قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا بىرقاتار تەاترلاردىڭ شىعارماشىلىق ۇجىمدارىمەن جانە الماتى قالاسىنداعى ايەلدەر قاۋىمى وكىلدەرىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
گ.ابدىقالىقوۆانىڭ جۇمىس ساپارى بارىسىندا وتكەن كەزدەسۋگە اباي اتىنداعى قازاق مەملەكەتتىك اكادەميالىق وپەرا جانە بالەت تەاترى, رەسپۋبليكالىق نەمىس دراما تەاترى, ق.قوجامياروۆ اتىنداعى مەملەكەتتىك رەسپۋبليكالىق ۇيعىر مۋزىكالىق كومەديا تەاترى جانە مەملەكەتتىك رەسپۋبليكالىق كورەي مۋزىكالىق كومەديا تەاترىنىڭ شىعارماشىلىق ۇجىمدارى قاتىستى.
مەملەكەتتىك حاتشى اتالعان ۇجىمدار ەلىمىزدىڭ تەاتر جانە مادەني ءومىرىن دامىتۋعا ەلەۋلى ۇلەس قوسىپ جاتقانىنا توقتالا كەلىپ, تەاتردىڭ بەلسەندى ازاماتتىق ۇستانىمى بار تۇلعالاردى قالىپتاستىرۋداعى ماڭىزىن اتاپ ءوتتى.
مادەنيەت سالاسىنداعى ەلەۋلى وقيعانىڭ ءبىرى مەملەكەت باسشىسىنىڭ ۇزاقمەرزىمدى مادەني ساياسات تۇجىرىمداماسىن ازىرلەۋ تۋرالى تاپسىرماسىن ىسكە اسىرۋ بولدى. ونى جاساۋعا ەلىمىزدىڭ جەتەكشى مادەنيەتتانۋشى عالىمدارى, ونەر سالاسىنىڭ ساراپشىلارى مەن شىعارماشىلىق وداقتار قاتىستى. جاڭا تۇجىرىمداما مادەنيەت سالاسىنداعى باسەكەگە قابىلەتتى ءمادەني مەنتالدىكتى قالىپتاستىرۋعا جانە قازىرگى زامانعى ءمادەني كلاستەرلەردى دامىتۋعا باعىتتالعان.
گ.ابدىقالىقوۆا شىعارماشىل زيالى قاۋىم وكىلدەرىنىڭ قازاقستان حالقى اسسامبلەياسى جىلىندا ءوتكىزىلەتىن قازاقستان حالقى اسسامبلەياسىنىڭ 20 جىلدىعى, قازاقستان رەسپۋبليكاسى كونستيتۋتسياسىنىڭ 20 جىلدىعى, ۇلى وتان سوعىسىنداعى جەڭىستىڭ 70 جىلدىعى جانە قازاق حاندىعىنىڭ 550 جىلدىعىنا ارنالعان مەرەيتويلىق مەرەكەلىك ءىس-شارالارعا بەلسەنە اتسالىساتىنىنا سەنىم ءبىلدىردى.
الماتى قالاسىنداعى ايەلدەر قاۋىمىمەن وتكەن كەزدەسۋدە وتباسىلىق-دەموگرافيالىق ساياساتتى دامىتۋ, ايەلدەردى «قازاقستان-2050» ستراتەگياسىن, «نۇرلى جول – بولاشاققا باستار جول» اتتى جاڭا ەكونوميكالىق ساياساتتى, قازاقستان رەسپۋبليكاسىنىڭ 2006-2016 جىلدارعا ارنالعان گەندەرلىك تەڭدىك ستراتەگياسىن جۇزەگە اسىرۋ ىسىنە بەلسەنە قاتىستىرۋ ماسەلەلەرى تالقىلاندى.
كەزدەسۋلەر قورىتىندىسى بويىنشا گ.ابدىقالىقوۆا مەملەكەتتىك ورگاندارعا بىرقاتار ناقتى تاپسىرما بەردى.