رەسپۋبليكالىق «پەداگوگيكالىق يدەيالار پانوراماسى – 2025» بايقاۋىن وقۋ-اعارتۋ مينيسترلىگى ۇيىمداستىرىپ وتىر, دەپ جازادى Egemen.kz.
بايقاۋعا ەلىمىزدىڭ بارلىق وڭىرىندەگى مەكتەپكە دەيىنگى, ورتا, قوسىمشا, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ پەداگوگ قىزمەتكەرلەرى قاتىسا الادى. جەڭىمپازدارعا تمد ەلدەرى اراسىندا وتەتىن پەداگوگيكالىق شەبەرلىك حالىقارالىق فەستيۆالىنە قاتىسۋعا مۇمكىندىك بەرىلەدى. سونىمەن قاتار, بايقاۋ ناتيجەلەرى پەداگوگتەردى اتتەستاتتاۋ كەزىندە ەسكەرىلەدى.وتىنىمدەر 1 قىركۇيەككە دەيىن قابىلدانادى. بايقاۋ شارتتارىمەن تولىعىراق ppi.orleu.edu.kz سايتىندا تانىسۋعا بولادى.