2014 جىلعى 30 جەلتوقسان استانا قالاسى
گازداردى دايىنداۋ جانە قايتا وڭدەۋ بويىنشا قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارىن بەكىتۋ تۋرالى
«ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ 12-2-بابىنىڭ 14) تارماقشاسىنا سايكەس بۇيىرامىن:
1. قوسا بەرىلىپ وتىرعان گازداردى دايىنداۋ جانە قايتا وڭدەۋ بويىنشا قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق. ەرجانوۆ):
1) وسى بۇيرىقتىڭ زاڭنامامەن بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىق قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.پ. راۋعا جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا. يسەكەشەۆ.
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
________________ ە. دوساەۆ
2015 جىلعى 12 قاڭتار
«كەلىسىلدى»
قازاقستان رەسپۋبليكاسىنىڭ ەنەرگەتيكا ءمينيستردىڭ مىندەتىڭ اتقارۋشى
________________ ۇ. قارابالين
2015 جىلعى 08 قاڭتار
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2014 جىلعى 30 جەلتوقسانداعى № 357 بۇيرىعىمەن بەكىتىلگەن
گازداردى دايىنداۋ جانە قايتا وڭدەۋ بويىنشا قاۋىپتى وندىرىستىك
وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارى
1. جالپى ەرەجەلەر
1. وسى گازداردى دايىنداۋ جانە قايتا وڭدەۋ بويىنشا قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارى (بۇدان ءارى – قاعيدالار) «ازاماتتىق قورعاۋ تۋرالى» 2014 جىلعى 11 ساۋىردەگى قازاكستان رەسپۋبليكاسىنىڭ زاڭى 12-2-بابىنىڭ, 14) تارماقشاسىنا سايكەس ازىرلەنگەن جانە گازداردى دايىنداۋ جانە قايتا وڭدەۋ بويىنشا قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) گازدى دايىنداۋ جانە قايتا وڭدەۋ وبەكتىلەرى – گازدى دايىنداۋ جانە قايتا وڭدەۋدىڭ بىرىڭعاي تەحنولوگيالىق پروتسەسسىنە بىرىكتىرىلگەن قۇرىلعىلار, جابدىقتار, قۇرىلىستار, عيماراتتار جانە ءۇي-جايلار;
2) جوسپارلى-الدىن الا جوندەۋ كەستەسى – وبەكتىنىڭ تەحنيكالىق باسشىسى بەكىتكەن, دەتالداردىڭ, تۇيىندەر مەن مەحانيزمدەردىڭ مەزگىلىنەن بۇرىن توزۋىنىڭ الدىن الۋ مەن ولاردى جۇمىسقا قابىلەتتى قالپىندا ۇستاپ تۇرۋعا باعىتتالعان تەحنولوگيالىق جابدىقتى جوندەۋ جونىندەگى تەحنيكالىق ءىس-شارالاردى وتكىزۋ كەستەسى;
3) مۇناي مەن گازدى دايىنداۋ قوندىرعىسى – مۇناي-گاز ۇڭعىمالارىنىڭ ءونىمىن قابىلداۋعا, ونى الدىن-الا مۇناي, ىلەسپە گاز بەن قابات سۋىنا بولۋگە ارنالعان قوندىرعى;
4) رۇقسات بەرۋ-ناريادى – قولدانىستاعى كاسىپورىننان شىعاتىن وندىرىستىك قاۋىپ بار نەمەسە تۋىندايى مۇمكىن بولعان كەزدەگى قولدانىستاعى كاسىپورىننىڭ اۋماعىنداعى قۇرىلىس-مونتاج جۇمىستارىن جۇرگىزۋ كەزىندە راسىمدەلەتىن جۇمىس وندىرىسىنە ارنالعان تاپسىرما;
5) تەحنولوگيالىق رەگلامەنت – تەحنيكالىق باسشى بەكىتەتىن, پروتسەسستىڭ نەمەسە ونىڭ جەكەلەگەن كەزەڭدەرىن (وپەراتسيالارىن) جۇرگىزۋ تەحنولوگياسىن, ءونىم ءوندىرىسىنىڭ رەجيمى مەن تەحنولوگياسىن, جۇمىستىڭ قاۋىپسىز شارتتارىن ايقىندايتىن قۇجات;
6) توپىراق ءۇيۋ – رەزەرۆۋارلىق پاركتىڭ, قۇبىردىڭ لينيالىق بولىگىنىڭ جەكەلەگەن ۋچاسكەلەرىنىڭ اينالاسىنا سۇيىق قاۋىپتى زاتتاردىڭ اعىپ كەتۋىنەن قورعاۋ ءۇشىن توپىراق ءۇيىندىسى نەمەسە قورشاۋ قابىرعاسى رەتىندە سالىناتىن قۇرىلىس.
2. گازدى دايىنداۋ مەن قايتا وڭدەۋ كەزىندەگى ونەركاسىپتىك
قاۋىپسىزدىكتى قامتاماسىز ەتۋ ءتارتىبى
3. گازدى دايىنداۋ مەن قايتا وڭدەۋ وبەكتىلەرىندە (ارى قاراي – گدق) تومەندەگى قۇجاتتار ازىرلەنەدى جانە جۇمىس ورىندارىندا ساقتالادى:
1) پايدالانۋ جانە تەحنيكالىق قۇجاتتاما;
2) وبەكتىلەردىڭ قۇرىلىسىنا ارنالعان جوبا;
3) تەحنولوگيالىق رەگلامەنتتەر;
4) قاۋىپ فاكتورلارىن ەسكەرەتىن جانە ولاردىڭ بولجامدى زارداپتارىنىڭ اۋىرلىقتارىن بارىنشا ازايتۋ ءۇشىن اپاتتاردىڭ الدىن الۋ, اپاتتى جاعدايلاردى جويۋ ءۇشىن قولدانىلاتىن پەرسونال ارەكەتىن, قۇرالدار مەن ادىستەردى رەگلامەنتتەيتىن اپاتتاردى جويۋ جوسپارلارى (ارى قاراي – اجج) (جەدەل بولىمنەن ۇزىندىلەر).
4. گدق وبەكتىلەرىنىڭ جوبالاۋ قۇجاتتاماسىنىڭ قۇرامىندا اۆاريالىق جاعدايلار كەزىندە جۇمىسكەرلەردىڭ جانە تۇرعىنداردىڭ قاۋىپسىزدىگىن قامتاماسىز ەتۋگە, اتالعان جاعدايلاردى جەدەل وقشاۋلاۋعا جانە جويۋعا ارنالعان ۇيىمدىق-تەحنيكالىق شەشىمدەر نەگىزدەلەدى جانە ايقىندالادى.
5. گدق وبەكتىلەرىنىڭ الاڭدارىندا تۇيىق جانە جارتىلاي تۇيىق اۋلالار قۇراتىن عيماراتتار جوبالاۋعا جول بەرىلمەيدى.
6. فلانەتستىك جالعامدارعا ارنالعان توسەمە ماتەريالدار رەتىندە قۇيىلاتىن ورتالارعا ءتوزىمدى جانە تەحنولوگيالىق پروتسەس ولشەمدەرىنە ساي كەلەتىن ماتەريالدار قولدانىلادى.
7. جابدىقتى وبەكت باسشىسىنىڭ جازباشا رۇقساتىنسىز اشۋعا تىيىم سالىنادى.
8. جۇمىس ورىندارىندا, بايلانىس قۇرالدارى جانىندا, دابىلداردى بەرۋ ءتارتىبىن, ءورت قاۋىپسىزدىگى كۇزەتى, مەديتسينا قىزمەتى, گاز-قۇتقارۋ قىزمەتى جانە گدق وبەكتىسىنىڭ ديسپەتچەرىن شاقىرۋ ءتارتىبى كورسەتىلگەن كەستەلەر ىلىنەدى.
9. جۇمىس ايماعىنداعى اۋانىڭ گازدانۋى تابىلعان جاعدايدا تەز ارادا جاقىن ماڭداعى قوندىرعىلاردىڭ كۇتىم جاساۋشى قىزمەتكەرلەرىنە ىقتيمال قاۋىپتىلىك تۋرالى ەسكەرتىلەدى, گازدانعان ۋچاسكەنى قورشايدى جانە بەكىتىلگەن اجج سايكەس ءىس-شارالار قابىلدايدى.
10. وندىرىستىك ءۇي-جايلاردىڭ ەدەنىنە تازالاۋدى قاجەت بولعان كەزدە, بىراق اۋىسىمدا كەمىندە ءبىر رەت, ىلعالدى, سۋلى نەمەسە شاڭ بولىنۋىنە جول بەرمەيتىن وزگە دە ادىستەرمەن جۇرگىزەدى. جەڭىل تۇتاناتىن سۇيىقتاردى (بۇدان ءارى - جتس) ەدەندەردى جۋ ءۇشىن قولدانۋعا جول بەرىلمەيدى.
