استانادا ماڭىزدى قوعامدىق-ساياسي ءىس-شارالار قارساڭىندا قوعامدىق ءتارتىپ پەن قاۋىپسىزدىكتى قامتاماسىز ەتۋ شارالارى كۇشەيتىلدى. وسىعان بايلانىستى ۇلتتىق ۇلاننىڭ №5573 اسكەري بولىمىندە پوليتسيا قىزمەتكەرلەرى مەن ۇلتتىق ۇلان ساربازدارىنىڭ جالپى گارنيزوندىق ساپتىق جيىنى ءوتتى, دەپ حابارلايدى Egemen.kz.
ءىس-شاراعا استانا قالاسى پوليتسيا دەپارتامەنتىنىڭ باستىعى مارات تولەباەۆ, ءىىم اكىمشىلىك پوليتسيا كوميتەتىنىڭ توراعاسى مۇرات قابدەنوۆ جانە ءىىم ارنايى كۇشتەر مەن جەدەل باسقارۋ دەپارتامەنتىنىڭ باستىعى سابىر جۇسىپبەكوۆ قاتىستى.
جيىننىڭ ماقساتى – جەكە قۇرامنىڭ قوعامدىق ءتارتىپتى ساقتاۋ, ازاماتتاردىڭ قاۋىپسىزدىگىن قامتاماسىز ەتۋ جانە جول قوزعالىسى قاۋىپسىزدىگىن باقىلاۋ بويىنشا دايىندىعىن تەكسەرۋ.
زەينەتاقى شەگىن كوتەرۋ جوباسى قوعامدىق تالقىلاۋدا قولداۋ تاپپادى
ءىس-شارا بارىسىندا پوليتسيا قىزمەتكەرلەرى مەن ۇلتتىق ۇلان اسكەري قىزمەتشىلەرىنە ەلوردا اۋماعىنداعى قاۋىپسىزدىكتى كۇشەيتۋ, قۇقىق بۇزۋشىلىقتارعا جەدەل ارەكەت ەتۋ, جولداعى قاۋىپسىزدىك دەڭگەيىن ارتتىرۋ جانە تۇرعىندار اراسىندا پروفيلاكتيكالىق جۇمىستى جانداندىرۋ جونىندە ناقتى مىندەتتەر جۇكتەلدى.
سونداي-اق ازاماتتار كوپ جينالاتىن ورىندارداعى ءتارتىپتى قامتاماسىز ەتۋگە جانە تۇرعىندارمەن سىپايى, مادەني قارىم-قاتىناس ورناتۋعا ەرەكشە نازار اۋدارىلدى.
ەسكە سالايىق, بۇعان دەيىن قوعامدىق ورىنداردا تۇمشالانىپ ءجۇرۋ تۋرالى الماتى پوليتسياسىنىڭ مالىمدەمەسى جاريالانعان ەدى.