قاراعاندى قالاسىندا جول-كولىك وقيعاسى بولىپ, بوكەتوۆ اتىنداعى ۋنيۆەرسيتەتتىڭ ستۋدەنتى قازا تاپتى, دەپ حابارلايدى Egemen.kz.
مالىمەتتەرگە سايكەس, 2006 جىلى تۋعان بويجەتكەن جولدى بەلگىلەنبەگەن جەردەن كەسىپ وتپەك بولعان كەزدە ونى «لادا» اۆتوكولىگى قاعىپ كەتكەن. سوققى سالدارىنان ول وقيعا ورنىندا كوز جۇمدى.
قاراعاندى وبلىستىق پوليتسيا دەپارتامەنتىنىڭ حابارلاۋىنشا, كولىكتى 33 جاستاعى جۇرگىزۋشى باسقارعان.
«2023 جىلى 23 مامىردا قاراعاندىدا «لادا» اۆتوكولىگىنىڭ جۇرگىزۋشىسى ۋنيۆەرسيتەتسكايا كوشەسىمەن كەلە جاتىپ, جولدى بەلگىلەنبەگەن جەردەن كەسىپ وتپەك بولعان 20 جاستاعى قىزدى قاعىپ كەتكەن. جول-كولىك وقيعاسى سالدارىنان جاياۋ جۇرگىنشى وقيعا ورنىندا كوز جۇمدى. اتالعان دەرەك بويىنشا قىلمىستىق ءىس قوزعالدى, تەرگەۋ ءجۇرىپ جاتىر», دەلىنگەن قاراعاندى وبلىستىق پوليتسيا دەپارتامەنتىنىڭ حابارلاماسىندا.
كۋاگەرلەردىڭ ايتۋىنشا, جول اپاتى ستۋدەنتتەر جاتاقحاناسىنىڭ ءدال قارسى بەتىندە بولعان. قازىر وقيعانىڭ بارلىق ءمان-جايى انىقتالىپ جاتىر.
ءوز ايەلىن اياۋسىز قاعىپ ولتىرگەن پوليتسەي قاماۋعا الىندى
ەسكە سالساق, بۇعان دەيىن قاراعاندى وبلىسىنداعى كوكپەكتى ستانتسياسىندا موتوتسيكل تىزگىندەگەن 17 جاستاعى ءجاسوسپىرىم سەگىز جاستاعى قىزدى قاعىپ كەتكەن ەدى.