قولدانىلعان جۋ/تازارتۋ ماتەريالىن قاقپاقتارى مىعىم جابىلاتىن ارنايى مەتالل جاشىكتەرگە سالادى, اۋىسىم اياقتالعاندا وندىرىستىك ءۇي-جايلاردان ارنايى بەلگىلەنگەن ورىندارعا اكەتەدى.
ماتەريالدار مەن جابدىقتاردى ۋاقىتشا ساقتاۋ وسى ماقساتقا ارنالعان ارنالعان ءۇي-جايلار نەمەسە ورىنداردا جۇزەگە اسىرىلادى.
11. جارىلىس قاۋىپتى ءۇي-جايلارداعى ءار ەسىكتىڭ سىرتقى بەتىنە ونىڭ جارىلىس قاۋىپتىلىگى سيپاتىن كورسەتىلگەن جازۋمەن جابدىقتايدى.
گدق وبەكتىلەرى جۇمىسكەرلەردى جانە تۇرعىنداردى ىقتيمال قاۋىپتىلىك تۋرالى جەدەل حابارلاندىرۋدى قامتاماسىز ەتەتىن اۆاريالىق بايلانىس پەن حابارلاندىرۋدىڭ قاجەتتى تەحنيكالىق قۇرالدارىمەن قامتاماسىز ەتىلۋى ءتيىس.
اۆاريالىق لاقتىرىندىلاردى ەرتەرەك تابۋدى قامتاماسىز ەتۋ ماقساتىندا اۋا ورتاسىن اۆتوماتتاندىرىلعان باقىلاۋ جۇيەسىنىڭ تەحنيكالىق قۇرالدارىمەن قامتاماسىز ەتىلەدى.
گدق وبەكتىلەرىندە جۇمىس ىستەيتىن پەرسونال زياندى زاتتاردان قورعانىستىڭ جەكە جانە ۇجىمدىق قۇرالدارىمەن قامتاماسىز ەتىلەدى.
12. گدق قاۋىپتى وندىرىستىك وبەكتىلەرىنىڭ اۋماعىندا جانە وندىرىستىك ءۇي-جايلاردا:
1) ءار اۋىسىم باستالار الدىندا كۇتىم كورسەتەتىن پەرسونال جەلدەتۋ جۇيەلەرى ارەكەتىنە سىرتتاي قاراۋ جانە اقاۋسىزدىعىنا تەكسەرۋ;
2) باقىلاۋ ولشەۋ اسپاپتارىنىڭ (بۇدان ءارى – ءبوا), اۆتوماتيكا مەن ساقتاندىرۋ قۇرىلعىلارىنىڭ جاعدايىنا ءبوا جۇمىسكەرى ءار اۋىسىمدا كەمىندە ءبىر رەت قاراۋ جانە تەكسەرۋ جۇرگىزەدى.
13. عيماراتتاردا جانە سىرتقى قوندىرعىلاردىڭ اۋماعىندا:
1) اتموسفەراعا زياندى زاتتاردى ىقتيمال شىعارۋ كوزدەرى;
2) جانعىش جانە قۇرامىندا كۇكىرتسۋتەگى بار سۇيىقتاردى ىقتيمال توگۋ كوزدەرى بار كابەلدەردى ءۇي-جايلاردا جانە سىرتقى قوندىرعىلار اۋماعىندا ورنالاستىرۋ ءۇشىن تەرەڭدەتىلگەن كانالداردى جانە توننەلدەردى سالۋعا جول بەرىلمەيدى.
14. تەرەڭدەتىلگەن توننەلدەردە جانە كانالداردا قۇرامىندا كۇكىرتسۋتەگى بار ونەركاسىپتىك شايىندىلاردى جيناقتاۋ جانە كادەگە جاراتۋ جۇيەلەرىنىڭ قۇبىر جەلىلەرىن قوسا العاندا, تەحنولوگيالىق قۇبىر جەلىلەرى بار بۋ جانە ىستىق سۋ قۇبىرى جەلىلەرىن بىرگە سالۋعا جول بەرىلمەيدى.
15. گدق وبەكتىسىنىڭ الاڭىندا, ونىڭ كولەمىنە قاراماي, كەمىندە 90 گرادۋس بۇرىشتى قۇرايتىن, اۆاريا جاعدايىندا پەرسونالدى جانە تەحنيكانى كەدەرگىسىز ەۆاكۋاتسيالاۋدى قامتاماسىز ەتەتىن جولدار جانە كەمىندە ەكى نەگىزگى كىرۋ جولى كوزدەلەدى.
16. ماگيسترالدىق جانە وندىرىستىك جولداردىڭ, جولدار مەن كىرمە جولداردىڭ شەتىندە جاياۋ جۇرگىنشىلەر قوزعالىسىنىڭ قارقىندىلىعىنا قاراماستان بارلىق جاعدايلاردا تروتۋارلار كوزدەلەدى.
17. گدق وبەكتىلەرىنىڭ اۋماعىنا قاتتى جابىندى جۇرگىنشىلەر جولدارى سالىنادى, ولاردىڭ ورنالاسۋى مەن ساقتالۋى پەرسونالدىڭ كەدەرگىسىز قوزعالۋىن, سونىڭ ىشىندە اۆاريالىق ەۆاكۋاتسيالاۋ كەزىندە قامتاماسىز ەتەدى.
ناۋالاردى, ترانشەيالاردى, قازان شۇڭقىرلاردى جانە قازىلعان جەرلەردى تاۋلىكتىڭ قاراڭعى ۋاقىتىندا جارىقتاندىرادى, تاقتالارمەن جابادى نەمەسە بيىكتىگى كەمىندە 1 مەتر شارباقپەن قورشايدى.
18. جولداردى, وتكەلدەردى, كىرۋ ورىندارىن, كىرەبەرىستەردى, باسقىش الاڭدارىن, عيماراتتارعا كىرۋ جانە شىعۋ ورىندارىن, ورتكە قارسى جابدىقتارعا, ءورت ءسوندىرۋ, بايلانىس جانە دابىل قۇرالدارىنا بارار جولداردى قوقىستاۋعا جانە لاستاۋعا جول بەرىلمەيدى.
19. گدق وبەكتىلەرىنىڭ اۋماعىندا, قۇبىرلار ارقىلى جۇرگىنشىلەر وتپەلەرىندە, ناۋالار جانە ترانشەيالار ارقىلى ەنى كەمىندە 1 مەتر, تايانىشتىڭ بيىكتىگى كەمىندە 1 مەتر كوپىرلەر قويىلادى..
جولداردى, كوپىرلەردى, وتكەلدەردى جانە جاياۋ جولداردى تازالىقتا جانە كۇتىمدە ۇستايدى, قاجەتتى جول بەلگىلەرىن ورناتادى, ونىڭ ىشىندە قۇبىر جەلىلەرى ەستاكادالارى استىنان ءوتۋ گاباريتتەرىن قوسقاندا, جانە تاۋلىكتىڭ قاراڭعى ۋاقىتىندا جارىقتاندىرادى.
گدق جارىلىسورتقاۋىپتى وبەكتىلەرىنىڭ اۋماعى بويىنشا ۇشقىنداردى سوندىرگىشى جوق اۆتوتراكتور تەحنيكاسىنىڭ جۇرۋىنە جول بەرىلمەيدى.
20. وندىرىستىك الاڭعا نەگىزگى كىرۋ جولدارىنىڭ جانە تەمىرجولداردىڭ ءبىر دەڭگەيدە قيىلىسۋىنا جول بەرىلمەيدى.
جۇرگىنشىلەر جولدارىنىڭ رەلستىك جولدارمەن قيىلىساتىن ورىندارىندا رەلستەردىڭ ۇستىڭگى دەڭگەيىمەن بىردەي تۇتاس جابىندىلار توسەلەدى جانە ەسكەرتۋ جانە تىيىم سالۋ بەلگىلەرى قويىلادى.
21. جولداردىڭ جۇرگىنشى بولىگىن جابۋمەن بايلانىستى جوندەۋ جۇمىستارى تەحنيكالىق باسشىنىڭ رۇقساتىمەن جۇرگىزىلەدى.
22. جوندەۋ-قۇرىلىس جۇمىستارى جۇرگىزىلگەن گدق وبەكتىسى اۋماعىنىڭ ۋچاسكەسىن جوسپارلايدى جانە قوقىستان تازارتادى. اتالعان ۋچاسكەدە ونى جوسپارلاۋ مەن اۋماقتى قۇرىلىس قوقىسىنان تازالارتۋ اياقتالعانعا دەيىن قوندىرعىلاردى قوسۋعا جول بەرىلمەيدى.
