زاڭگەردىڭ ايتۋىنشا, قازىر قوعامدا ەكى ءتۇرلى كوزقاراس قالىپتاسقان: ءبىر تاراپ تاۋلاردى قازىرگى تابيعي قالپىندا ساقتاۋدى قولداسا, ەكىنشى تاراپ تۋريستىك ينفراقۇرىلىمدى بەلسەندى دامىتۋدى ۇسىنادى.
تابيعات جاناشىرلارى الماتى تاۋلارىن شاھاردىڭ باستى ەرەكشەلىگى ەكەنىن ايتادى. ولاردىڭ پىكىرىنشە, ادامدار ارنايى قىمبات جابدىقسىز-اق جاياۋ سەرۋەندەپ, ترەيلراننينگپەن نەمەسە الپينيزممەن اينالىسا الادى.
الماتى تاۋ كلاستەرىنىڭ الەۋەتى جوعارى: حالىقارالىق ماماندار پىكىرى ءبىر ارنادا توعىستى
الايدا ەرجان ەسىمحانوۆ قازىرگى تاڭدا تانىمال باعىتتاردا كۇردەلى ماسەلەلەر كوبەيگەنىن اتاپ ءوتتى. ونىڭ سوزىنشە, بۇتاقتى شاتقالى, سارقىرامالار مەن باسقا دا دەمالىس ورىندارىندا رەتسىز اۆتوتۇراقتار, قوقىس, وت جاعۋ, شۋ جانە شامادان تىس ادام كوپتىگى بايقالادى. ەگەر جاعداي وزگەرمەسە, مۇنداي ورىندار قاراپايىم تۋريستەر ءۇشىن قولايسىز بولا تۇسەدى دەيدى ول.
سونداي-اق زاڭگەر شەتەلدىك تۋريستەردىڭ الەۋمەتتىك جەلىلەردە وڭىردەگى قوقىس پەن تارتىپسىزدىكتى كورسەتەتىن ۆيدەولار جاريالاپ جۇرگەنىن ايتىپ, بۇل الماتىنىڭ يميدجىنە اسەر ەتەتىنىن جەتكىزدى.
وسى رەتتە ول اۋستريا مەن شوتلانديا تاجىريبەسىن كەلتىردى. ونىڭ ايتۋىنشا, بۇل ەلدەردە تاۋلار كوپشىلىككە اشىق بولعانىمەن, تۋريستىك باعىتتار جۇيەلى ۇيىمداستىرىلعان: ارنايى سوقپاقتار, ارقان جولدارى, دەمالىس ينفراقۇرىلىمى جانە قاۋىپسىزدىك قىزمەتتەرى بار.
الماتىعا «Almaty Superski» جوباسى نە ءۇشىن كەرەك؟
وسىعان بايلانىستى ە. ەسىمحانوۆ الماتى ماڭىنداعى تاۋلاردى جۇيەلى تۇردە دامىتۋ قاجەت دەپ سانايدى. ول:
جاياۋ باعىتتاردى رەتتەۋدى; تۇراقتار ۇيىمداستىرۋدى; قۇتقارۋ جانە تازالىق جۇيەسىن كۇشەيتۋدى; ۆەلوسيپەد جولدارى مەن اسپالى جولداردى دامىتۋدى ۇسىنادى.سونىمەن قاتار تابيعاتقا زياندى بارىنشا ازايتىپ, ەكولوگيانى ساقتاۋ ماڭىزدى ەكەنىن اتاپ ءوتتى.
زاڭگەردىڭ پىكىرىنشە, ماسەلە جوبالاردىڭ اتاۋىندا ەمەس. ەڭ باستىسى – تاۋلى ايماقتاردى رەتسىز ەمەس, جۇيەلى تۇردە دامىتۋ.