ءساۋىردىڭ 11-نەن 12-نە قاراعان تۇندە ەلوردانىڭ ەسىل اۋدانىنداعى كوپقاباتتى ۇيلەردىڭ بىرىنەن ءورت شىعىپ, سالدارىنان كامەلەتكە تولماعان ءۇش بالا اجال قۇشىپ, انالارى اۋرۋحاناعا جەتكىزىلدى. جەدەل جەتكەن توتەنشە جاعداي قىزمەتكەرلەرى ءابجىل ارەكەت ەتىپ, بىرنەشە ادامدى ەۆاكۋاتسيالادى.
تۇركىستان كوشەسىندەگى 21 قاباتتى تۇرعىن ءۇيدىڭ 15-قاباتىنداعى پاتەردە ءورتتىڭ نەدەن تۇتانعانى انىقتالىپ جاتىر. توتەنشە جاعدايلار مينيسترلىگىنىڭ ءباسپاسوز قىزمەتى وقيعا ورنىنا تجم كۇشتەرىنىڭ العاشقى بولىمشەلەرى جەتكەندە قىزىل جالىن كۇشىنە مىنگەن ەدى.
ء«ورتتى ءسوندىرۋ بارىسىندا جانىپ جاتقان پاتەردەن كۇيىك العان ايەل قۇتقارىلىپ, جەدەل مەديتسينالىق جاردەم بريگاداسىنا تاپسىرىلدى. ول №1 كوپسالالى قالالىق اۋرۋحاناعا جاتقىزىلدى. وقيعا ورنىنان كامەلەتكە تولماعان ءۇش بالانىڭ دەنەسى تابىلدى. تجم كۇشتەرىمەن جوعارعى قاباتتاردان 20 ادام ەۆاكۋاتسيالاندى, تاعى 40-قا جۋىق ادام عيماراتتان ءوز بەتىنشە شىقتى. ءورت تولىق ءسوندىرىلدى. ءورتتىڭ شىعۋ سەبەبى انىقتالىپ جاتىر», دەلىنگەن مينيسترلىكتىڭ مالىمەتىندە. قايعىلى وقيعا قۇزىرلى ورىنداردىڭ باقىلاۋىندا, اكىمدىك تاراپىنان زارداپ شەككەن ايەل مەن قازا تاپقان بالالاردىڭ وتباسىنا قاجەتتى كومەك كورسەتەتىنى دە ايتىلدى.
استانا قالاسى توتەنشە جاعدايلار دەپارتامەنتى باستىعىنىڭ ورىنباسارى ءومىرجان تۇقىشەۆ ءتىلسىز جاۋ شارپىعان پاتەردىڭ سىرتقى تەمىر ەسىگىنە ءبىر ەمەس, ەكى ق ۇلىپ ورناتىلعانىن, قۇتقارۋشىلار ارنايى قۇرالدىڭ كومەگىمەن بۇزىپ اشقانىن ايتتى. ءورت دابىلى مەن حابارلاۋ جۇيەسى ىسكە قوسىلىپ, ليفتىلەر ءبىرىنشى قاباتقا اۆتوماتتى تۇردە تۇسىرىلگەن. كوپقاباتتى تۇرعىن ءۇيدىڭ اۋلاسىنىڭ كىرەبەرىسى مەتالل قاقپامەن جابىلىپ, جولدىڭ جيەگىندە جەڭىل كولىكتىڭ بوگەسىن بولعانىنا قاراماستان, تجد كۇشتەرى ءورتتىڭ كورشى پاتەرلەردى شارپۋىنا جول بەرمەدى. ءورت فاكتىسىنە قاتىستى سوتقا دەيىنگى تەرگەۋ باستالىپ, وقيعانىڭ ءمان-جايى مەن شىعۋ سەبەبىن انىقتايتىن ساراپتامالار تاعايىندالدى. استانا قالاسىنىڭ پوليتسيا دەپارتامەنتى قىلمىستىق ءىس قوزعالعانىن مالىمدەدى.
