اقتوبە قالاسىندا قوقىس جاشىگىنىڭ ماڭىنان جاڭا تۋعان نارەستە تابىلدى. پاكەت ىشىندە جاتقان ءسابيدىڭ جىلاعان داۋىسىن كەزدەيسوق ءوتىپ بارا جاتقان ادامدار ەستىپ قالىپ, پوليتسياعا حابار بەرگەن, دەپ حابارلايدى Egemen.kz.
وقيعا ورنىنا جەتكەن ءتارتىپ ساقشىلارى جەدەل جاردەم قىزمەتىن شاقىرىپ, شاقالاق شۇعىل تۇردە قالالىق بالالار اۋرۋحاناسىنا جەتكىزىلگەن.
«جاڭا تۋعان نارەستە جەدەل جاردەممەن پاكەت ىشىندە جەتكىزىلدى. ونىڭ كىندىك باۋى مەن جولداسى بولعان. سالماعى شامامەن 3 كەلى بولاتىن ۇل بالانىڭ دەنە تەمپەراتۋراسى تومەن, ومىرلىك كورسەتكىشتەرى ءالسىز بولعاندىقتان رەانيماتسيا بولىمىنە جاتقىزىلدى. قازىرگى جاعدايى اۋىر, بىراق تۇراقتى. بارلىق قاجەتتى ەم-دوم كورسەتىلىپ جاتىر», دەلىنگەن قالالىق بالالار اۋرۋحاناسىنىڭ حابارلاماسىندا.
اقتوبە وبلىستىق پوليتسيا دەپارتامەنتى بالانىڭ اناسىن انىقتاۋ جانە ىزدەستىرۋ جۇمىستارىن باستاعانىن حابارلادى.
قوسشىدا جول جيەگىنەن نارەستەنىڭ ءمايىتى تابىلدى
ەسكە سالا كەتەيىك, بۇعان دەيىن پاۆلودار وبلىسىندا جاڭا تۋعان ءسابيىن ساتپاق بولعان ايەلدىڭ ۇستالعانىن جازعان بولاتىنبىز.