استانا. 15 اقپان. قىزىلوردا وبلىسى قازالى اۋدانى جانقوجا باتىر اۋىلىندا كەڭەس اسكەرىنىڭ اۋعانستاننان شىعارىلعانىنا 26 جىل تولۋىنا وراي جاۋىنگەر-ينتەرناتسيوناليست نۇرجان ازيەۆ اتىنداعى جۇلدە ءۇشىن پنەۆماتيكالىق مىلتىق اتۋدان وقۋشىلار اراسىندا اۋداندىق تۋرنير وتكىزىلدى. بۇل تۋرالى egemen.kz ءتىلشىسى حابارلادى.
جاس ۇرپاقتى وتانسۇيگىشتىككە, ەلجاندىلىققا تاربيەلەۋ, پنەۆماتيكالىق مىلتىقتان وق اتۋ ءادىسىن دامىتۋ, شەبەرلىكتەرىن شىڭداۋ, اۋدان قۇراما كومانداسىن جاساقتاۋ جانە سالاماتتى ءومىر سالتىن قالىپتاستىرۋ ماقساتىندا بيىل ەكىنشى جىل وتكىزىلىپ وتىرعان تۋرنيرگە قاتىسۋشىلار پنەۆماتيكالىق مىلتىقتان اتۋ جانە بولىمشە كومانديرلەرىنىڭ سايىسى, ياعني اك-74 قارۋىن تولىق ەمەس بولشەكتەۋ جانە جيناقتاۋ بويىنشا سايىسقا ءتۇستى.
جارىس قورىتىندىسىندا جۇلدەلى ورىن يەمدەنگەن كوماندالار مەن جەكەلەگەن وقۋشىلار اۋداندىق ءبىلىم ءبولىمىنىڭ, قازالى اۋداندىق «وتان» قوعامدىق بىرلەستىك كەڭەسىنىڭ ماقتاۋ قاعازدارى مەن باعالى سىيلىقتارىمەن جانە ازيەۆتەر وتباسىنىڭ ارنايى جۇلدەلەرىمەن ماراپاتتالدى. پنەۆماتيكالىق مىلتىق اتۋدان جۇلدەلى ءى ورىندى №170 مەكتەپ كومانداسى, ءىى ورىندى №234 مەكتەپ كومانداسى, ءىىى ورىندى №165 مەكتەپ كومانداسى يەمدەندى. بولىمشە كومانديرلەرىنىڭ سايىسىندا №226 گيمنازيا وقۋشىسى ايبەك تۇرعانباي ءى ورىن, №98 مەكتەپ وقۋشىسى مناجات سەيتەنوۆ ءىى ورىن, №234 مەكتەپ وقۋشىسى جاقسىلىق جولمىرزا ءىىى ورىن الدى.
ال ءتۋرنيردىڭ «مەرگەن» باعامىمەن №170 مەكتەپ وقۋشىسى سۇلتان شىمبەرگەن, №165 مەكتەپ وقۋشىسى نۇرسۇلتان توقبوسىن, №234 مەكتەپ وقۋشىسى جومارت جاقسىلىق ماراپاتتالدى.
جولدىباي بازار.
دەرەك, سۋرەت: egemen.kz.