الماتىدا د. قوناەۆ اتىنداعى ۋنيۆەرسيتەتتىڭ جاتاقحاناسىندا بولعان وقيعا الەۋمەتتىك جەلىدە قىزۋ تالقىلانىپ جاتىر. 17 جاستاعى ستۋدەنت قىزدىڭ ايتۋىنشا, جانجال جاتاقحاناداعى تازالىقتى ساقتاۋ تۋرالى ەسكەرتۋدەن باستالىپ, سوڭى توبلەسكە ۇلاسقان, دەپ حابارلايدى Egemen.kz.
جابىرلەنۋشىنىڭ جازۋىنشا, وعان بىرنەشە ادام كۇش قولدانعان.
«مەنى قىلعىندىرىپ, باسىمدى قابىرعاعا سوعىپ, تەمىر كەرەۋەتكە ۇردى. شاشىمنان سۇيرەپ, سىرتقا شىعۋعا مۇمكىندىك بەرمەدى. جانىمداعى ادامدار جاي قاراپ تۇردى. كەيبىرى ۆيدەوعا ءتۇسىرىپ, ەسىكتى جاۋىپ تۇردى», دەپ جازدى ول الەۋمەتتىك جەلىدە.
وقيعادان كەيىن قىز جەدەل جاردەممەن اۋرۋحاناعا جەتكىزىلگەن. دارىگەرلەر وعان جابىق باس-مي جاراقاتى, گەماتومالار جانە قان كەتۋ دياگنوزىن قويعان. ءىس بويىنشا سوت شەشىمى شىعىپ, قاتىسۋشىلاردىڭ ءبىرى كىنالى دەپ تانىلىپ, قوعامدىق جۇمىستارعا تارتىلعان.
قاراعاندىداعى جاتاقحانادا 21 جاستاعى شەتەلدىك ستۋدەنت كوز جۇمدى
الماتى قالاسىنىڭ پروكۋراتۋراسى وقيعانى «جانجالدىڭ توبەلەسكە ۇلاسۋى» دەپ سيپاتتاپ, ەكى تاراپقا قاتىستى سوتقا دەيىنگى تەرگەۋ باستالعانىن مالىمدەدى.
ء«بىر ماتەريال بويىنشا سوت شەشىمى شىعىپ, اباي وبلىسىنىڭ تۋماسى كىنالى دەپ تانىلىپ, قوعامدىق جۇمىستارعا تارتىلدى. ەكىنشى ماتەريال بويىنشا اتىراۋ وبلىسىنان كەلگەن ستۋدەنتكە قاتىستى تەرگەۋ جالعاسۋدا», دەلىنگەن پروكۋراتۋرا حابارلاماسىندا.
ەسكە سالا كەتەيىك, بۇعان دەيىن قىزىلوردا مەديتسينا كوللەدجىنىڭ 1-كۋرس ستۋدەنتىن جاتاقحانادا ۇرىپ ولتىرگەنىن جازعان ەدىك.