استانا. 14 اقپان. كۇتۋشى ايەل ءولىمشى ەتىپ ۇرعان 4 جاسار قىز شىمكەنتتەگى اۋرۋحانادا ەسىنە كەلمەگەن كۇيى قايتىس بولدى. بۇل تۋرالى «7 ارنا» حابارلادى. «كۇتۋشى ايەل ۇردى دەپ بولجانعان 4 جاسار قىز شىمكەنت اۋرۋحاناسىندا ءجانتاسىلىم ەتتى. ونىڭ ءىنىسى دە اۋرۋحانادا جاتىر», - دەپ مالىمدەدى ارنا ءتىلشىسى. شىمكەنت قالاسى اباي اۋدانى پروكۋرورىنىڭ ورىنباسارى ەرمەك ءايتىموۆتىڭ ايتۋىنشا, نارەستە ەسىن جيناماعان كۇيى قايتىس بولعان. اشىپ كورۋ ونىڭ ميىنا قان قۇيىلىپ كەتۋى سالدارىنان قايتىس بولعانىن انىقتاعان. ەسكە سالا كەتەيىك, وڭتۇستىك قازاقستان وبلىسىنىڭ ورتالىعىندا ەكى كىشكەنتاي بالانىڭ قاتتى سوققى الىپ, اۋرۋحاناعا تۇسكەندەرى وسى اپتانىڭ دۇيسەنبى كۇنى بەلگىلى بولعان. الدىمەن كوماعا كىرىپ كەتكەن ءتورت جاستاعى قىز بالا, سوڭىنان ونىڭ قاتتى دەنە جاراقاتىن العان ەكى جاستاعى ءىنىسى جانساقتاۋ بولىمىنە جاتقىزىلدى. تەكسەرۋ كەزىندە ولاردىڭ باستارى مەن اياق-قولدارىنان قاتتى سوققى العاندارى انىقتالدى. كۇدىكتى رەتىندە ولاردى ءبىرازدان بەرى كۇتىمگە العان كۇتۋشى ايەل قاماۋعا الىندى. ال بالالاردىڭ اناسى ءبىرازدان بەرى باسقا جاقتا جۇمىس ىستەپ جۇرگەندىكتەن, ۇيىندە بولماعان. ول بالالارىن سوڭعى رەت جاڭا جىلدىڭ الدىندا كورىپتى. قۇرىش نۇرىمبەت. دەرەك, فوتو: 7 ارنا.