قوستاناي وبلىسى ليساكوۆسك قالاسىندا 15 جاستاعى ءجاسوسپىرىم سۋعا باتىپ كوز جۇمدى, دەپ حابارلايدى Egemen.kz.
الدىن الا مالىمەت بويىنشا, قايعىلى وقيعا بولعان كۇنى كامەلەتكە تولماعاندار توبى سۋ ايدىنىنىڭ ماڭىندا بولعان. بولجامعا سايكەس, ءجاسوسپىرىم ءجۇزۋدى ناشار بىلسە دە, دوستارىمەن باستەسىپ سۋعا سەكىرگەن.
قوستاناي وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى وقيعانى راستادى.
«ليساكوۆسك قالاسىندا توبىل وزەنىنەن 2011 جىلى تۋعان كامەلەتكە تولماعان بالانىڭ دەنەسى تابىلىپ, سۋدان شىعارىلدى. ول شومىلۋعا جابدىقتالماعان جەردە سۋعا باتىپ كەتكەن» دەلىنگەن ۆەدومستۆو حابارلاماسىندا.
قۇتقارۋشىلار ازاماتتاردى تەك ارنايى جابدىقتالعان ورىنداردا شومىلۋعا جانە سۋداعى قاۋىپسىزدىك ەرەجەلەرىن قاتاڭ ساقتاۋعا شاقىردى.
اندامان تەڭىزىندەگى اپات: 250 ادام مىنگەن كەمە سۋعا باتىپ, 9 ادام عانا امان قالدى
بۇعان دەيىن قوستاناي وبلىسىندا باسسەينگە باتىپ كەتە جازداعان 5 جاسار بالانى دارىگەرلەر كلينيكالىق ءولىم جاعدايىندا امان الىپ قالعان بولاتىن.