىقپال ەتەتىن قۇرال. الاتاۋ وڭىردەگى العاشقى تولىققاندى تسيفرلىق قالاعا اينالىپ, تەحنولوگيالىق پروگرەستىڭ جانە ءومىر مەن جۇمىسقا قولايلى ورتانىڭ سيمۆولى بولۋعا ءتيىس, – دەپ اتاپ ءوتتى دەپۋتات.
ساپار قورىتىندىسى بويىنشا «Respublica» پارلامەنتتىك فراكتسياسىنىڭ دەپۋتاتتارى سالالىق ۆەدومستۆولارمەن بىرلەسىپ حالىقتىڭ جانە كاسىپكەرلەردىڭ سۇرانىستارى بويىنشا جۇمىستى جالعاستىرادى.
يمپورت كۇشەيدى, ال ەكسپورتتىق تابىس ازايىپ بارا جاتىر