تۇركيانىڭ قۇقىق قورعاۋ ورگاندارى اۋقىمدى وپەراتسيا جۇرگىزىپ, «يسلام مەملەكەتى» تەرروريستىك ۇيىمىنا (قازاقستاندا تىيىم سالىنعان ۇيىم) قاتىسى بار دەگەن كۇدىكپەن 115 ادامدى ۇستادى. كۇدىكتىلەر جاڭا جىل جانە روجدەستۆو مەرەكەلەرى كەزىندە تەراكت جاساۋدى جوسپارلاعان, دەپ جازادى Egemen.kz.
تۇركيا باس پروكۋراتۋراسىنىڭ مالىمەتىنشە, ولار الدىمەن مۇسىلمان ەمەس ادامدار ورتاسىندا لاڭكەستىك ارەكەتتەرىن جۇزەگە اسىرۋدى كوزدەگەن.
ەلدەگى اۋقىمدى وپەراتسيا 124 مەكەنجاي بويىنشا جۇرگىزىلىپ, ءتىنتۋ كەزىندە قارۋ-جاراق پەن وق-دارىلەر تاركىلەنگەن.
RKS NEWS مالىمەتىنشە, قولعا تۇسكەن 115 ادامنان بولەك بىرنەشە ازاماتقا ىزدەۋ جاريالانعان.قازىر ىسكە قاتىستى تەرگەۋ امالدارى باستالعان. وسىلايشا, تۇركيانىڭ قۇقىق قورعاۋ ورگاندارى اۋقىمدى تەراكتتىڭ الدىن العان.
بۇعان دەيىن تۇركيادا ليۆيا ۇشاعى اپاتقا ۇشىراعانىن حابارلاعانبىز.
سونداي-اق الەمدىك باق بەتىندە تۇركيالىق دەپۋتاتتار بيۋدجەتتى تالقىلاۋ كەزىندە توبەلەسىپ قالعانى تاسپالانعان بەينەجازبا تارادى.