قىتاي جاپونيا ارمياسىنىڭ كۇشەيۋىنەن قاۋىپتەنەدى. كورشى مەملەكەت كۇنشىعىس ەلىن اسكەري شىعىندارىن شامادان تىس ارتتىردى دەپ ايىپتاپ وتىر, دەپ حابارلايدى Egemen.kz
قىتاي ازيا-تىنىق مۇحيتى ايماعىنداعى ەلدەردى بىرلەسىپ قارسى تۇرۋعا جانە اسا ساق بولۋعا شاقىردى. بۇعان جاپون ليبەرالدى-دەموكراتيالىق پارتياسىنىڭ قورعانىس شىعىندارىن ۇلعايتۋعا باعىتتالعان ۇكىمەتتىك جوباسى تۇرتكى بولعان. بۇل تۋرالى سىرتقى ىستەر مينيسترلىگىنىڭ رەسمي وكىلى گو تسزياكۋن مالىمدەدى. ونىڭ ايتۋىنشا وتكەن جىلى جاپونيانىڭ قورعانىس سالاسىنا جۇمساعان شىعىنى 9,7 پايىزعا ءوسىپ, رەكوردتىق دەڭگەيگە جەتكەن.
- جاپونيانىڭ قارۋ-جاراق يمپورتى سوڭعى 5 جىلدا 76 پايىزعا ارتتى. قورعانىس بيۋدجەتى 14 جىل قاتارىنان ءوسىپ كەلەدى. سوعان قاراماستان ءالى دە اسكەري شىعىندارىن كوبەيتۋگە مۇددەلى. بۇل بەيبىتشىلىك ءۇشىن جاسالعان ارەكەت ەمەستىگىن تاعى ءبىر ايقىندايدى. جاپونيانىڭ نەوميليتاريزمگە بەت بۇرعانىن كورسەتەدى, دەيدى قىتاي سىرتقى ىستەر مينيسترلىگىنىڭ رەسمي وكىلى گو تسزياكۋن.