تۇركىستان وبلىسىندا توتەنشە جاعداي بولدى. ءبىر جاسار بالا دالاداعى دارەتحانانىڭ تەرەڭ شۇڭقىرىنا قۇلاپ كەتكەن. ءۇيدىڭ اۋلاسىندا بولعان وقيعانى بايقاعان ەرەسەكتەر ءبۇلدىرشىندى ءوز كۇشتەرىمەن شىعارا المادى. كومەككە توتەنشە جاعدايلار دەپارتامەنتىنىڭ قۇتقارۋشىلارى كەلىپ جەتتى, دەپ حابارلايدى Egemen.kz.
اكىمشىلىك مالىمەتىنشە, ارنايى وپەراتسياعا قۇتقارۋشى-سەرجانت رۋسلان قۋانىشبەك پەن ونىڭ ارىپتەستەرى قاتىسقان. ولار ارنايى تەحنيكا مەن ارقان كومەگىمەن شۇڭقىرعا ءتۇسىپ, ءسابيدى امان-ەسەن جەرگە شىعاردى.
وقيعا ورنىنا كەلگەن جەدەل جاردەم قىزمەتكەرلەرى بالانى تەكسەرىپ, مەديتسينالىق كومەك كورسەتتى. قازىرگى تاڭدا ءبۇلدىرشىننىڭ جاعدايى تۇراقتى.
مۇنداي وقيعالار بالالاردىڭ قاۋىپسىزدىگىن قاتاڭ باقىلاۋ قاجەتتىگىن ەسكە سالادى. ساراپشىلار اتا-انالارعا:
قازاقستاندا دالاداعى دارەتحانالاردىڭ قاۋىپسىزدىگىنە بايلانىستى ماسەلە بىرنەشە رەت كوتەرىلگەن. اسىرەسە اۋىلدىق جەرلەردە مۇنداي جاعدايلار بالالاردىڭ ومىرىنە ۇلكەن قاۋىپ توندىرەدى. ساراپشىلاردىڭ ايتۋىنشا, اۋلاداعى ەسكى اجەتحانالاردىڭ ورنىنا قاۋىپسىز سانيتارلىق توراپتار ورناتۋ – باستى مىندەتتەردىڭ ءبىرى.