كاسىپكەرلىكتى قولداۋدىڭ ءتيىمدى تەتىكتەرى

قازىر مەملەكەت بيزنەستى قولداۋدىڭ 117 قۇرالىن ىسكە اسىرىپ وتىر. ونىڭ 76-سى قارجىلىق, 38-ءى قارجىلىق ەمەس, 3-ەۋى م ۇلىكتىك قولداۋ تەتىكتەرى. كەيىنگى بەس جىلدا تىركەلگەن شاعىن جانە ورتا بيزنەس سۋبەكتىلەرى سانى 40%-عا ارتىپ, 2,3 ملن بىرلىككە جەتكەن. وسى سالادا 4,5 ملن ادام جۇمىسپەن قامتىلعان.

«اتامەكەن» ۇلتتىق كا­سىپ­كەر­لەر پالاتاسى وڭدەۋ ونەركاسىبى كوميتە­تىنىڭ توراعاسى قانات يبراەۆ وتاندىق تاۋار وندىرۋشىلەر ءتىزىلىمىن جاساقتاۋ تەتىگىن جەتىلدىرە ءتۇسۋ ماسەلەسىن كوتەردى. جۇيە ازىرگە پيلوت­تىق رەجىمدە جۇمىس ىستەپ تۇر. بيزنەس تاراپىنان وعان قاتىستى ادىسنامالىق جانە تەحنيكالىق ماسەلەر ءالى دە بار. ال ءتىزىلىم كەلەسى جىلى 1 قاڭتاردان باس­تاپ مەملەكەتتىك ساتىپ الۋ كەزىندە قولدانىلعالى وتىر.

ونەركاسىپ جانە قۇرىلىس مينيسترلىگى مەن قارجى مي­نيسترلىگىنىڭ وكىلدەرى ءتىزىلىمنىڭ تاجىريبەلىك پايدا­لانۋعا ەنگىزىلگەنىن حابارلادى. قوردا بۇعان دەيىن «وتاندىق تاۋار ءوندىرۋشى» مارتەبەسى بارىن راستاعان, قولدانىستاعى يندۋستريالىق سەرتيفيكاتتاردىڭ يەلەرى سانالاتىن 1 868 كاسىپورىن تىركەلگەن. ولار ەندى مەملە­كەت­تىك ساتىپ الۋلارعا قاتىسۋ قۇقىعىنا يە.

تەحنيكالىق جانە ادىس­نامالىق ماسەلەلەردى جويۋ جۇمىستارىن جۇ­يەنىڭ تەح­نيكالىق وپەراتورى – «ەلەك­ترون­دىق قارجى ورتالىعى» جال­عاستىرىپ وتىر.

ساۋدا جەلىلەرى وداعىنىڭ وكىلى ەلبەگي ابديەۆ تۇتىنۋ­شىلىق كرەديتتى قىسقارتۋ شاراسى شەڭبەرىندە بولشەك ساۋدانىڭ, اسىرەسە ازىق-ت ۇلىككە جاتپايتىن تاۋار سەگ­مەنتىندە ءوسۋ قارقىنىنىڭ باياۋلاعانىنا نازار اۋداردى. قازاقستان قارجىگەرلەرى قاۋىمداستىعىنىڭ باعا­لاۋىنشا, ساۋدانىڭ ءىجو-دەگى ۇلەسىنىڭ جوعارى بولۋى جانە ونداعى شاعىن جانە ميكروبيزنەستە جۇمىسپەن قامتىلعاندار سانىنىڭ مول ەكەندىگى, سونداي-اق  بولشەك ساۋداداعى سۇرانىستىڭ ازايۋى كاسىپكەرلەردىڭ ونىمدەرىن وتكىزۋگە تىكەلەي اسەر ەتۋى مۇمكىن.

سەرىك جۇمانعارين بۇل ساۋالعا جاۋاپ بەرە كەلىپ, كەيىنگى جىلدارى تۇتىنۋ­شى­لىق نەسيە بەرۋدىڭ ارتۋى كورپوراتيۆتىك كرەديتكە كەرى اسەرىن تيگىزگەنىن اتاپ ءوتتى. ال 10 جىل بۇرىن جاعداي كەرىسىنشە ەدى. بۇل رەتتە ساۋدا ءوزارا بايلانىستى سالالار مەن جۇمىسپەن قامتۋداعى ماڭىزدى درايۆەر بولىپ قالا بەرەدى. مەملەكەتتىڭ مىندەتى – تۇتىنۋدى تومەن­دەتپەي, ءىجو-ءنىڭ ءوسۋى ەسە­بىنەن تۇتىنۋشىلىق نەسيەلەۋ ۇلەسىن قىسقارتىپ, قالىپتاسقان جاعدايدان اقى­رىنداپ شىعۋ. بۇل مىن­دەت­تىڭ شەشىمى ەكىنشى دەڭگەيدەگى بانكتەرمەن, قازاقستان قار­جى­گەرلەرى قاۋىم­داس­تى­عى­مەن, ۇلتتىق بانك­پەن جانە باسقا دا رەتتەۋ­شى­لەرمەن بىرلەسىپ ازىرلەنەدى.

