2025 جىل باستالعالى بەرى 111 بىرىڭعاي بايلانىس ورتالىعىنا بالالاردان 110 مىڭ 999 ءوتىنىش تۇسكەن. ناقتى اتاعاندا, 108 987 ءوتىنىش مەكتەپتەر مەن كوللەدجدەردە ورنالاستىرىلعان QR كودتار ارقىلى, ال 2012 قوڭىراۋ تەلەفون ارقىلى قابىلدانعان, دەپ جازادى Egemen.kz.
ەڭ كوپ ءوتىنىش تۇسكەن وڭىرلەر: الماتى قالاسى (9 160), باتىس قازاقستان (7 654), تۇركىستان (7 478) ايماقتارى. ال ەڭ از كورسەتكىشتەر: ۇلىتاۋ (1 017), سولتۇستىك قازاقستان (1 738), اباي (1 765) وبلىستارى.
بالالاردىڭ قۇقىقتارىن قورعاۋ كوميتەتىنىڭ مالىمەتىنشە, 3 499 بالاعا پسيحولوگيالىق كومەك كورسەتىلىپ, 1 602 ءوتىنىش بويىنشا ءتيىستى مەملەكەتتىك ورگاندارمەن بىرلەسىپ, جەدەل قولداۋ ۇيىمداستىرىلعان.
«كۇن سايىن ماماندار جۇزدەگەن بالانىڭ جانايقايىن ەستيدى. ءبىرى ۋايىمىن, ءبىرى قورقىنىشىن, ەندى ءبىرى وتباسىنداعى قيىندىقتى, ءبىرى اتا-انا, دوستار اراسىنداعى تۇسىنىسپەۋشىلىكتى بولىسەدى», دەدى اتالعان كوميتەتتىڭ توراعاسى ناسىمجان وسپانوۆا.