بۇگىن ۇكىمەت وتىرىسىندا ىشكى ىستەر ءمينيسترى ەرجان سادەنوۆ قازاقستاندا ءتۋريزمدى دامىتۋ مەن شەتەلدىك ازاماتتاردىڭ قاۋىپسىزدىگىن قامتاماسىز ەتۋ باعىتىندا اتقارىلىپ جاتقان جۇمىستار جايلى مالىمدەدى. ءمينيستردىڭ ايتۋىنشا, تۋريستەر ءۇشىن بىرقاتار ماڭىزدى سەرۆيستەر مەن قاۋىپسىزدىك شارالارى ەنگىزىلگەن, دەپ حابارلايدى Egemen.kz.
مينيستر ەندى ەلىمىزگە تۋريستەردىڭ كەلۋى تۋرالى اقپاراتتى ونلاين تۇردە جىبەرۋگە بولاتىنىن اتاپ ءوتتى.
«سونداي-اق ساياحاتشىلارعا ارنالعان ءموبيلدى قوسىمشا ىسكە قوسىلدى. ءىرى اۋەجايلاردا QR-كودتارى بار «تۋريستىك كارتالار» بەرىلەدى, ولار بىرنەشە تىلدە: كوشى-قون زاڭناماسىنىڭ ەرەجەلەرى, شۇعىل قىزمەتتەردىڭ بايلانىستارى, تاكسيلەر, بايلانىس وپەراتورلارى, ايماق كارتالارى جانە «102» قوسىمشاسىنا سىلتەمە تۋرالى اقپاراتتى قامتيدى», دەدى ەرجان سادەنوۆ.
سونىمەن قاتار ءىرى اۋەجايلاردا بىرنەشە تىلدە جاسالعان QR-كودتارى بار تۋريستىك كارتالار تەگىن تاراتىلادى. بۇل كارتالار تۋريستەرگە ەلدە ەركىن ءارى قاۋىپسىز قوزعالۋعا كومەكتەسەدى.
«وڭىرلەردە قاۋىپسىزدىكتى قامتاماسىز ەتۋ ءۇشىن تۋريستىك ايماقتاردا, ۇلتتىق ساياباقتاردا جانە تۋريستىك ورىنداردا شەت تىلدەرىن مەڭگەرگەن تۋريستىك پوليتسيا بولىمشەلەرى جۇمىس ىستەيدى. وندا بەينەباقىلاۋ جۇيەلەرى, دابىل تۇيمەلەرى ورناتىلعان جانە زاڭسىز تاسىمالداردىڭ جولىن كەسۋ ءۇشىن الدىن الۋ شارالارى جۇرگىزىلىپ جاتىر», دەدى مينيستر.
بۇل باستامالار قازاقستاندى تۋريستەر ءۇشىن قولايلى جانە قاۋىپسىز ەل رەتىندە تانىتۋعا باعىتتالعان. ۇكىمەت وكىلدەرى الداعى ۋاقىتتا بۇل جۇيەلەردى ودان ءارى جەتىلدىرۋدى جوسپارلاپ وتىر.