سانكت-پەتەربۋرگتە ەر ادام كوشەدە ساكسوفون ويناپ تۇرعان 11 جاستاعى بالاعا وق اتقان. بۇل تۋرالى رەسەي ءىىم رەسمي وكىلى يرينا ۆولك مالىمدەدى, دەپ حابارلايدى Egemen.kz.
وقيعا 23 مامىر كۇنى مينسك تۇيىعىندا بولعان. پوليتسياعا كۋاگەر حابارلاسىپ, بەلگىسىز بىرەۋدىڭ بالاعا وق اتقانىن ايتقان. كەيىن بەلگىلى بولعانداي, مەكتەپ وقۋشىسى كوشەدە ساكسوفون ويناپ تۇرعان. الايدا كورشى ۇيدە تۇراتىن 38 جاستاعى ەر ادامعا بالانىڭ مۋزىكاسى ۇناماي, ونى «جازالاماق» بولعان.
ول پنەۆماتيكالىق قارۋدى الىپ, پاتەرىنىڭ تەرەزەسىنەن بالاعا قاراي وق اتقان. زارداپ شەككەن جەتكىنشەك شۇعىل تۇردە اۋرۋحاناعا جەتكىزىلگەن. ونىڭ قازىرگى جاعدايى تۋرالى ناقتى اقپارات جاريالانعان جوق.
پوليتسيا كۇدىكتىنى كوپ ۇزاماي ۇستاپ, وعان قاتىستى بۇزاقىلىق بابى بويىنشا قىلمىستىق ءىس قوزعادى. ەندى ەر ادام باس بوستاندىعىنان ايىرىلۋى مۇمكىن.
ايتا كەتەيىك, تۇركىستان وبلىسىندا تانىسىنا وق اتقان كۇدىكتى ۇستالدى.
جامبىل وبلىسىندا فەلدشەرگە وق اتقان ازامات جازالاندى.