«سامۇرىق-قازىنا» قورى اۋقىمدى قايىرىمدىلىق ءىس-شاراسىن وتكىزدى

قايىرىمدىلىق باستاما­سى­نىڭ ءمانى – سالاماتتى ءومىر سالتىن ۇستانا وتىرىپ, ەرەكشە بالالارعا قولداۋ كورسەتۋ. ايتا كەتەرلىگى, بىلتىر مارافوننان جينالعان قارجىعا ەرەكشە قاجەتتىلىگى بار بالالارعا ارنالعان 5 ينكليۋزيا كابينەتى اشىلسا, بيىل تاعى دا 10 سىنىپتى اشۋ كوزدەلىپ وتىر. بۇل – ۇلتتىق ءال-اۋقات قورىنىڭ كورپوراتيۆتىك الەۋمەتتىك جاۋاپكەرشىلىك اياسىندا قولداۋ كورسەتەتىن باسىم باعىتتارىنىڭ ءبىرى.

«بارشامىز بىرىگىپ يگى ىسكە اتسالىستىق. «سامۇرىق-كازىنا» توبىندا الەۋمەتتىك جاۋاپكەرشىلىك – كورپوراتيۆتىك مادەنيەتتىڭ ءبىر بولىگى عانا ەمەس, ول ءبىزدىڭ باستى ادامي قۇندىلىقتارىمىزدىڭ ءبىرى. مارافوننان جينالعان قارجىعا دامۋىندا ەرەكشەلىگى بار بالالارعا ينكليۋزيۆتى كابينەتتەردى اش­پاق­پىز. ينكليۋزيۆتى ءبىلىم – جاۋاپ­كەر­شىلىگى مول, بۇگىنگى قوعامنىڭ اجىراماس بولىگى. سون­دىقتان ءبىلىم الۋ مەن دامۋدا بارشانىڭ مۇمكىندىكتەرى تەڭ بولۋىنا ءوز ۇلە­سىمىزدى قوسامىز», دەدى «سامۇرىق-قازىنا» باسشىسى نۇرلان جاقىپوۆ.

قور باسشىسى بيىل دا جارىسقا بەلسەندى قاتىسىپ, 10 شا­قىرىم قاشىقتىقتى باعىن­دىردى.

ء«بىر رەت جۇگىرىپ ءوتۋ, مارافونعا ءبىر مارتە قاتىسۋ – بۇل جارقىن بولاشاققا قوسقان ارقايسىمىزدىڭ ۇلە­سىمىز. بۇگىنگى يگى ءىس-شاراعا قا­تىس­قان ءار جانعا العىسىمىزدى بىل­دى­رە­مىز», دەدى نۇرلان جاقىپوۆ.

تاعى ءبىر ايتا كەتەر جايت, بيىلعى مارافون جينالعان قاراجات پەن قاتىسۋشىلار سانى جونىنەن رەكورد ورناتتى. ماسەلەن, بىلتىر جۇگىرۋ جارىسىنا 1 200 ادام قاتىسسا, بۇل جىلى ولاردىڭ سانى 3 000-عا جەتتى. وسىلايشا, قاتىسۋشىلار 5 جانە 10 شاقىرىم قاشىقتىققا جۇگىرىپ, باق سىناس­تى. ناتي­جە­سىندە, 200 ملن تەڭگەگە جۋىق قاراجات جينالدى.

سونىمەن بىرگە, «سامۇرىق-قازىنا» قورىنىڭ ينكليۋزيا كابينەتتەرىندە ءبىلىم الاتىن مەكتەپ وقۋشىلارى دا مارافونعا بەلسەنە قاتىستى. ولار «مەيىرىمدىلىك مەكەنى» ارنايى ايماعىندا جۇگىرۋشىلەرمەن بىرگە 50 گۇل كوشەتىن وتىرعىزىپ, وسىمدىك ءوسىرۋدىڭ قىر-سىرىن ۇيرەندى. ءسويتىپ, ءار گۇل قۇمىراسى مارا­فونعا قاتىسۋشىلاردىڭ ما­ڭىزدى قايىرىمدىلىق شاراسىنا قوسقان ۇلەسىن ەسكە سالاتىن رامىزگە اينالدى. جەتكىن­شەك­تەردىڭ يگى ىسكە قاتىسۋى, ولاردىڭ ينكليۋزيۆتى كابينەتتە ءبىلىم الۋ بارىسىندا فيزيكالىق جاعدايىنىڭ جاقسارعانىن, قوعامدا الەۋمەتتەنۋ جولىندا بەيىمدەلگەنىن بايقاتتى.

ودان بولەك, بالالارعا «قازاق اۋىلى» ايماعىندا اسىق اتۋ, ارقان تارتىس, بەس تاس سياقتى ۇلتتىق ويىندار ۇيىمداستىرىلدى. مارافون بارىسىندا باعدار بو­يىندا قولداۋ كورسەتكەن ۇزدىك كومپانيالار دا انىقتالدى. «III Charity Samruk Marathon» تۇراقتى قاتىسۋشىلارىنىڭ ءبىرى – «قازاتومپروم» IT-دەپار­تا­مەنتىنىڭ قىزمەتكەرى, سپورتشى دميتري دوكۋچاەۆ. قايىرىم­دى­لىق مارافونىنا ول وسىمەن ءۇشىنشى جىل قاتارىنان قاتىسىپ وتىر.

