كەشە استانادا ينۆەستيتسيالار جانە دامۋ مينيسترلىگى بايلانىس, اقپاراتتاندىرۋ جانە اقپارات كوميتەتى مەن ەكونوميكا جانە الەۋمەتتىك ماسەلەلەر دەپارتامەنتى بىرىككەن ۇلتتار ۇيىمىمەن بىرگە ەلەكتروندى ۇكىمەتتەردىڭ ايماقتىق جيىنىن وتكىزدى.
جيىندا ەلەكتروندى ۇكىمەتتى دامىتۋ ماسەلەلەرى ءسوز بولىپ, 2016 جىلعا دەيىن اتقارىلاتىن جۇمىستار اڭگىمە وزەگىنە اينالدى. نەگىزى بىرىككەن ۇلتتار ۇيىمىنىڭ ەلەكتروندى ۇكىمەتتەر تۋرالى ساراپتامالارى 193 ەلدىڭ اراسىندا سالانى عالامدىق باعالاۋدىڭ ناقتى دامۋ ولشەمى رەتىندە قالىپتاسىپ ۇلگەرگەن.
بۇۇ-نىڭ ەلەكتروندى ۇكىمەتتەردىڭ دامۋى تۋرالى ەسەبىنە زەر سالساق, قازاقستان 2014 جىل بويىنشا الەم ەلدەرىنىڭ ىشىندە 28-ءشى ورىنعا تۇراقتاپتى. ال اشىق تەڭىزگە شىعاتىن سۋ جولى جوق ەلدەر مەن ورتالىق ازيا مەملەكەتتەرىنىڭ اراسىندا ءبىرىنشى ورىنعا شىققان.
ايماقتىق جيىننىڭ باستى ماقساتى, ەلەكتروندى ۇكىمەت قىزمەتتەرىن جەتىلدىرۋ جولدارىن تالقىلىپ, جاڭا ۇسىنىستار مەن سالاعا ەنگىزىلەتىن وزگەرىستەردى جۇيەلەۋ بولىپ وتىر. شارا اياسىندا, سەمينار-كەڭەس ۇيىمداستىرىلىپ, ول ەكى كۇنگە ۇلاستى. وعان ايماقتاعى 8 ەلدەن كەلىپ قاتىسقان مەملەكەتتىك ورگانداردىڭ قىزمەتكەرلەرى سالاداعى ءتۇيىندى ماسەلەلەردى تالقىلاۋدان وتكىزىپ, پىكىر الماستى.
بۇۇ-نىڭ باس شتابىنىڭ سالاعا جاۋاپتى مەكەمەسىنىڭ وكىلى ريچارد كەربي بايانداما جاساپ, دامىعان ەلدەردىڭ ەلەكتروندى ۇكىمەتتە جيناقتاعان تاجىريبەلەرى تۋرالى اڭگىمەلەدى.
نۇرباي ەلمۇراتوۆ,
«ەگەمەن قازاقستان».