«قازاقستان فارممەديندۋستريا» فارماتسەۆتيكالىق جانە مەديتسينالىق ءونىم وندىرۋ­شىلەر قاۋىمداس­تى­عى­نىڭ پرەزيدەنتى رۋسلان سۇلتانوۆ شيكىزات پەن سۋبستانتسيالاردان دايىن ءدارى-دارمەك, مەديتسينالىق بۇيىم, قىزمەتكە دەيىنگى تىز­­بەك­تىڭ بارلىق كەزەڭىندە دەنساۋلىق ساقتاۋ سالاسىنا بىرىڭعاي 5% ققس مولشەرلەمەسىن  ەنگىزۋدى ۇسىندى. ول كەلەسى جىلدان باستاپ مەديتسينالىق ونىمگە سالىق سالۋ جۇيەسى كوپ دەڭ­گەيلى جانە كۇردەلى بولاتىنىن اتاپ ءوتتى: شيكىزات پەن جابدىق – 16% ققس, تمككك جانە ءمامس اياسىنداعى ءدارى-دارمەك – 0%, ءدارى-دارمەك پەن مەديتسينالىق بۇيىمدار يمپورتى جانە وتكىزۋ – الداعى جىلدان باس­تاپ 5%, 2027 جىلدان باستاپ 10%.

سالاداعى مۇنداي ۇلگى وتاندىق پرەپاراتتاردىڭ اكىمشىلىك شىعىنى مەن قۇنىن ارتتىرادى. 5% ققس بىرىڭعاي مولشەرلەمەسى اكىمشىلەندىرۋدى جەڭىلدەتۋگە, تەڭ باسەكەلەستىك جاعدايىنا جانە باعانىڭ ءوسۋىن تەجەۋگە مۇمكىندىك بەرەدى. سەرىك جۇمانعارين جاڭا سالىق كودەكسىن ەنگىزۋدىڭ العاشقى ناتيجەسى بەلگىلى بولعان سوڭ, كەلەسى جىلى ەكىنشى جارتىجىلدىقتا بۇل ماسە­­لە­نى قايتا قاراۋدى ۇسىندى.

سونداي-اق وتىرىسقا قا­تىسۋشىلار الەۋمەتتىك ماڭى­زى بار ازىق-ت ۇلىك تا­ۋارى تىزبەسىن كەڭەيتۋ, ونىڭ شاعىن جانە بولشەك بيزنەس قىزمەتىنە, سونداي-اق يمپورتتىق ءونىم باعاسىنا اسەرىن تالقىلادى. ساۋدا جانە ينتەگراتسيا مينيسترلىگى ساۋدا كوميتەتى بيزنەستىڭ بىرقاتار ۇسىنىسىن ەسكەر­گەنى اتاپ ءوتىلدى. ولار – لو­گيستيكا مەن ساقتاۋعا جۇم­سالاتىن شىعىستار شە­گە­رىمگە ەنگىزىلىپ, ءامات-تاعى جاڭا پوزيتسيالار تىز­بەسى قىسقارتىلدى. مال شار­ۋاشىلىعىن دامىتۋ, مۇناي سەرۆيستىك كومپانيالاردا جۇمىسپەن قامتۋ, وڭدەۋ ونەر­كاسىبىندەگى تاريف بەلگىلەۋدە سارالانعان ءتاسىل ەنگىزۋ مۇم­كىندىگى ءوز الدىنا بولەك قاراس­تىرىلدى.

وتىرىس قورىتىندىسىندا ۇيلەستىرۋ كەڭەسىنىڭ جۇمى­سىن ۇكىمەت تاراپىنان ۇلت­تىق ەكونوميكا مينيستر­لىگى قاداعالايتىنى تۋرالى شەشىم قابىلداندى. بار­لىق ايتىلعان ۇسىنىس, پروب­لەمالىق ماسەلە تۇيىن­دەلىپ, مۇددەلى مەملەكەتتىك ورگانداردىڭ, «Amanat» پارتياسى مەن «اتامەكەن» ۇكپ-نىڭ قاتىسۋىمەن ودان ءارى پىسىقتاۋعا ۇكىمەتتىڭ باقى­لاۋىنا الىنادى.