ءانشى ديماش قۇدايبەرگەن ءوزىنىڭ تۋعان قالاسى اقتوبەدە جاڭا بەينەبايان ءتۇسىرۋدى جوسپارلاپ جاتقانىن مالىمدەدى. بۇل تۋرالى ول ءوزىنىڭ الەمەتتىك جەلىدەگى پاراقشاسىندا جازدى, دەپ حابارلايدى Egemen.kz.
ءانشى ءوزىنىڭ بالالىق شاعى وتكەن مەكەنگە ورالۋى تۋرالى جىلى ەستەلىكتەرىمەن ءبولىسىپ, تۋعان جەردىڭ ءوزى ءۇشىن ورنى ەرەكشە ەكەنىن اتاپ ءوتتى.
«اقتوبەدەن سالەم. ءجاسوسپىرىم كەزىمدە ارماندارىم مەنى الىسقا الىپ كەتتى. بىراق ءار جولدىڭ باستاۋىندا تۋعان جەر تۇرادى. اراعا جىلدار سالىپ, تۋعان جەرگە تابان تىرەپ كەلىپ قالدىم. بۇيىرسا اقتوبەدە 3 كۇننەن سوڭ جاڭا كليپ تۇسىرەمىن», دەپ جازدى د. قۇدايبەرگەن.
ديماش قۇدايبەرگەن جاڭا دەرەكتى ءفيلمىنىڭ ترەيلەرىن جاريالادى
ازىرگە جاڭا تۋىندىنىڭ اتاۋى مەن قانداي انگە كليپ تۇسىرىلەتىنى بەلگىسىز. ءتۇسىرىلىم جۇمىستارى 3 كۇننەن سوڭ اقتوبە قالاسىندا باستالادى.
ديماش قۇدايبەرگەن «تايماس» ءفيلمىنىڭ ءتۇسىرىلىم الاڭىنا باردى