قايعىلى وقيعانىڭ كۋاگەرلەرى ءورت ءسوندىرۋ تەحنيكالارىنىڭ كوپقاباتتى تۇرعىن ءۇيدىڭ اۋلاسىنا جەتۋىنە جول جيەگىنە قاڭتارىلعان جەڭىل كولىكتىڭ اجەپتاۋىر كەدەرگىسى تيگەنىن ايتادى. ادام ومىرىنە اراشا تۇسەر قاربالاس ساتتە ءبىر مينۋتتىڭ ءوزى ماڭىزدى. قۇتقارۋشىلار دىتتەگەن مەجەگە ەش كەدەرگىسىز جەتكەندە مۇمكىن ءۇش بالا امان قالار ما ەدى؟ ءوز ءومىرىن قاتەرگە تىگىپ, وزگەنىڭ اماندىعى جولىندا تاۋەكەلگە بەل بايلايتىن قۇتقارۋشىلاردىڭ قىسىلتاياڭ شاقتاعى جانكەشتى ىسىنە كولدەنەڭ بولعان بۇل ءبىرىنشى دەرەك ەمەس. وكىنىشتىسى, مۇنداي كەلەڭسىزدىك ءجيى قايتالانادى. كوپقاباتتى ۇيلەردىڭ اۋلاسىن جاعالاي كولىك تۇراعىنا اينالدىرعان تۇرعىنداردىڭ كەيبىرى جولدى بوگەپ, وزگەگە كەدەرگى كەلتىرەتىن جايت ءجيى بولادى. قۇتقارۋ قىزمەتىنىڭ تەحنيكالارى عانا ەمەس, ءومىر مەن ءولىم ارپالىسقان جەدەل جاردەم كولىگىنە دە كوشەدە ىعىسپاي ءجۇرىسىن تەجەيتىندەرگە تارتىپتىك شارا قاتاڭداتىلۋعا ءتيىس. ءماجىلىس دەپۋتاتى قازىبەك يسا قۇتقارۋشىلاردىڭ قىزمەتىنە كەدەرگى كەلتىرگەندەرگە اكىمشىلىك ءىس قوزعالىپ, ارزىمايتىن ايىپپۇل سالۋ ازدىق ەتەتىنىن ايتادى.
«استانا قالاسىندا الاپات ءورتتىڭ كەسىرىنەن ءۇش بىردەي بالدىرعان اجال قۇشتى. 2019 جىلى ەلوردا ىرگەسىندەگى جەر ۇيدە تۇتانعان ورتتەن بۇتىندەي ءبىر شاڭىراقتىڭ بەس بىردەي بالدىرعان قىزى ورتەنىپ كەتكەنىن بىلەمىز. مۇنداي ادام ومىرىنە اكەلىپ سوققان وقىس وقيعالار, وكىنىشكە قاراي, ءجيى قايتالانادى. ءتىلسىز جاۋدى وشىرۋگە كەلگەن, توتەنشە جاعدايدا ازاماتتاردى قۇتقارۋعا ۇمتىلعان ارنايى سالا ماماندارىنىڭ جۇمىسىنا كەدەرگى بولعاندارعا تاعىلار جازانى كۇشەيتۋ قاجەت. ەۋروپا ەلدەرىندە مۇنداي جاعدايدا قۇتقارۋشىلار كولدەنەڭ بولعان كولىكتى كوتەرىپ, بولماسا سۇيرەپ اۋلاققا اپارىپ تاستايدى. ال استاناداعى ءورت كەزىندە جول جيەگىنە كولىگىن قويىپ كەتكەن ازاماتتى ىزدەپ تاپقانشا ءسۇت ءپىسىرىم ۋاقىت وتكەن. مۇنداي وقيعا كەزىندە ايىپپۇل مولشەرىن ارتتىرىپ, جازانى قاتاڭداتۋ قاجەت», دەيدى ق.يسا.
توتەنشە جاعدايلار قىزمەتى ماماندارى تۇرعىندارعا قاۋىپسىزدىك شاراسىن قاتاڭ ساقتاۋدى ءاردايىم ەسكەرتەدى. ءورت سوندىرەتىن ارنايى تەحنيكالار مەن جەدەل جاردەم كولىكتەرىنىڭ كەدەرگىسىز قاتىناۋىنا جول اشىق بولۋعا ءتيىس. كولدەنەڭ جايت ۋاقىتتى جۇتادى. قىزىل جالىندى ءسوندىرىپ, تۇرعىنداردى قۇتقارۋعا جۇمىلعان ارنايى ءبولىم قىزمەتكەرلەرىنىڭ ءار مينۋتى – ادام ومىرىنە اراشا تۇسەر مەزەت ەكەنىن اركىم جادىندا ۇستاعانى ءجون.
مۇنداي قايعىلى وقيعا بۇدان كەيىن دە قايتالانباسىنا ەشكىم كەپىلدىك بەرمەيدى. كوك تىرەگەن ءزاۋلىم عيمارات سالاردا قۇرىلىس كومپانيالارى تۇرعىندارعا جايلى ورتانى دا ويلاعان ابزال. ىركەس-تىركەس بوي كوتەرگەن تۇرعىن ۇيلەردىڭ اۋلاسى دا اناۋ ايتقانداي كەڭ ەمەس, كولىك تۇراعى دا تار. ءار تۇرعىن ءۇيدىڭ پاركينگىندەگى ورىن پاتەر سانىمەن ەسەپتەگەندە 20 پايىزىن دا قامتىمايدى. بۇتىندەي ءبىر وتباسى قايعى جامىلعان قارالى وقيعادان ساباق الساق يگى. ادام ولىمىنە اكەلىپ سوققان وقيعاعا ايىپتىلاردى جازالاردا زاڭ سولقىلداق, ۇكىم ۇلپىلدەك بولماۋى كەرەك.