الماتى قالاسىندا ۇلى جەڭىستىڭ 80 جىلدىعىنا ارنالعان ءىس-شارالار اياسىندا كەڭساي زيراتىندا جاستاردىڭ قاتىسۋىمەن تازالىق جانە اباتتاندىرۋ اكتسياسى ءوتتى.
شارا بارىسىندا ستۋدەنتتەر, ەرىكتىلەر مەن جاستار ۇيىمدارىنىڭ مۇشەلەرى ۇلى وتان سوعىسىنىڭ ارداگەرلەرى, مايدانگەرلەر, جازۋشىلار مەن قوعام قايراتكەرلەرى جەرلەنگەن زيرات ماڭىن تازالاپ, گۇل شوقتارىن قويدى.
اكتسيانىڭ ماقساتى — ەل قورعاعان ەرلەردىڭ رۋحىنا تاعزىم ەتۋ, جاستاردىڭ تاريحي ساناسىن قالىپتاستىرۋ جانە وتانسۇيگىشتىككە تاربيەلەۋ. ۇيىمداستىرۋشىلاردىڭ ايتۋىنشا, مۇنداي باستامالار وسكەلەڭ ۇرپاقتىڭ تاريحقا دەگەن قۇرمەتىن ارتتىرىپ, ەرلىك پەن ەلدىكتىڭ ماڭىزىن ۇعىندىرۋعا باعىتتالعان.
«باتىرلاردىڭ ەرلىگىن مۇنداي اكتسيا كەزىندە عانا ەمەس, ۇنەمى ەستە ۇستاعان ءجون. قابىرلەردىڭ تازالىعى – ولاردىڭ مۇراسىنا دەگەن ريزاشىلىعىمىز بەن قۇرمەتىمىزدىڭ بەلگىسى», - دەدى الماتىنىڭ باس يمامى تولەبي وسپان.
مەموريالدى ۋچاسكەلەردى تازالاۋعا جوو ستۋدەنتتەرى, ەرىكتىلەر قوزعالىستارىنىڭ مۇشەلەرى, الماتى قالاسىنداعى ءدىني ۇيىمدار مەن ەتنومادەني ورتالىقتاردىڭ وكىلدەرى دە ءۇن قوستى.
«بۇل جاي سەنبىلىك ەمەس. سوعىس ارداگەرلەرى مەن اتا-بابالارىمىز حالىقتىڭ جادىندا ماڭگى قالادى. جاستار سول ەرلىكتىڭ قانداي بيىك رۋح پەن قايسارلىقتى تالاپ ەتكەنىن ءبىلۋى كەرەك. بۇل ءبىزدىڭ تاريحىمىز», – دەيدى تۇركسىب اۋداندىق كوممۋنيتي ورتالىعىنىڭ ديرەكتورى قادىربەك فايزۋللاەۆ.
اعا بۋىننىڭ ەرلىگىنە قۇرمەت كورسەتكەن جاستارعا ۇيىمداستىرۋشىلار العىس ءبىلدىردى. ايتا كەتسەك, بۇگىن الماتىدا «تازا قازاقستان» اكتسياسى اياسىندا وتكەن سەنبىلىك تۇتاس قالا اۋماعىن قامتىدى.