قازاقستاندا قاشىقتان جۇمىس ىستەيتىندەردىڭ سانى ءبىر جىلدا 35%-عا ازايعان. ۇلتتىق ستاتيستيكا بيۋروسىنىڭ مالىمەتىنشە, بيىلعى العاشقى توقساندا ەل بويىنشا 29,8 مىڭ ادام ونلاين فورماتتا ەڭبەك ەتكەن. بىلتىر بۇل كورسەتكىش 45,9 مىڭ ادامدى قۇراعان ەكەن, دەپ حابارلايدى Egemen.kz.
ونلاين قۇربان شالۋعا ارنالعان ارنايى سايت ىسكە قوسىلدى
قاشىقتان جۇمىس ورىندارىنىڭ 77%-ى الماتى مەن استانادا شوعىرلانعان. كوبىنە كومپانيالار ساتۋ مەنەدجەرلەرىن, تەحنيكالىق قولداۋ ماماندارىن جانە باعدارلاماشىلاردى ىزدەيدى.
ەڭ سۇرانىسقا يە ماماندىق – ساتۋ مەنەدجەرى. بۇل باعىتتا 290 ۆاكانسيا جاريالانعان. ورتاشا جالاقى 501,5 مىڭ تەڭگەدەن اسادى.
Call-ورتالىق قىزمەتكەرلەرى مەن IT ماماندارىنا دا سۇرانىس جوعارى. IT سالاسىندا قاشىقتان جۇمىس ىستەيتىندەردىڭ ايلىعى 100 مىڭنان 800 مىڭ تەڭگەگە دەيىن جەتەدى.
ەندى جەكە كاسىپكەرلىك اتاۋىن ونلاين اۋىستىرۋعا بولادى
ساراپشىلاردىڭ ايتۋىنشا, جۇمىس بەرۋشىلەر ءۇشىن ديپلومنان بۇرىن ناقتى تاجىريبە مەن كاسىبي داعدى ماڭىزدى. ۆاكانسيالاردىڭ باسىم بولىگى 1-3 جىل تاجىريبەسى بار ماماندارعا ارنالعان. سونىمەن قاتار قاشىقتان جۇمىس ۇسىناتىن كومپانيالاردىڭ 78%-ى قىزمەتكەردى تولىق جۇمىس كۇنىنە قابىلداۋعا مۇددەلى.