23. گدق وبەكتىلەرىنىڭ اۋماعىندا تۇراقتى جانە ۋاقىتشا وت جۇمىستارىنا ارنالعان ورىنداردان باسقا جەردە اشىق وتتى قولدانۋعا جول بەرىلمەيدى.
24. گدق وبەكتىلەرىنىڭ اۋماعىندا مۇناي ونىمدەرى جانە وزگە دە جتس توگىلگەن جاعدايدا توگىلۋدى جويۋ جانە قاۋىپسىز كادەگە جاراتۋ جونىندەگى شارالار قابىلدانادى.
25. قۇدىقتارداعى, ناۋالارداعى جانە قۋىستارداعى ىسىرمالاردى جانە وزگە دە ارماتۋرالاردى ولاردى جوعارعى جاعىنان باسقارۋعا ارنالعان قۇرىلعىلارمەن جابدىقتايدى (ۇزارتىلعان شتوكتار نەمەسە باسقارۋ شتۋرۆالدارى, ەلەكتروپنەۆموجەتەكتەر) جانە جوندەۋ جانە پروفيلاكتيكالىق جۇمىستار ءۇشىن قاۋىپىز قولجەتىمدىلىكتى قامتاماسىز ەتەدى.
26. اۆاريالىق جاعدايلار كەزەڭىندە گدق وبەكتىلەرىندە جۇمىسكەرلەردىڭ جانە تۇرعىنداردىڭ قاۋىپسىزدىگىن قامتاماسىز ەتۋگە باعىتتالعان نەگىزگى ۇيىمدىق-تەحنيكالىق شەشىمدەردىڭ ءاربىرى بويىنشا جوبالاۋ قۇجاتتاماسىندا جەكە قورعانىس قۇرالدارىنىڭ (بۇدان ءارى – جقق), قاجەتتى اسپاپتاردىڭ, ماتەريالداردىڭ جانە جابدىقتاردىڭ, ورىنداردىڭ جانە ولاردى ورنالاستىرۋعا ارنالعان ءۇي-جايلاردىڭ ناقتى تيپتەرى مەن سانى نەگىزدەلەدى جانە ايقىندالادى.
27. اۋاداعى زياندى گازدار, بۋلار جانە شاڭ-توزاڭداردىڭ جول بەرىلگەن سانيتارلىق نورمالاردان اسا شوعىرلانۋى مۇمكىن ورىندارداعى جۇمىس كەزىندە جۇمىسكەرلەر تىنىستاۋ ورگاندارىنىڭ ءتيىستى جەكە قورعانىس قۇرالدارىمەن (بۇدان ءارى – توجقق) قامتاماسىز ەتىلەدى.
28. ءاربىر قاۋىپتى وندىرىستىك وبەكتىدە 3-5 جيناق توجقق-نىڭ اۆاريالىق قورى كوزدەلەدى.
شلانگىلىك اۆاريالىق گازقاعارلاردىڭ كەمىندە ەكى جيناعى كوزدەلەدى.
گازقاعارلاردىڭ اۆاريالىق قورىن ق ۇلىپتاۋعا جول بەرىلمەيدى.
اۆاريالىق قوردىڭ پلومبالارىنىڭ تۇتاستالىعىن اۋىسىمدى قىبىلداۋ جانە وتكىزۋ كەزىندە كۇتىم جاساۋشى پەرسونال تەكسەرەدى. اۆاريالىق قوردىڭ بولۋىن جانە جاعدايىن ۇيىمنىڭ گازقۇتقارۋ قىزمەتىنىڭ جاۋاپتى ادامى گدق وبەكتىسىنىڭ تەحنيكالىق باسشىسى بەكىتكەن كەستەگە سايكەس ايىندا كەمىندە ءبىر رەت تەكسەرەدى.
29. زاپورلى قۇرىلعىنى قولمەن باسقارۋدى درەنيرلەۋ كەزىندە جۇمىستار توجقق-مەن جانە جۇمىس ورنىنداعى گازدانۋدى تەكسەرگەننەن كەيىن باقىلاۋشىنىڭ قاتىسۋىمەن جۇرگىزىلەدى.
30. رەزەرۆۋارلاردىڭ, اپپاراتتاردىڭ, ىدىستاردىڭ ىشىندەگى جۇمىستار باستاۋ اۋا ورتاسىن كۇكىرتتى سۋتەكتىڭ جانە وزگە دە زياندى جانە جاناتىن بۋلار مەن گازداردىڭ بولۋىنا تەكسەرگەننەن جانە وڭ ناتيجە العاننان كەيىن جۇزەگە اسىرىلادى.
31. اپپاراتتاردىڭ ىشىندەگى جۇمىستار تومەندەگىلەردى قولدانىپ جۇرگىزىلەدى:
1) توجقق;
2) قورعايتىن بەلدىكتەر;
3) باقىلاۋشى ء(اربىر جۇمىسشىعا).
32. سىناما الۋ كەزىندە پەرسونال جقق, توجقق, گاز اناليزاتورلاردى قولدانادى.
33. قوندىرعىلاردىڭ جۇمىسكەرلەرىنە قوندىرعىدا قولدانىلاتىن كۇكىرتسۋتەكپەن, ديەتانولامينمەن, ديەتيلەنگليكولمەن, وزگە دە زياندى زاتتارمەن ۋلانۋ كەزىندە زارداپ شەككەندەرگە دارىگەرگە دەيىنگى العاشقى كومەك كورسەتۋ تالاپتارىنا نۇسقاۋ بەرىلەدى جانە وقىتىلادى جانە توجقق-مەن قامتاماسىز ەتەدى.
34. قوندىرعىنىڭ وندىرىستىك ءۇي-جايلارىنداعى جەلدەتكىش جۇمىسى ىستەن شىققاندا جۇمىسكەرلەر توجقق قولدانادى, ەسىكتەر مەن تەرەزەلەردى اشادى, جانە جەلدەتكىش جۇيەسىن جوندەۋ جونىندە شارالار قابىلداۋ ءۇشىن اۋىسىمداعى جاۋاپتى تۇلعاعا حابارلايدى.
35. جىلۋ بەرۋ جۇيەلەرىن جانە ۆەنتيلياتسيالىق قوندىرعىلارىن اقاۋسىز كۇيدە ۇستايدى جانە جوسپارلى-الدىن الۋ جوندەۋ (بۇدان ءارى – جاج) كەستەسىنە سايكەس قاراۋ جانە جوندەۋ جۇرگىزىلەدى.
36. پەرسونالدىڭ اجج ءبىلۋى گدون تەحنيكالىق جەتەكشىسىمەن بەكىتىلگەن كەستە بويىنشا جۇرگىزىلەتىن وقۋ جانە جاتتىعۋ ساباقتارى كەزىندە تەكسەرىلەدى.
37. تەحنولوگيالىق ءونىمدى, گازدى, بۋدى, سۋدى, ەلەكتر ەنەرگياسىن, اۋانى بەرۋدى توقتاتۋ, اۆارياعا قارسى جانە ورتكە قارسى قورعانىس جۇيەسىنىڭ دۇرىس جۇمىس ىستەمەۋى, باسقا وبەكتىلەردە قاۋىپتى جاعداي پايدا بولعاندا پەرسونال اجج كوزدەلگەن ارەكەتتەر مەن شارالاردى ورىندايدى. قاۋىپتى جاعدايدا, جۇمىس باسشىسىنىڭ نۇسقاۋىمەن اجج بويىنشا حابارلاۋ مەن نىساندى اپاتتى توقتاتۋ جۇرگىزىلەدى. جۇمىستاردى قايتا باستاۋ تەحنولوگيالىق رەگلامەنتكە سايكەس, اقاۋلاردى جوندەپ, مۇنايدى جانە گازدى دايىنداۋ قوندىرعىسىنىڭ (بۇدان ءارى - مگدق) تەحنيكالىق جاعدايىن تەكسەرگەن سوڭ جۇرگىزىلەدى.
اپات نەمەسە اپاتتىق جاعداي كەزىندە اجج بويىنشا ارەكەتتەر جاساۋعا قاتىسپايتىن پەرسونال قاۋىپتى ايماقتان شىعارىلىپ, قورعانىس قۇرالدارى مەن ۇشقىن سوندىرگىشى بار جاعدايدا, جۇمىسشىلارعا جانە كولىكتەرگە جۇمىس باسشىسىنىڭ نۇسقاۋىمەن رەجيمدىك رۇقساتناما قويىلادى.
