اتىراۋدا يتكە قاتىگەزدىك تانىتقان ايەلگە قاتىستى سوت شەشىمى جاريالاندى, دەپ جازادى Egemen.kz.
ەستەرىڭىزگە سالا كەتسەك, بيىلعى ناۋرىز ايىنىڭ سوڭىندا الەۋمەتتىك جەلىدە تاراعان بەينەجازبا قوعامنىڭ نارازىلىعىن تۋدىرعان ەدى. بەينەۇزىندىدە ايەل ادامنىڭ بايلاۋلى تۇرعان ءيتتى كۇرەكپەن اياۋسىز ۇرىپ جاتقان ءساتى تاسپالانعان. سوت ونى جانۋارعا قاساقانا قاتىگەزدىك كورسەتىپ, اۋىر جاراقات سالعانى ءۇشىن كىنالى دەپ تانىدى.
جانۋارلارعا قاتىگەزدىك كورسەتكەندەر 5 جىلعا دەيىن باس بوستاندىعىنان ايىرىلۋى مۇمكىن
ۆەتەرينار مامانداردىڭ قورىتىندىسىنا سايكەس, گەردا ەسىمدى ءيتتىڭ دەنەسىندە كولەمدى گەماتومالار, جۇمساق تىندەردىڭ ءىسىنۋى جانە وزگە دە جاراقاتتار انىقتالعان. ساراپشىلار جانۋاردىڭ جاعدايىن ورتاشا اۋىر دەڭگەيدە دەپ باعالاعان.
ەلىمىزدە ءۇي جانۋارىن قاراۋسىز قالدىرعاندارعا ايىپپۇل ەنگىزىلەدى
سوت بارىسىندا ايەل كىناسىن جارتىلاي مويىنداپ, جازانى جەڭىلدەتۋدى سۇرادى. ۇكىم شىعارۋ كەزىندە سوت ونىڭ ماتەريالدىق جاعدايىن جانە كامەلەتكە تولماعان بالا تاربيەلەپ وتىرعانىن ەسكەردى. ناتيجەسىندە ايەلگە 100 ساعات قوعامدىق جۇمىسقا تارتۋ جازاسى تاعايىندالدى.
جانۋارلاردى قورعاۋ جانە قوعام قاۋىپسىزدىگى: قاڭعىباس يتتەردىڭ شابۋىلىنا قالاي توسقاۋىل قويامىز؟