استانا. 14 اقپان. اقتوبەدە 7 اقپان كۇنى يسلام قازبەكوۆ ەسىمدى 10 جاسار بالا جوعالىپ كەتىپ ەدى. ول ارادا 9 ساعات وتكەننەن كەيىن امان-ەسەن تابىلدى. بۇل تۋرالى جەرگىلىكتى «دياپازون» گازەتى حابارلادى.
وسى وقيعا تۋرالى ءبىز دە حابارلاعان ەدىك. كەيىن انىقتالعانداي, بالا ءۇيدىڭ اۋلاسىنداعى, 11-شاعىن اۋدانداعى №32 مەكتەپتىڭ جانىنداعى مۇز ايدىنىندا ويناپ قايتۋعا اجەسىنەن رۇقسات سۇراپ كەتەدى.
ساعات 16:00-دە ۇيدەن كەتكەن يسلام سول بويى حابارسىز قالادى. ارادا ءبىر ساعات وتكەندە, ءۇي جانىندا سىرعاناقتان نەمەرەسىن تاپپاعان اجەسى ونى پوليتسەيلەرمەن بىرگە ىزدەۋگە شىعادى.
ىزدەۋشىلەر يسلامدى تەك ساعات 00:20-دا «مەگا-اقتوبە» ساۋدا ورتالىعىنىڭ جانىنداعى مۇز ايدىنىنان تابادى. ونى قالالىق ىشكى ىستەر باسقارماسى باستىعىنىڭ ورىنباسارى ءنابي الدامجاروۆ بايقاپ قالادى. ونى كىشكەنتاي بالانىڭ ءتۇننىڭ جارىمىندا ءبىر ءوزى جۇرگەنى كۇدىكتەندىرەدى.
پوليتسەيلەر سول كۇنى بالانى اتا-اناسىنا امان-ەسەن تاپسىردى. يسلامنىڭ ايتۋىنشا, ونى سىنىپتاستارى «مەگا» جانىنداعى مۇز ايدىنىنا ويناۋعا شاقىرىپتى. وقۋشى سول جەردە 9 ساعاتقا جۋىق ۋاقىت ءجۇرىپ قالىپتى.
مۇرات ايتقوجا.
دەرەك, فوتو: دياپازون.