38. اپاتقا قارسى جانە ورتكە قارسى جۇيەنىڭ, ءورت ءسوندىرۋ قوندىرعىلارىنىڭ جانە جارىلىس قاۋىپتى كونتسەنتراتسيانى انىقتاۋ جۇيەسىنىڭ اقاۋلىعى كەزىندە ولاردىڭ جۇمىس قابىلەتتىلىگىن دەرەۋ قالپىنا كەلتىرۋ شارالارى قابىلدانادى, ال بۇل جۇيەلەردى جوندەۋ جۇمىستارىن جۇرگىزۋ كەزىندە قوندىرعىنىڭ قاۋىپسىز جۇمىسىن قامتاماسىز ەتەتىن اجج شارالارى ورىندالادى. قاۋىپسىزدىك شارتتارى كاسىبي اپاتتىق-قۇتقارۋ قىزمەتتەرىمەن (ارى قاراي – اقق) كەلىسىلەدى. تەحنولوگيالىق رەگلامەنت ءوندىرىستىڭ تەحنولوگيالىق پروتسەسسىنە قاتىساتىن مگدق, كومەكشى قۇرىلعىلار مەن عيماراتتارعا جاساقتالادى.
ۇيىمنىڭ تەحنيكالىق جەتەكشىسى ءاربىر ناقتى جاعدايدا تەحنولوگيالىق رەگلامەنتتى ازىرلەۋگە قاتىساتىن وندىرىستىك جانە تەحنيكالىق قىزمەتتەر, ۇيىمداردى انىقتايدى.
39. ءاربىر تەحنولوگيالىق رەگلامەنتتىڭ تيتۋل بەتىندە جانە تەحنولوگيالىق رەگلامەنتتىڭ بارلىق قۇجاتتاماسى بويىنشا كولونتيتۋلىندا كورسەتىلە وتىرىپ, ءنومىرى, يندەكس نەمەسە ۇيىمدا قابىلدانعان تارتىپتەگى بەلگىلەرى بەرىلەدى.
40. تەحنولوگيالىق رەگلامەنتتىڭ تيتۋلدىق بەتىندە كورسەتىلەدى:
1) ۇيىمنىڭ اتاۋى;
2) قوندىرعىنىڭ اتاۋى;
4) نىساننىڭ اتاۋى;
5) ازىرلەۋشىلەر (ۇيىم, لاۋازىم, ت.ا.ءاا.);
6) قۇجات يندەكسى.
41. تەحنولوگيالىق رەگلامەنت مىنا بولىمدەردەن تۇرادى:
1) وندىرىستىك نىساننىڭ جالپى سيپاتتاماسى.
2) وندىرىستىك نىساننىڭ تەحنولوگيالىق پروتسەسسى مەن تەحنولوگيالىق سىزباسىنىڭ سيپاتتاماسى.
3) تەحنولوگيالىق رەجيم نورماسى
4) تەحنولوگيالىق پروتسەسستى باقىلاۋ
5) وندىرىستىكوبەكتىنى قالىپتى جاعداي مەن قاۋىپتى جاعدايدا قوسۋ مەن توقتاتۋدىڭ قاۋىپسىزدىگىنىڭ نەگىزگى جاعدايلارى.
6) تەحنولوگيالىق قوندىرعىنىڭ, رەتتەۋشى جانە ساقتاۋشى قاقپاقتاردىڭ جانە باسقا دا قاۋىپسىزدىك قۇرىلعىلارىنىڭ قىسقاشا سيپاتتاماسى.
7) نورماتيۆتىك-تەحنيكالىق قۇجاتتامانىڭ ءتىزىمى.
8) ءونىم ءوندىرىسىنىڭ تەحنولوگيالىق سىزباسى (گرافيكالىق ءبولىم).
9) قوندىرعىنىڭ تەحنيكالىق قۇرىلعىلارىنىڭ ورنالاسۋىنىڭ جاعدايلىق جوسپارى;
10) وزگەرىستەر ەنگىزۋ.
42. تەحنولوگيالىق رەگلامەنتتىڭ ارەكەت ەتۋ مەرزىمى پايدالانۋشى ۇيىمنىڭ شەشىمىمەن بەكىتىلەدى.
43. تەحنولوگيالىق رەگلامەنت مىنا جاعدايلاردا قايتا قارالادى نەمەسە تولىقتىرىلادى:
1) وندىرىستىك جانە تەحنولوگيالىق شارتتار وزگەرگەنكەزدە;
2) رەگلامەنت قوسىمشا جوبا شەشىمدەرىنە نەمەسە قاۋىپسىزدىك تالاپتارىنا سايكەس كەلمەگەنكەزدە;
3) پايدالانۋ پروتسەسسىندە قاۋىپسىزدىك شارتتارىنىڭ سايكەسسىزدىگى انىقتالعانكەزدە;
4) ءونىمنىڭ قاناعاتتانارلىقسىز ساپاسى كەزىندە.
44. قىزمەت كورسەتەتىن پەرسونالدار ورنالاساتىن وپەراتورلىق بولمەدە قىزمەت كورسەتىلەتىن جابدىقتاردىڭ تەحنولوگيالىق سىزباسى ىلىنەدى. جاۋاپتى تۇلعا تەحنولوگيالىق سىزبانى جىل سايىن ونىڭ ءىس جۇزىندەگى جاعدايىنا سايكەستىلىگىن تەكسەرەدى جانە وعان وزگەرتۋلەر مەن تولىقتىرۋلار ەنگىزىلگەن جاعدايدا گدون تەحنيكالىق باسشىسى قايتا بەكىتەدى.
45. قوندىرعىعا ورناتىلعان بارلىق جابدىقتارعا, اپپاراتۋراعا جانە نەگىزگى تيەكتى قۇرىلعىلارعا تەحنولوگيالىق سىزباعا سايكەس تەحنولوگيالىق نومىرلەر قويىلادى.
46. جىلۋ بەرۋ جۇيەلەرىنىڭ جانە جىلىتۋ اسپاپتارىنىڭ كونسترۋكتسياسى, كۇتىم جاساۋدىڭ مەرزىمدىلىگى جانە تۇرلەرى جۇيەلەردى قاۋىپسىز پايدالالانۋدى قامتاماسىز ەتەدى. جانعىش جانە زياندى زاتتاردى جايلاردى جىلىتۋ ءۇشىن وتىن رەتىندە پايدالانۋعا رۇقسات ەتىلمەيدى.
47. ۆەنتيلياتسيالىق قۇرىلعىلاردىڭ ناتيجەلىلىگى بەكىتىلگەن كەستەگە سايكەس اسپاپتى تەكسەرۋمەن قامتاماسىز ەتىلەدى.
48. ۆەنتيلياتسيالىق كامەرادا ۆەنتيلياتسيالىق قۇرىلعىلاردىڭ سىزباسىن, ال كامەرانىڭ ەسىگىندە – ۆەنتيلياتسيالىق قۇرىلعىلاردى قالىپتى پايدالانۋدى قامتاماسىز ەتەتىن جاۋاپتى تۇلعانىڭ مالىمەتتەرى كورسەتىلگەن تاقتا ىلىنەدى.
تەحنولوگيالىق قۇرىلعىلاردى, جابدىقتاردى, وندىرىستىك جايلاردى جوندەۋدىڭ دەفەكتىلى تىزىمدەمەسىندە ۆەنتيلياتسيالىق قوندىرعىلاردى جوندەۋ جانە جارامدىلىعىن تەكسەرۋ ءىسى قاراستىرىلادى. ۆەنتيلياتسيالىق جۇيە اقاۋلى كەزدە, تەحنولوگيالىق قوندىرعىنى نەمەسە وبەكتىنى جوندەۋدەن كەيىن قابىلداۋعا رۇقسات ەتىلمەيدى.
ۆەنتيلياتسيالىق كامەرالاردىڭ جايلارىن قويما ءۇشىن پايدالانۋعا جانە بوتەن زاتتاردى ءۇيپ تاستاۋعا رۇقسات ەتىلمەيدى.
49. بارلىق عيماراتتار تۇراقتى قۇيۋ-سورۋ ۆەنتيلياتسيا جۇيەسىمەن قامتاماسىز ەتىلەدى اۆتوماتتى ىسكە قوسىلاتىن ۆەنتيلياتورلاردىڭ جانىندا «ساق بولىڭىز! اۆتوماتتى ىسكە قوسىلادى» پلاكاتى ىلىنەدى.
اۋا ورتاسىنىڭ جاعدايى تۋرالى مالىمەتتەر باسقارۋ پۋلتىنە بەرىلەدى.
شەكتى رۇقسات ەتىلگەن كونتسەنتراتسيا (بۇدان ءارى – شرك) تەتىگى جوق وندىرىستىك عيماراتتاردا اپاتتى ۆەنتيلياتسيانىڭ اۆتوماتتى قوسىلۋى جارىلىس قاۋىپتىلىگىنە دەيىنگى كونتسەنتراتسياعا (بۇدان ءارى - جدك) گاز تالداۋىش ەسكەرتۋ دابىلى بەرىلگەندە جۇزەگە اسىرىلادى.