«جۇگىرۋمەن 2022 جىلدان بەرى اينالىسامىن. وسى ۋاقىت ىشىندە بىرنەشە رەت 5, 10 كم جانە جارتىلاي مارافونداردا جۇگىردىم. بۇل جولى مارافونعا قاتىسۋىمنىڭ سەبەبى دە ەرەكشە – جينالعان قاراجاتتىڭ بارلىعى بالالارعا كومەك كورسەتۋگە جۇمسالادى», دەيدى.

«سامۇرىق-قازىنا» باسقا­رۋ­شى ديرەكتورى ايدار رىسقۇلوۆ تا 10 كم قاشىقتىقتى 42 مينۋتتا جۇگىرىپ ءوتتى.

«مارافون – ءبىز ءۇشىن ارقاشان اۋقىمى كەڭ ماڭىزدى وقيعا. مەن جۇگىرۋمەن 7 جىلدان بەرى اينالىسىپ كەلەمىن. وسى ۋاقىت ىشىندە بىرنەشە مارافونعا قاتىستىم, ونىڭ ىشىندە «Ironman», «الماتى مارافونى» دا بار. بۇگىن وتە جەڭىل جۇگىردىم, جارىستى جوعارى دەڭگەيدە وتكىزگەن ۇيىمداستىرۋشىلارعا راقمەت. بارشاڭىزدى سپورتپەن شۇعىلدانۋعا شاقىرامىن», دەدى توپ-مەنەدجەر.

مارافونعا 18 بەن 60 جاس­تان جوعارى جاس ارالىعىنداعى بەل­سەندى ازاماتتار قاتىستى. وسىلايشا, ايەلدەر اراسىندا 18-29 جاس ارالىعى بويىنشا دينا افاناسەۆا, انەل قىدىربەكوۆا مەن ماليكا راحىمباەۆا جەڭىم­پاز اتاندى. ءدال وسى قاشىقتىقتا ەرلەر اراسىندا باعدات امەن, البەرت ۆالينۋروۆ پەن ۆلاديمير كۋيانيچەنكو جەڭىس تۇعىرىنان كورىندى.

سول سياقتى قايىرىمدىلىق ءىس-شاراسىنا جاسى 60-تان اسقان زەي­نەتكەرلەر دە قاتىستى. سا­لاماتتى ءومىر سالتىن ۇستانا­تىن جۇگىرۋشىلەر ءوز جاستارىنا قاراماستان, 5 جانە 10 كم قاشىقتىقتى ابىرويمەن جۇگىرىپ ءوتتى. ماسەلەن, 5 كم قاشىقتىقتا ەرلەر اراسىندا حامەت سەراەۆ, عاليوللا ىسقاقوۆ, شاحيمۋرات جارۋللاەۆ جەڭىمپاز اتانسا, ايەل­دەر اراسىندا مايگۇل جارۋللاەۆا, ايگۇل بايتۋروۆا مەن ءساليما مولتاباەۆا مارە سىزىعىن العاش ۇشتىكتە كەسىپ ءوتتى.

ءدال وسىلاي قاتىسۋشىلار 10 كم قاشىقتىقتى دا باعىندىردى. وسىلايشا, 18-29 جاس ارالىعىندا ۋليانا چۋگاي, ديانا زەينۋللينا, نۇرعايشا رامازانوۆا جەڭىم­پازدار قاتارىنان كورىنسە, 30-39 جاس ارالىعىندا ارايلىم شەگەباەۆا, نازىم سەرىكباەۆا, اينا ۇسەنوۆالار ۇزدىك دەپ تانىلدى.

ەرلەر اراسىندا مۇنداي قاشىقتىقتا دانيار شۇلكەباەۆ, جاسۇلان داۋلەتبەكوۆ, بەكزات قالەلوۆ (18-29 جاس) توپ جارسا, ەركەبۇلان احماديەۆ, ارمان عالىموۆ, رۇستەم ساعاديەۆ (30-39 جاس) ءوز جاس ارالىعى بويىنشا ۇزدىكتەر قاتارىنان كورىندى.

ەسكە سالا كەتەيىك, بىلتىر «Charity Samruk Marathon»-ىنا 127 ملن تەڭگە قارجى جينالعان ەدى. بۇل قاراجاتقا ەلوردانىڭ 5 مەكتەبىندە ينكليۋزيا كابينەتتەرى اشىلعان. بۇگىندە قور كومپانيالار توبىنىڭ اتىنان 11 ينكليۋزيا سىنىبى اشىلىپ, وندا 500-دەن استام ەرەكشە بالا ءبىلىم الىپ جاتىر. كابينەتتەردە لوگوپەد, دەفەكتولوگ, پسيحولوگ ماماندار جۇمىس ىستەيدى. سونىمەن بىرگە, شەبەرحانالار مەن ەمدىك دەنەشىنىقتىرۋ زالدارى دا بار. ولار بالالاردىڭ تولىققاندى دامۋى مەن ءبىلىم الۋى ءۇشىن بارلىق قاجەتتى قۇرالدارمەن جابدىقتالعان. جالپى, قور جىل سايىن 700 000-نان استام ازاماتقا كومەك كورسەتەدى.

ماينۇر جاناقوۆا