قۇربان ايت قارساڭىندا مال باعاسى قىمباتتادى

2026 جىلدىڭ ناۋرىز ايىنداعى دەرەككە سايكەس, ەلدە مال باسى ءوسىمى جالعاسقان. ءىرى قارا مال سانى 9,2 ملن باسقا جەتىپ, وتكەن جىلمەن سالىستىرعاندا 2,9%-عا ارتقان. قوي سانى 21,1 ملن باستان اسىپ, 2,3%-عا كوبەيگەن. جىلقى سانى 4,8 ملن باسقا جەتىپ, ەڭ جوعارى ءوسىم – 7,1% تىركەلگەن. تۇيە سانى 312,6 مىڭ باسقا دەيىن ارتقان.

مال سانى سانى ارتقانىمەن, نارىقتاعى باعا تومەندەمەگەن. ورتا ەسەپپەن سيىردىڭ باعاسى 489,3 مىڭ تەڭگە, بۇقا – 526,7 مىڭ تەڭگە, جىلقى – 581,3 مىڭ تەڭگەگە تۇراقتاعان. ال ءتورت ت ۇلىكتىڭ ىشىندەن ەڭ قىمبات مال ءتۇرى سانالعان تۇيەنىڭ باعاسى 800 مىڭ تەڭگەدەن اسادى. قوي 77-86 مىڭ تەڭگە ارالىعىندا بولسا, ەشكى شامامەن 45 مىڭ تەڭگە بولعان.

استانادا قۇرباندىق شالۋ ءراسىمى وتەتىن ورىندار بەلگىلەندى

قوي, ەشكى, ءىرى قارا جانە تۇيە بويىنشا قۇرباندىق باعالارى وڭىرلەرگە قاراي وزگەرىپ وتىر. ءىرى قاراعا – 630 مىڭنان 945 مىڭ تەڭگەگە دەيىن, قويعا – 100 مىڭنان 150 مىڭ تەڭگەگە دەيىن, ەشكىگە – 55 مىڭنان 100 مىڭ تەڭگەگە دەيىن, ال تۇيەگە بىرىڭعاي 1,1 ملن تەڭگە بەلگىلەنگەن.

مامانداردىڭ ايتۋىنشا, باعانىڭ وسۋىنە ماۋسىمدىق سۇرانىس, اسىرەسە قۇربان ايت الدىنداعى بەلسەندىلىك اسەر ەتىپ وتىر.

ەسكە سالا كەتەيىك, بيىل العاش رەت قازاقستاندا قۇربان شالۋدى ونلاين فورماتتا جۇزەگە اسىرۋ مۇمكىندىگى ەنگىزىلدى.