50. گدو قاۋىپتى وندىرىستىك وبەكتىلەرىن مىنا جەرلەردە ورنالاستىرۋعا بولمايدى:
1) تابيعي جەلدەنۋى ناشار اۋماقتىڭ رەلەفىنىڭ تومەنگى جانە باسقا ۋچاسكەلەرىندە;
2) جىلدامدىعى سەكۋندىنا 1 مەترگە دەيىن باسىم جەلدەرى بار اۋدانداردا;
3) ۇزاق نەمەسە ءجيى قايتالاناتىن تىمىقتار, ينۆەرسيا, تۇماندارى بار اۋماقتاردا (جىلىنا 30 – 40 پايىزدان استام, قىس بويىنا كۇندەردىڭ 50 – 60 پايىزدان استام).
51. اتموسفەراعا زياندى جانە جانعىش زاتتاردى شىعاراتىن,وندىرىستىك پروتسەسستەرمەن ءۇي-جايلار جانە عيماراتتار وسى زاتتاردىڭ اۆاريالىق شىعارۋ كوزدەرىن قوسقاندا, وندىرىستىك پروتسەستەر جۇرگىزىلەتىن عيماراتتار جانە ءۇي-جايلار «جەل ورنەگىنىڭ» باسىم باعىتىنداعى جەلدەردىڭ شوعىرلانۋى ەسكەرىلۋمەن باسقا عيماراتتاردان جانە ءۇي-جايلاردان باسىم جاعدايلاردا ىق جەردە ورنالاستىرىلادى.
52. اتموسفەرالىق اۋانى لاستايتىن كوزدەرى جانە زياندى زاتتاردى اپاتتى شىعارۋ كوزدەرى بار وندىرىستىك جايلاردى قوسالقى, قويما جانە سانيتارلىق-تۇرمىستىق جايلارمەن بىرىكتىرۋگە رۇقسات ەتىلمەيدى.
53. ەكى نەمەسە ودان كوپ ەۆاكۋاتسيالىق شىعۋلارى بار جاعدايدا اتموسفەراعا زياندى زاتتاردى ىقتيمال تاستاۋ كوزدەرى جوق, جايدىڭ ەڭ الىس نۇكتەسىنەن ەۆاكۋاتسيالىق شىعۋعا دەيىنگى ارالىق 25 مەتردەن اسپايتىن جاعدايدا, ادامدار تۇراقتى ورنالاسپايتىن, اتالعان جايلارعا قىزمەت كورسەتۋ ءۇشىن ينجەنەرلىك جابدىقتار ورنالاستىرىلعان جايلاردا اتالعان شىعۋلاردىڭ ءبىرىن ورنالاستىرۋعا رۇقسات ەتىلەدى.
54. ادامداردى ەۆاكۋاتسيالاۋ جولدارىن زياندى زاتتاردى شىعارۋ كوزدەرى بار عيماراتتار (جايلار) جانە سىرتقى قوندىرعىلاردىڭ اۋماعى ارقىلى قاراستىرۋعا رۇقسات ەتىلمەيدى.
55. اتموسفەراعا زياندى زاتتاردى بولجامدى ءبولۋ كوزدەرى جوق عيماراتتار, ءۇي-جايلار مەن سىرتقى قوندىرعىلار ءۇشىن ءبىر ەۆاكۋاتسيالىق شىعىس قاراستىرۋعا رۇقسات ەتىلەدى.
56. تەز جاناتىن جانە گاز ءتارىزدى زياندى زاتتاردىڭ جانە رەاگەنتتەردىڭ ۇلگىلەرىن الۋ وسى ماقساتقا ارنايى بولىنگەن جەرلەردە جۇرگىزىلەدى.
57. ىستىق اپپاراتتاردىڭ, جابدىقتاردىڭ جانە قۇبىر جەلىلەرىنىڭ وقشاۋلاۋىن جارامدى كۇيدە ۇستايدى. سىرتقى بەتىندەگى تەمپەراتۋراسىن 45 تسەلسي گرادۋستان اسپايتىن, ال اشىق الاڭشالاردا – 60 تسەلسي گرادۋستان اسپايتىن كۇيدە ۇستايدى.
58. ستاتيكالىق ەلەكتردەن قورعانۋ ءۇشىن تەمىرجول تسيستەرنالارىنا قۇيۋعا ارنالعان مەتالدى ۇشتى رەزىڭكە شلانگالارىنىڭ قالىڭدىعى كەمىندە 2 ميلليمەتر مىس سىممەن نەمەسە شلانگىگە كەمىندە 100 ميلليمەتر ارالىقپەن شىرمالعان قالىڭدىعى كەمىندە 4 ميلليمەتر مىس تروسپەن جەرگە قوسادى. سىمنىڭ نەمەسە تروستىڭ ۇشىن قۇبىر جەلىسىنىڭ بولىكتەرىنە جانە ۇشىنا بالقىتىپ نەمەسە بولتپەن قاتايتىپ جابىستىرادى.
شلانگىلەردىڭ ۇشتارىن, مۇناي ونىمدەرىن قۇيۋعا جانە اعىزۋعا ارنالعان تەز شەشىلەتىن قۇرىلعىلاردى ۇشقىن بەرمەيتىن جابىنمەن كومكەرىلگەن ماتەريالداردان نەمەسە بولاتتان جاسايدى.
59. تەمىرجول تسيستەرنالارىنا قۇيۋ باعانالارىن جەرسىندىرەدى.
جەرسىندىرۋ قۇرىلعىلارىن جانە نايزاعايدان قورعاۋ قۇرالدارىن گدون تەحنيكالىق باسشىسىمەن بەكىتكەن كەستەگە سايكەس اكت قۇراستىرۋمەن تەكسەرەدى, جانە جۋرنالعا جازادى.
60. جابدىقتى جوندەۋ جۇمىستارىنىڭ پپر جانە كۇردەلى جوندەۋ كەستەلەرىنە سايكەس ورىندالادى.
جارىلىس قاۋىپتى عيماراتتارداعى قوندىرعىلاردىڭ جوندەۋ جۇمىستارىن دايىنداۋ مەن جۇرگىزۋدى جۇمىس جاساپ تۇرعان اۋا تارتقىش ۆەنتيلياتسيا كەزىندە جۇزەگە اسىرادى.
جوندەلەتىن جابدىقتىڭ تەتىكتەرى كەروسينمەن جۋىلادى. اسا جەڭىل سۇيىقتىقتار مەن ەرىتكىشتەر ونەركاسىپتىك قاۋىپسىزدىكتىڭ قوسىمشا شارالارى قامتاماسىز ەتىلگەندە, پاسپورتتاعى نۇسقاۋعا نەمەسە دايىنداۋشى زاۋىتتىڭ نۇسقاۋلىعىنا سايكەس قولدانىلادى.
61. جوندەۋ جۇمىستارى قورعانىس كاسكالارىمەن جۇرگىزىلەدى.
62. گدون قوندىرعىلار مەن قۇبىرلاردىڭ قاتىپ قالۋى مۇمكىن جەرلەرىنە بۋمەن قامتاماسىز ەتىلەدى.
63. بۋ قۇبىرلارى جىلۋ شىعارمايدى; توگۋ قۇرىلعىلارى, درەناجدار – جىلىتىلادى.
64. درەناجى قاتىپ قالعان اپپاراتتار, قۇبىرلار پايدالانىلمايدى.
65. قاتىپ قالعان ۋچاسكەلەر بۋمەن نەمەسە ىستىق سۋمەن جىبىتىلەدى.
66. جىبىتىلگەن ۋچاستك جۇمىس ىستەيتىن جۇيەدەن اجىراتىلادى. درەناجدار مەن اۋا وتكىزگىشتەر جابىلادى.
67. ءوندىرىس الاڭدارى, جولدار, ساتىلار, وتەتىن جەرلەر قاردان جانە مۇزدان تازارتىلادى جانە قۇم توگىلەدى.
68. تەحنيكالىق سۋ تۇتىنۋ ءۇشىن اجج كوزدەلگەن جاعدايلاردان باسقا شارۋاشىلىق-اۋىز سۋ جۇيەسىن پايدالانۋعا رۇقسات ەتىلمەيدى.
69. تەحنيكالىق سۋدىڭ سۋ تاراتۋ نۇكتەلەرىنە «ىشۋگە جارامسىز» جازۋلارىن ءىلىپ قويادى.
70. جارامسىز نەمەسە دۇرىس قويىلماعان گيدراۆليكالىق ىسىرمالارى بار كارىز سۋلارىن پايدالانۋعا رۇقسات ەتىلمەيدى. ىسىرمانى قالىپتاستىراتىن ءاربىر گيدروىسىرمادا 0,25 مەتر سۋ قاباتىنىڭ دەڭگەيىن ۇستايدى.
