استانا قالاسىنىڭ اكىمى جەڭىس قاسىمبەك الەۋمەتتىك جەلىدەگى پاراقشاسىندا مەكتەپتەر سالۋ جانە بالالارعا جايلى ءبىلىم بەرۋ ورتاسىن قالىپتاستىرۋ تۇرعىسىندا جۇيەلى جۇمىس جۇرگىزىلىپ جاتقانىن ايتتى, دەپ حابارلايدى Egemen.kz.
بىرقاتار مەكتەپ پەن وقۋشىلار سارايىنىڭ قۇرىلىس بارىسىمەن تانىسقانىن ايتقان استانا اكىمى جاڭا وقۋ جىلىندا تاعى 12 وقۋ ورنى اشىلاتىنىن مالىمدەدى.
«ماسەلەن, سوڭعى جىلدارى 44 مەكتەپ سالدىق. وسى شارالار قولدانىستاعى مەكتەپتەرگە تۇسەتىن سالماقتى ەداۋىر ازايتىپ, قوسىمشا وقۋشى ورىندارىن اشۋعا مۇمكىندىك بەردى. الەۋمەتتىك ينفراقۇرىلىمعا قاجەتتىلىك جوعارى اۋداندارعا ايرىقشا نازار اۋدارىپ وتىرمىز», دەپ جازدى جەڭىس قاسىمبەك.
استانا مەكتەپتەرىندەگى ورىن تاپشىلىعى ماسەلەسى قالاي شەشىلمەك؟
اكىمنىڭ ايتۋىنشا, 2027 جىلعا ارنالعان دايىندىق جۇمىسى دا جۇرگىزىلىپ جاتىر. جوبالىق جانە قالا قۇرىلىسىنا قاتىستى قۇجاتتامالار ازىرلەۋ ءىسى قولعا الىنعان. باس جوسپارعا سايكەس, 2035 جىلعا دەيىن قالادا 140-قا جۋىق جاڭا مەكتەپ سالۋ كوزدەلىپ وتىر.
«سونداي-اق بيىل تاعى ەكى وقۋشىلار سارايى مەن التى بالاباقشا اشۋ جوسپارلانىپ وتىر. وقۋ جانە ءبىلىم بەرۋ ورتالىقتارىنىڭ قۇرىلىسىنا جەكە ينۆەستيتسيالار دا جۇمىلدىرىلىپ جاتىر», دەدى باس شاھاردىڭ اكىمى.
ەسكە سالايىق, بيىل 215 مىڭنان استام وقۋشى مەكتەپتى تامامدادى.