فيليپپيندە سالىنىپ جاتقان كوپقاباتتى عيماراتتىڭ قۇلاۋى سالدارىنان 3 ادام قازا تاپتى. قۇتقارۋشىلار ءۇيىندى استىنان تاعى 2 ادامدى الىپ شىققان. ال 17 ادام ءىز-ءتۇزسىز جوعالعاندار قاتارىندا. ىزدەستىرۋ-قۇتقارۋ جۇمىستارى جالعاسىپ جاتىر, دەپ جازادى Egemen.kz.
قازىر بيلىك كوپقاباتتى عيماراتتىڭ وپىرىلۋىنا نە سەبەپ بولعانىن انىقتاپ جاتىر. قۇتقارۋشىلار قيراندىلار استىندا قالعان تاعى ءبىر ادامنىڭ دەنەسىن شىعارۋعا ارەكەت ەتۋدە.
فيليپپين استاناسىندا مىڭنان استام عيمارات ورتەندى
ماماندار ارنايى قۇرىلعىلار ارقىلى ءۇيىندى استىنان تىنىس الۋ مەن جۇرەك سوعىسىنىڭ بەلگىلەرىن تىركەگەن. سوندىقتان قيراعان نىسان استىندا ءالى دە ادامدار بولۋى مۇمكىن دەگەن بولجام بار.
ءىز-ءتۇزسىز جوعالعان 17 ادامنىڭ باسىم بولىگى – قۇرىلىس الاڭىندا جۇمىس ىستەگەن جۇمىسشىلار.
قۇتقارۋ جۇمىستارىنىڭ باياۋ ءجۇرۋى جوعالعانداردىڭ تۋىستارىنىڭ نارازىلىعىن كۇشەيتكەن.ء بىر تۇرعىن كۇيەۋىنىڭ تاعدىرىنا قاتىستى ناقتى اقپارات الا الماي وتىرعانىن ايتسا, باۋىرى مەن جەڭگەسى جوعالعان تاعى ءبىر تۇرعىن بيلىكتىڭ اقپاراتتى دەر كەزىندە بەرمەي وتىرعانىنا نارازى ەكەنىن ايتقان.
بۇعان دەيىن فيليپپيندە عيمارات قيراپ, ونداعان ادام ءۇيىندى استىندا قالعانى تۋرالى حابارلاعانبىز.