*قازاقستاندا جاسالعان!
ەلىمىزدەگىدەي الماتى وبلىسى, تالعار اۋدانىندا دا بيزنەستى دامىتۋعا تەڭدەسسىز جاعداي جاسالعانى راس. وسى مۇمكىندىكتى دۇرىس پايدالانا بىلسەك, تابىستىڭ قاينار كوزى اشىلادى. ارينە, كىرىس كوزى ەكەن دەپ ادام اعزاسىنا زياندى ونىمدەردى ارزان باعامەن بازارعا شىعارۋ ۇيات. وركەنيەتتى ەلدەردەگىدەي حالىقتىڭ دەنساۋلىعىنا ەشقانداي زالالى تيمەيتىن ساپالى ونىممەن نارىقتى جاۋلاي الساڭىز قۇبا-قۇپ.
وسىدان 10 جىل بۇرىن ءبىز ۇيىمداستىرعان شاعىن تسەح بۇگىندە «بارون» جاۋاپكەرشىلىگى شەكتەۋلى سەرىكتەستىگىنە اينالىپ, پايدالانۋعا جارتىلاي دايىندالعان تۇشپارا شىعارۋمەن جالپاق جۇرتقا جاقسى تانىس. سەبەبى, ءونىم ساپاسىن ارتتىرۋ ءۇشىن ارنايى شارۋا قوجالىعىن قۇرىپ وندا ۇيرەك ءوسىرىپ, قاناتى قاتايىپ ەتى تالاپقا ساي بولىپ جەتىلگەندە سويىپ, توڭازىتقىشتاردى تولتىرامىز. ەرەكشە ايتارىمىز, وسى ءونىمدى وندىرەتىن تسەحتاعى قۇرال-جابدىقتاردىڭ بارلىعىن ەۋروپالىق ستاندارتقا ساي ءوزىمىز جاساپ ورناتامىز. ناقتىلاي تۇسسەم, ءوندىرىس ورنىنا ءبىر ەسىكتەن كىرگەن تەمىر ۇلكەندى-كىشىلى جانە ۇڭعىمالى, جۇمىر, جالپاق بولىپ كەلەتىن ءتۇرلى قوندىرعىلاردان ءوتىپ, ازىقتىق ءونىم وندىرەتىن جابدىققا اينالادى.
نەگىزى 1994 جىلى ماكورون ونىمدەرىن شىعاراتىن تسەح, 1997 جىلى تەحنولوگيالىق جابدىقتار جاسايتىن ءوندىرىس تسەحى, 2001 جىلى ازىق-ت ۇلىك ونىمدەرىن شىعارۋ جانە تەحنولوگيالىق جابدىقتار ءوندىرىسى بولىپ ۇلكەيىپ قۇرىلعان «بارون» جشس-ىندە بۇل كۇندەرى ونەركاسىپتىك جابدىقتارمەن دايىندالاتىن ازىق-ت ۇلىك ونىمدەرى وندىرىلەدى. ءۇش سالا بويىنشا قاناتىن جايعان ۇجىمدا بارلىعى 175 ادام ەڭبەك ەتەدى.
كومپانيانىڭ كىرەر ەسىگىندە گەرمانيالىق «Schaller» فيرماسىنىڭ قوندىرعىسى ءار ادامنىڭ سانيتارلىق تازالىعى ءۇشىن قولىنان باستاپ اياق كيىمىنە دەيىن تازالاپ تۇرادى. ارينە, ءوندىرىس ورنىنىڭ اۋلاسى كۇن سايىن جۋىلىپ تازارتىلاتىنى تاعى بار. بۇل دەگەنىمىز, مەديتسينالىق جانە سانيتارلىق-ەپيدەميولوگيالىق تالاپتىڭ قاتال ساقتالۋى بولىپ تابىلادى. مامانداردىڭ كاسىبي بىلىكتىلىگىن كوتەرۋگە زور ىقىلاس تانىتاتىن, ءار مامان ءتول مىندەتىن كاسىبي تۇرعىدا ءارى ادال اتقارۋىن باقىلاپ, تيىسىنشە تالاپ قويىپ وتىرامىز. سوندىقتان, ءبىز شىعارعان ءونىمىمىزدىڭ بارلىق ستاندارتتارعا سايكەس كەلەتىندىگىنە كەپىلدىك بەرەمىز.
وندىرگەن ونىمىمىزگە كۇننەن-كۇنگە سۇرانىستىڭ ارتۋىنىڭ باستى سەبەبى, ءبىرىنشى كۇننەن الدىمىزعا مىندەت رەتىندە قويىپ, بۇگىندە قالىپتاستىرىپ العان ءداستۇرىمىز – سەنىم مەن تۇراقتىلىق دەپ بىلەمىن. ءسوز رەتى كەلگەندە بيزنەسىمىزدى دامىتۋعا بارلىق جاعداي جاساپ وتىرعان ەلباسىنا ايتارىمىز تەك العىس.
سەرگەي كالينين,
«بارون» جشس باس ديرەكتورى,
الماتى وبلىستىق
ءماسليحاتىنىڭ دەپۋتاتى.
الماتى وبلىسى,
تالعار اۋدانى.