71. گدون اۋماعىنداعى جانە ودان تىس وندىرىستىك (باسقا دا ماقساتتاعى) كارىزدەردىڭ قۇدىقتارىن ۇدايى جابىق ۇستايدى. قۇدىقتاردىڭ قاقپاقتارىن كەمىندە 10 سانريمەتر بولات نەمەسە تەمىر بەتوندى ساقيناداعى قاباتتاعى قۇممەن جابادى.
جۇمىستار جۇرگىزىلەتىن قۇدىقتاردىڭ اينالاسىن قورشايدى, جانىندا «جۇمىستار جۇرگىزىلۋدە» پلاكاتتارى ىلىنەدى.
72. شايىندى سۋلاردى تازارتۋدىڭ قاجەتتى دەڭگەيىن قامتاماسىز ەتپەيتىن اقاۋلى نەمەسە لاستانعان تازارتۋ قوندىرعىلارىن قالپىنا كەلتىرمەيىنشە, ونەركاسىپتىككارىزدەردى پايدالانۋعا رۇقسات ەتىلمەيدى.
ونەركاسىپتىك كارىزدەردى قاقپاندارىنا جانە تۇندىرعىش توعاندارىنا بيىكتىگى كەمىندە 1 مەتر جانبايتىن ماتەريالداردان جاسالعان قورشاۋ قويىلادى.
كارىز جولىندا جاپقىش قاراستىرىلادى.
73. باقىلاۋ-ولشەۋ اسپاپتارى جانە اۆتوماتيكا (ارى قاراي – ءبواجا) ءبواجا باسقارۋ قالقاندارىندا ورنالاستىرىعان اسپاپتارعا ايقىندالاتىن جانە نارياد-رۇقسات ەتىلگەن پارامەترلەر كورسەتىلگەن جازبالارمەن جابدىقتالادى.
ەسكەرتۋ لامپالارى جانە ارنايى دابىل اسپاپتارى دابىلدىڭ ءتۇرىن كورسەتەتىن جازبالارمەن جابدىقتالادى.
74. ءبواجا كەستەگە سايكەس بەلگىلەنگەن تارتىپپەن مىندەتتى مەترولوگيالىق تەكسەرۋدەن جانە كاليبرلەۋدەن وتكىزىلەدى.
75. ءبواجا قۇرالدارىن جوندەۋگە, كۇيىنە كەلتىرۋگە نەمەسە تەكسەرۋگە العاندا, الىنعان قۇرالداردىڭ ورنىنا بارلىق پارامەترلەرى ساي كەلەتىن قۇرالداردى قويادى.
76. جارامسىز ءبواجا, تەكسەرۋ ۋاقىتى اياقتالعان اسپاپتاردى قولدانۋعا رۇقسات ەتىلمەيدى.
77. مانومەتردى ونىڭ ماندەرى كۇتىم جاساۋشى قىزمەتكەرلەرگە ايقىن كورىنەتىندەي ەتىپ ورناتادى, بۇل رەتتە ونىڭ شكالاسى تىكەلەي نەمەسە 30 تسەلسي گرادۋسقا العا ەڭكەيتىلىپ ورناتىلادى, ولشەۋ شەگى شكالانىڭ ۇشتەن ەكىنشى بولىگىندە بولادى. مانومەتردىڭ تسيفەربلاتىنا ىدىستاعى ەڭ جوعارعى رۇقسات ەتىلگەن قىسىم دەڭگەيىنە سايكەس بولىگىنە قىزىل بەلگىنى نەمەسە كورپۋسىنا قىزىل سىزىقتى سالادى.
مانومەترلەردى قىزمەت كورسەتۋ الاڭىنىڭ ەدەنىنەن 3 مەتردەن اساتىن بيىكتە ورناتۋعا رۇقسات ەتىلمەيدى.
78. ءبواجا, بلوكتاۋشى جانە دابىل بەرۋشى قۇرىلعىلاردىڭ تەكسەرىلۋى ۇيىمنىڭ تەحنيكالىق باسشىسى بەكىتكەن, جۋرنالدا تىركەلگەن كەستەلەرگە سايكەس جۇرگىزىلەدى.
79. ءبواجا اۋا جەلىسىن جانە تەحنيكالىق اۋا جەلىسىن بىرىكتىرۋگە, اۋانى باسقا ماقساتتارعا پايدالانۋ ءۇشىن ءبواجا اۋا جەلىسىنە قيىم سالۋعا رۇقسات ەتىلمەيدى.
80. گدون نايزاعايدان قورعانۋ قۇرىلعىلارىن عيماراتتاردى جانە ءۇي-جايلاردى نايزاعايدان قورعاۋ قۇرىلعىلارىنا قويىلاتىن تالاپتارعا سايكەس ورىندالادى.
81. وندىرىستىك الاڭداردا تەحنولوگيالىق قۇبىر جەلىلەرىن جەر استىندا سالۋعا رۇقسات ەتىلمەيدى, كىرۋ جانە شىعۋ مانيفولداسىنان قورشاۋعا دەيىنگى ۋچاسكەلەردەن باسقا.
تەحنولوگيالىق قۇبىر جەلىلەرىن عيماراتتاردىڭ جانە ءۇي-جايلاردىڭ استىندا ورنالاستىرۋعا رۇقسات ەتىلمەيدى.
82. جەرۇستى تەحنولوگيالىق قۇبىر جەلىلەرىن الاڭداردىڭ جوسپارلاۋشى بەلگىلەرىنەن تومەن بەلگىلەردەگى اشىق ناۋالاردا جانە ترانشەيالاردا, جارتىلاي تەرەڭدەتىلگەن تۇردەگى كانالداردا جانە توننەلدەردە ورنالاستىرۋعا رۇقسات ەتىلمەيدى.
83. تەحنولوگيالىق قۇبىر جەلىلەرىنىڭ تەمىرجولعا كىرە بەرىس جولدارمەن قيىلىسۋىنا جول بەرىمەيدى, ءونىم جەلىلەرىنىڭ ەكىجاقتى قۇيۋ/اعىزۋ تەمىرجول ەستاكادالارىنان باسقا.
84. تەحنولوگيالىق جابدىقتارى جانە قۇبىر جەلىلەرى كوبىنە قوسىندى ەلەمەنتتەرى بارىنشا ازايتىلعان تۇتاس دانەكەرلەنگەن كونسترۋكتسيا تۇرىندە جوبالانادى.
كورروزيالىق-اگرەسسيۆتىك زاتتارمەن كونتاكتى جاعدايىندا پايدالانۋعا ارنالعان تەحنولوگيالىق جابدىقتارعا جانە قۇبىر جەلىلەرىنە ولاردىڭ جوبالىق پارامەترلەردە قاۋىپسىز پايدالانۋ مۇمكىندىگىن راستايتىن ءوندىرۋشىنىڭ تەحنيكالىق قۇجاتتاماسى قوسا بەرىلەدى.
كورروزيالىق-اگرەسسيۆتىك زاتتارمەن كونتاكتى جاعدايىندا پايدالانۋعا ارنالعان تەحنولوگيالىق جابدىقتاردىڭ جانە قۇبىر جەلىلەرىنىڭ قابىرعالارىنىڭ قالىڭدىعىنىڭ ەسەپتىك ماندەرىن وندىرۋگە مينۋستىق رۇقساتىن ەسكەرۋمەن قابىلداناتىن ماتەريالدىڭ اعۋىنىڭ 0,4 نورماتيۆتىك شەگىنەن اسپايتىن جۇمىس كەرنەۋىنە شەكتەۋ قويىلۋ تالابىمەن قابىلدانادى.
85. جۇمىستاردىڭ ورنىندا دانەكەرلەۋ جۇرگىزىلەتىن جابدىقتاردىڭ جانە قۇبىر جەلىلەرىنىڭ دانەكەرلەۋ قوسىندىلارىنا قالدىق كەرنەۋلەرىن جويۋ ءۇشىن تەرميكالىق نەمەسە باسقا وڭدەۋ جاسايدى.
86. كورروزيالىق-اگرەسسيۆتىك زاتتارمەن كونتاكتى جاعدايىندا پايدالانۋعا ارنالعان تەحنولوگيالىق جابدىقتاردى جانە قۇبىر جەلىلەرىن كورروزيانىڭ جانە كورروزيالىق شىتىناۋدى باقىلاۋعا ارنالعان اسپاپتارمەن جانە قۇرىلعىلارمەن جابدىقتايدى.
87. تەحنولوگيالىق جابدىقتاردى جانە قۇبىر جەلىلەرىندە كورروزيا ينگيبيتورلارىن ەنگىزۋدىڭ جۇيەلەرىنىڭ بار بولۋى قامتاماسىز ەتىلەدى.
