امەريكالىق GE Aerospace كومپانياسى جاساندى ينتەللەكت ارقىلى گيپەردىبىستى قوزعالتقىشتى جاساپ شىعاردى, دەپ حابارلايدى Egemen.kz.
كومپانيا دەرەگىنشە, جاڭا جۇيە بۇرىن بىرنەشە ايعا سوزىلاتىن ينجەنەرلىك ەسەپتەۋلەردىڭ ورنىنا بىرەر سەكۋند ىشىندە قوزعالتقىشتىڭ الدىن الا سىزبالارىن جاساي الادى.
مۇنداي قوزعالتقىشتار اۆياتسياداعى ەڭ كۇردەلى جۇيەلەردىڭ ءبىرى سانالادى. سەبەبى ولار وتە جوعارى جىلدامدىقتا جۇمىس ىستەپ, تەمپەراتۋرا, اۋا اعىنى جانە ۇشۋ پارامەترلەرىن اسا ءدال ەسەپتەۋدى تالاپ ەتەدى.
كومپانيا ماماندارىنىڭ ايتۋىنشا, جاساندى ينتەللەكت ءبىر ۋاقىتتا ءارتۇرلى جۇمىس رەجيمدەرىن تالداپ, جۇزدەگەن كونسترۋكتسيالىق نۇسقالاردى اۆتوماتتى تۇردە ۇسىنادى. كەيىن بۇل نۇسقالاردىڭ تەحنيكالىق تالاپتارعا سايكەستىگى تەكسەرىلەدى.
يسپانيادا لا ليگا تورەشىلەرىنىڭ جۇمىسىن جاساندى ينتەللەكت باعالايدى
جوبا العاشقى قاۋىپسىزدىك پارامەترلەرى بويىنشا الدىن الا سىناقتان وتكەن. ستارتاپەرلەر بۇل تەحنولوگيانى تەك گيپەردىبىستى جوبالاردا عانا ەمەس, ازاماتتىق اۆياتسيادا دا قولدانۋدى جوسپارلاپ وتىرعانىن جەتكىزدى.
ەسكە سالا كەتەيىك, بۇعان دەيىن تارازدىق وقۋشىنىڭ جي ارقىلى قاتەرلى ىسىكتى انىقتاۋعا ارنالعان جوبا ازىرلەپ شىعارعانىن جازعان بولاتىنبىز.