اقش پرەزيدەنتى دونالد ترامپ يرانمەن كەلىسىم جاساۋ ماسەلەسىندە اسىعىستىققا جول بەرمەۋ قاجەت ەكەنىن مالىمدەدى. بۇل تۋرالى ول Truth Social الەۋمەتتىك جەلىسىندەگى پاراقشاسىندا جازدى, دەپ حابارلايدى Egemen.kz.
اق ءۇي باسشىسىنىڭ ايتۋىنشا, تەگەرانمەن ناقتى مامىلە جاسالعانعا دەيىن ورمۇز بۇعازىنداعى يراندىق كەمەلەرگە قويىلعان شەكتەۋ ساقتالادى.
دونالد ترامپ سوڭعى ۋاقىتتا ۆاشينگتون مەن تەگەران اراسىنداعى بايلانىستىڭ كاسىبي ءارى ناتيجەلى سيپات الا باستاعانىن اتاپ ءوتتى. ونىڭ مالىمدەمەسى اقش پەن يران اراسىندا ورمۇز بۇعازىن اشۋعا قاتىستى ىقتيمال بەيبىت كەلىسىمگە جاقىنداعانى جونىندەگى اقپاراتتاردان كەيىن جاريالاندى.
ترامپ پولشاعا قوسىمشا 5 مىڭ اسكەر جىبەرمەكشى
باق تاراتقان دەرەكتەرگە سايكەس, الدىن الا ازىرلەنگەن جوسپار شەڭبەرىندە كەمەلەردىڭ بۇعاز ارقىلى وتۋىنە 60 كۇن بويى قوسىمشا تولەمسىز رۇقسات بەرۋ قاراستىرىلعان. سونىمەن قاتار يران مۇناي ەكسپورتىن قايتا جانداندىرۋ كوزدەلىپ وتىر.
ەسەسىنە تەگەران تەڭىز جولدارىنىڭ قاۋىپسىزدىگىن قامتاماسىز ەتىپ, اكۆاتوريانى مينالاردان تازارتۋعا مىندەتتەمە الۋى كەرەك. الايدا اقپارات كوزدەرىنىڭ مالىمەتىنشە, تاراپتار بىرقاتار نەگىزگى شارت بويىنشا ءالى ورتاق مامىلەگە كەلە الماعان.
ەسكە سالايىق, قازاق قىزى اقش-تىڭ سلوۆەنياداعى توتەنشە ەلشىسى بولدى.