تەحنولوگيالىق جابدىقتاردى جانە قۇبىرلاردى قۇرۋ كەزىندە كورروزيالىق-اگرەسسيۆتىك تەحنولوگيالىق ورتالاردىڭ تۇيىق جانە ىركىلۋ ايماقتارىنىڭ, ءار تەكتى مەتالداردىڭ جانە قورىتپالاردىڭ ءوزارا كونتاكتىسىنىڭ بولماۋىن قامتاماسىز ەتەتىن تەحنيكالىق شەشىمدەر قابىلدانادى
88. گاز بەن بۋدىڭ اۋامەن قوسىلىپ جارىلىس قاۋىپتى قوسپا قۇرۋ مۇمكىندىگى بار جەرلەردەگى جۇمىس كەزىندە سوققاندا ۇشقىن بەرمەيتىن مەتاللدان جاسالعان قۇرال قولدانىلادى.
89. اپپاراتتاردى, جابدىقتاردى جانە قۇبىرلاردى ايىرۋ كەزىندە قاقپاشالاردى قوندىرۋ, گازقاۋىپتى جۇمىستاردى جاساۋعا نارياد-رۇقسات بويىنشا, قاقپاشالاردى قوندىرۋ سىزباسى بويىنشا جۇرگىزىلەدى.
90. اپپارات نەمەسە قۇبىر بىتەگىشتى ورناتار الدىندا گاز نەمەسە ونىمنەن بوساتىلادى, پارمەن نەمەسە ينەرتتى گازبەن ۇرلەنەدى, جىلجىتپالارمەن اجىراتىلادى جانە 30 تسەلسي گرادۋستان (نەمەسە قورشاعان ورتا تەمپەراتۋراسىنا دەيىن) اسپايتىن تەمپەراتۋراعا دەيىن سۋىتىلادى.
91. بىتەگىش ۇشىندا پارتيا ءنومىرى, بولات ماركاسى, ر ۋ شارتتى قىسىم جانە د ۋ شارتتى ديامەتر كورسەتىلەدى.
«شيپ-پاز» تۇرىندەگى دوڭبەك بىرىكتىرگىشتە ورناتىلاتىن ۇشى جوق بىتەگىشتە پارتيا ءنومىرى, بولات ماركاسى, ر ۋ شارتتى قىسىم مەن ر د شارتتى ديامەتر بىتەگىشتىڭ دوڭبەك بەتىندە كورسەتىلەدى.
92. بىتەگىش قالىڭدىعى ەڭ كوپ مۇمكىن بولاتىن, بىراق 3 ميلليمەتردەن كەم ەمەس قىسىم ەسەبىمەن انىقتالادى.
مۇمكىن بولاتىن گاز نەمەسە ءونىم ءتۇسۋ جاعىنداعى بىتەگىشتەر توسەمگە قويىلادى.
93. كورسەتكىشتەرگە سايكەس كەلمەيتىن بىتەگىشتەر قولدانىلمايدى.
94. جوندەۋ جۇمىستارى اياقتالعاننان كەيىن بارلىق ۋاقىتشا بىتەگىشتەر الىنادى.
95. كولوننالاردى جوندەۋ كەزىندە تارەلكالاردى بولشەكتەۋ تومەننەن جوعارى قاراي جۇرگىزىلەدى. تارەلكالار تەتىگى كلوننادان تىس جينالادى.
كولوننا ىشىندە بىرنەشە ورىنداردا (بيىكتىگى بويىنشا) جۇمىس ىستەگەندە جۇمىس ىستەپ جاتقان بريگادالار اراسىندا تومەندە جۇمىس ىستەپ جاتقاندارعا بيىكتىكتەن تەتىكتىڭ نەمەسە قۇرالدىڭ تۇسۋىنەن ساقتاۋ ءۇشىن شىعارىلماعان ءبىر تارەلكا قالدىرىلادى. بۇل رەتتە كولوننانىڭ بارلىق ليۋكتەرى اشىلادى.
96. جىلۋ الماستىرعىشتى نەمەسە كوندەنساتوردى مەحانيكالىق تاسىلمەن تازالاۋ كەزىندە قاراما-قارسى جاقتان «قاۋىپتى ايماق» دەگەن ەسكەرتۋ پلاكات ىلىنەدى.
97. جىلۋ الماستىرعىشتى, توڭازىتقىشتى گيدراۆليكالىق نەمەسە حيميالىق تاسىلمەن تازالاۋ قورعانىس قۇرالدارىن قولدانۋمەن ىسكە اسىرىلادى.
98. جوندەلۋى ءتيىس جابدىق 30 تسەلسي گراۋدسقا دەيىن سۋىتىلادى.
ەگەر جابدىق تەرىس تەمپەراتۋرادا جۇمىس ىستەسە, ول جىلىتىلادى.
99. ءاربىر ءوندىرىس بويىنشا گازعا قاۋىپتى جۇمىستاردىڭ ءتىزىمى دايىندالادى جانە گدون تەحنيكالىق باسشىسىمەن بەكىتىلەدى.
گازعا قاۋىپتى جۇمىستاردى جۇرگىزۋ ورىندارىندا قاۋىپتى ايماققا بوگدە ادامداردىڭ كەلۋىن بولدىرماۋ ماقساتىندا كۇزەت ورىندارى جانە قاۋىپسىزدىكتىڭ ەسكەرتۋ جانە تىيىم سالۋ بەلگىلەرى ورناتىلادى.
گازعا قاۋىپتى جۇمىستاردى ەكى قىزمەتكەردەن كەم ەمەس قۇرامداعى بريگادا ورىندايدى. بريگادا مۇشەلەرى جەكە قورعانىس قۇرالدارىمەن, ارنايى كيىممەن, ارنايى اياق كيىممەن, قۇرالدارمەن جانە كومەكشى ماتەريالدارمەن قامتاماسىز ەتىلەدى.
100. وتپەن ىستەلەتىن جۇمىستارعا اشىق وتتى قولدانۋمەن, ۇشقىن شاشاتىن جانە ماتەريالدار, ونىمدەر جالىنداپ جاناتىن تەمپەراتۋراعا دەيىن قىزدىرۋمەن (ەلەكتر دانەكەرلەۋ, ەلەكترگازبەن دانەكەرلەۋ, بەنزينمەن كەسۋ, دانكەرلەۋ جۇمىستارى, مەتالدى ۇشقىن شىعارىپ مەحانيكالىق وڭدەۋ جانە تاعى باسقا) بايلانىستى وندىرىستىك وپەراتسيالار جاتادى.
وندىرىستىك ءۇي-جايلارداعى جانە سىرتقى قۇرىلعىلارداعى وتپەن جۇرگىزىلەتىن ۋاقىتشا جۇمىستارعا وبەكت باسشىىنىڭ جازباشا رۇقساتى رەسىمدەلگەننەن كەيىن عانا جول بەرىلەدى.
101. اپپاراتتار مەن ىدىستار ىشىندە وتپەن جۇرگىزىلەتىن جۇمىستار جۇرگىزۋ كەزىندە وتپەن جۇرگىزىلەتىن جۇمىستارعا جانە گازعا قاۋىپتى جۇمىستاردى جۇرگىزۋگە نارياد-رۇقسات رەسىمدەلەدى.
102. دانەكەرلەۋشىلەردىڭ ىدىستار مەن اپپاراتتار ىشىندەگى جۇمىسى سىرتتان ىدىس ىشىندە جۇمىس ىستەيتىندەردىڭ جەكە قورعانىس قۇرالدارى بار اۋىسىم قۇرامىمەن ء(اربىر دانەكەرلەۋشىگە ءبىر-بىردەن) قايتالانادى.
جابىق كەڭىستىكتەگى دانەكەرلەۋ جۇمىستارى شلانگىلىك گازتۇتقىشپەن (پروتيۆوگاز) جۇرگىزىلەدى.
گازبەن دانەكەرلەۋشى جانە ەلەكترمەن دانەكەرلەۋشىنىڭ اپپارات, ىدىس, قويما, قۇدىق ىشىندە بىرۋاقىتتا جۇمىس ىستەۋىنە رۇقسات ەتىلمەيدى.
103. دانەكەرلەۋ اگرەگاتتارىن قوسۋدى ەلەكتروتەحنيكالىق قىزمەتكەر ىسكە اسىرادى.
بيىكتىكتە جۇمىس جاسايتىن دانەكەرلەۋشىلەر, قورعانۋ بەلدىكتەرمەن جانە ەلەكترود پەن تۇقىلدارعا ارنالعان سومكەسىمەن جابدىقتانادى.
ىلعالدى ورىندارداعى (ىدىستارداعى, اپپاراتتارداعى جانە باسقا تەحنيكالىق قۇرىلعىلارداعى) جۇمىستاردى ەلەكتر توگىنىىڭ ۇرۋىنان قورعاۋ ءۇشىن ەلەكتر دانەكەرلەۋشىلەر رەزينا توسەمدەر, ديەلەكتريكالىق قولعاپتار جانە گالوشتار بولعاندا جۇرگىزىلەدى.
