ءۇش اپتادان بەرى الەۋمەتتىك ماڭىزى بار ازىق-ت ۇلىك باعالارى تۇراقتانىپ تۇر

2026 جىلدىڭ ءساۋىر ايىنىڭ قورىتىندىسى بويىنشا ازىق-ت ۇلىك ينفلياتسياسى 0,7%-دى قۇرادى. جىلدىق ينفلياتسيا باياۋلاپ, 11,3%-عا دەيىن تومەندەدى (2025 جىلدىڭ جەلتوقسانىندا – 13,5%, قاڭتاردا – 12,9%, اقپاندا – 12,7%, ناۋرىزدا – 11,7%).

الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ يندەكسى قاتارىنان ءۇشىنشى اپتا بويى 0% دەڭگەيىندە ساقتالۋدا. باعانىڭ تۇراقتانۋىنا نەگىزگى ۇلەستى استانا جانە الماتى قالالارى ء(وسىم – 0%), شىمكەنت قالاسى مەن تۇركىستان وبلىسى (-0,1%), الماتى وبلىسى (-0,5%), اقمولا وبلىسى (-0,9%) سياقتى ءىرى وڭىرلەر قوسىپ وتىر.

باعانىڭ ەڭ كوپ تومەندەۋى قىزاناق (-25,6%), قىرىققابات (-18,7%), سونداي-اق كۇنباعىس مايى, بالىق, قاراقۇمىق جارماسى مەن ۇن بويىنشا تىركەلدى. سونىمەن قاتار كەيبىر كوكونىس تۇرلەرى بويىنشا ءوسىم ساقتالۋدا. مىسالى پياز – 28,6%-عا, ءسابىز – 15,7%-عا, كارتوپ – 10,4%-عا قىمباتتادى. جاڭا پىسكەن ونىمدەر ساۋداعا شىعارىلعان سايىن باعا ديناميكاسى دا تۇراقتالادى دەپ كۇتىلۋدە.

ساۋدا جانە ينتەگراتسيا ءبىرىنشى ۆيتسە-ءمينيسترى ايجان بيجانوۆانىڭ ايتۋىنشا, بيىل ىشكى نارىقتى جاڭا پىسكەن كوكونىستەرمەن قامتۋ تۇراقتى ءارى جۇيەلى تۇردە جۇرگىزىلۋدە. بۇل «جاسىل ءدالىز» تەتىگىن جۇزەگە اسىرۋ جانە ىشكى نارىقتى يمپورتتىق ونىممەن تولىقتىرۋ ەسەبىنەن قامتاماسىز ەتىلدى. «KTج Express» جەلىسى ارقىلى كورشى ەلدەردەن شامامەن 20 مىڭ توننا كارتوپ, 10 مىڭ توننا ءسابىز, 6 مىڭ توننادان استام پياز جانە 22 مىڭ توننا قىرىققابات جەتكىزىلدى. بۇل ماۋسىمدىق اۋىتقۋلاردى ازايتىپ, جەرگىلىكتى ءونىم جاپپاي پىسكەنگە دەيىن نارىقتاعى ۇسىنىستىڭ تۇراقتىلىعىن قامتاماسىز ەتۋگە مۇمكىندىك بەردى.

اۋىل شارۋاشىلىعى ۆيتسە-ءمينيسترى ەرمەك كەنجەحان ۇلىنىڭ مالىمەتىنشە, تۇركىستان وبلىسىندا ەرتە پىسەتىن قىرىققاباتتى جيناۋ جالعاسۋدا. 22 مامىرداعى جاعداي بويىنشا جوسپارلانعان 263,6 مىڭ توننانىڭ 158,6 مىڭ تونناسى جينالعان.

جالپى بيىل 221,1 مىڭ توننا كارتوپ, 58,8 مىڭ توننا پياز جانە 34,7 مىڭ توننا ءسابىز جيناۋ جوسپارلانىپ وتىر. نەگىزگى كولەمدى تۇركىستان وبلىسى قامتاماسىز ەتەدى. وعان قوسىمشا الماتى جانە جامبىل وبلىستارىنان كەلەدى دەپ كۇتىلۋدە.