104. سۇيىتىلعان گاز بەن سۋتەك بار باللوندار مىناداي قاشىقتىقتا ورناتىلادى:
وتپەن جۇرگىزىلەتىن جۇمىس ورنىنان, اشىق وت كوزىنەن جانە قاتتى قىزعان زاتتاردان كەمىندە 10 مەتر;
ءبىر بىرىنەن كەمىندە 5 مەتر.
سۇيىتىلعان گاز بەن سۋتەك بار باللوندار سەنىمدى ورناتىلادى جانە ب ۇلىنۋدەن, كۇن ساۋلەسىنىڭ اسەرىنەن, جىلۋ كوزدەرىنەن قورعالادى
105. كۇتىم جۇرگىزىلەتىن جابدىقتار (اپپاراتتار, اسپاپتار, ليۋكتار, ىسىرمالار جانە باسقالار) جەر بەتىنەن 1,8 مەتر بيىكتە ورنالاسقان جاعدايدا, قول جەتىمدىلىگى ءۇشىن ستاتسيونارلى باسپالداقتاردى جانە قورشاۋلى الاڭداردى ورناتادى.
كۇتىم سيرەك جاسالىناتىن 3 مەتردەن استام بيىكتەگى جابدىقتارعا قولجەتىمدىلىك ءۇشىن 60 گرادۋسقا ەڭكەيىڭكى باسپالداق ورناتۋعا رۇقسات بەرىلەدى.
106. بيىكتەگى جۇمىستاردى ورىنداۋ ءۇشىن جۇمىستاردى قاۋىپسىز جۇرگىزۋدى قامتاماسىز ەتەتىن ينۆەنتارلىق اعاشتاردى جانە قۇرال-سايمانداردى قولدانادى.
جوندەۋ جۇمىستارىن جۇرگىزۋ كەزىندە قۇبىر جەلىلەرىنە بەكىتىلگەن قوسىندى باسپالداقتاردى پايدالانۋعا رۇقسات ەتىلمەيدى.
107. گازدى وڭدەۋ ءوندىرىسىنىڭ اۋماعىندا جەر جۇمىستارى وسى جۇمىستاردى جۇرگىزۋگە نارياد-رۇقسات جانە ورىندالاتىن ايماقتا جەراستى كوممۋنيكاتسيالاردىڭ ورنالاسۋ جوسپارى بار جاعدايدا جۇرگىزىلەدى.
ادامدار جۇرەتىن نەمەسە اۆتوكولىكتەر وتەتىن جەرلەردە ترانشەيالاردى قازۋ كەزىندە قورشاۋلار قويىلادى. قورشاۋلارعا ەسكەرتۋ بەلگىلەرىن نەمەسە جازبالارىن, ال قاراڭعى ۋاقىتتا – ەسكەرتۋ جارىقتاندىرۋىن ورناتادى.
108. ءبواجا قىس كەزىندە ۇزدىكسىز جۇمىس ىستەۋىن قامتاماسىز ەتۋ ءۇشىن سۋىق تۇسكەنگە دەيىن:
1) يمپۋلستىق جەلىلەر, بولگىش ىدىستار مەن اسپاپتاردىڭ جىلۋ وتكىزبەۋ جارامدىلىعىن تەكسەرەدى;
2) نىعىز جابىلاتىنىنا الدىن الا كوز جەتكىزىپ, ولاردى توڭبايتىن سۇيىقتىقپەن تولتىرادى;
3) اسپاپتاردى جىلىتۋ جۇيەسىنىڭ جارامدىلىعىن جانە سەنىمدىلىگىن تەكسەرەدى.
109. سوققىلارمەن, تارتپامەن, قىسىمدا بولاتىن اپپاراتتار مەن سورعىشتاردا, ترۋباقۇبىرلاردا بولتتار مەن شپيلكالاردى بەكىتۋمەن بايلانىستى, جۇمىستاردى جۇرگىزۋگە تىيىم سالىنادى.
1-پاراگراف. گازدى دايىنداۋ كەزىندە ونەركاسىپتىك قاۋىپسىزدىكتى قامتاماسىز ەتۋ ءتارتىبى
110. قۇرىلعىلاردى ىسكە قوسۋ الدىندا جابدىقتاردىڭ, قۇبىر جەلىلەرىنىڭ, ارماتۋرانىڭ, مەتالل كونسترۋكتسيالاردىڭ, جەرسىندىرۋ قۇرىلعىلارىنىڭ, ءبواجا, بلوكتاۋشىلاردىڭ, ۆەنتيلياتسيانىڭ, كارىزدىڭ, جقق جانە ءورت ءسوندىرۋ قۇرالدارىنىڭ جارامدىلىعىن تەكسەرەدى. جۇيەلەردەن اۋانى ينەرتى گازبەن نەمەسە كومىرسۋتەكتى گازبەن شام قويۋمەن ىعىستىرادى. تازارتۋدىڭ اياقتالۋىن شىعاتىن گازدىڭ قۇرامىن تالداۋمەن ايقىندايدى – وتتەگى قۇرامى 1 پايىزدان اسپاۋى ءتيىس.
قۇرىلعىلاردى ىسكە قوسۋ بەكىتىلگەن تەحنولوگيالىق رەگلامەنتكە سايكەس جانە جاۋاپتى تۇلعانىڭ باسشىلىق ەتۋىمەن مامانداردىڭ تولىققاندى بريگاداسى مەن جارىلىستان قورعالعان بايلانىس قۇرالدارى بار جاعدايدا جۇرگىزىلەدى.
111. تەحنولوگيالىق پارامەترلەردىڭ وزگەرۋ جىلدامدىعى ءوندىرۋشى زاۋىتتىڭ جابدىقتاردى پايدالانۋ نۇسقاۋلىعىنا سايكەس گدون تەحنيكالىق باسشىسى بەكىتكەن قوندىرعىلاردى ىسكە قوسۋ, پايدالانۋ, توقتاتۋ تۋرالى نۇسقاماسى بويىنشا بەلگىلەنەدى.
112. وپەراتورلىق بولمەدەگى قاقپادا ورنالاسقان ءبواجا كورسەتكىشتەرىن تىكەلەي اپپاراتتاردا ورناتىلعان قوسىمشا اسپاپتار ارقىلى مەرزىمدى تۇردە تەكسەرەدى.
113. اپپاراتتاردى, ىدىستار مەن كومپرەسسورلاردى جانە سورعىلاردى ءوندىرۋشىنىڭ تولقۇجاتىندا جانە پايدالانۋ نۇسقاماسىندا كورسەتىلگەن اۆتوماتيزاتسيا, باقىلاۋ جانە بلوكتاۋ جۇيەلەرىنىڭ جوق بولۋى نەمەسە جارامسىز بولۋى جاعدايىندا پايدالانۋعا رۇقسات ەتىلمەيدى.
114. رەزەرۆتىك ىستىق سورعىلاردى الدىن الا قىزدىرۋسىز ىسكە قوسۋعا جانە سالقىنداتۋ جۇيەسى جارامسىز ىستەن شىققان جاعدايدا پايدالانۋعا رۇقسات ەتىلمەيدى.
كوندەنساتورلاردان جانە توڭازىتقىشتاردان شىعاتىن سۋدى ونىڭ قۇرامىندا سالقىنداتىلاتىن ءونىمنىڭ بار بولۋى تەكسەرىلەدى. قۇرامىندا ءونىم بار بولعان جاعدايدا اپپاراتتى اجىراتادى.
115. كومىرسۋتەكتى گازدىڭ, سىعىمدالعان گازدىڭ جانە كومىرسۋتەكتى كوندەنساتتىڭ سىناماسىن الۋ اپپاراتتاعى ءونىمنىڭ ەڭ جوعارعى قىسىمى ەسەپتەلگەن سىناما الۋ كومەگىمەن جۇرگىزەدى. ۆەنتيلدەرى جارامسىز جانە تەكسەرۋ مەرزىمى اياقتالعان سىناما الاتىن اسپاپتاردى قولدانۋعا رۇقسات ەتىلمەيدى. ۆەنتيلدەردىڭ گەرمەتيكالىعىن تەكسەرۋ گدون تەحنيكالىق باسشىسى بەكىتكەن كەستەگە سايكەس جۇرگىزىلەدى.
116. قوندىرعىنى پايدالانۋ پروتسەسسىندە تەحنولوگيالىق تسيكلدىڭ پارامەترلەرىنە باقىلاۋ جۇرگىزىلۋى ءتيىس.
117. ءىشىن قاراۋ مەن تازارتۋ ءۇشىن اشىلۋعا جاتاتىن اپپاراتتار, قازاندار مەن قوندىرعىلار, توقتاتىلادى, ونىمنەن تازارتىلادى, ايىرىلادى جانە جۇمىس جاساپ تۇرعان اپاراتتان بىتەگىشپەن تۇيىقتالادى جانە بۋلاناد