2014 جىلعى 30 جەلتوقسان استانا قالاسى
قاتتى پايدالى قازبالاردى قايتا وڭدەۋ بويىنشا جۇمىستاردى جۇرگىزەتىن قاۋىپتى وندىرىستىك وبەكتىلەر ءۇشىن ونەركاسىپتىك
قاۋىپسىزدىكتى قامتاماسىز ەتۋ قاعيدالارىن بەكىتۋ تۋرالى
«ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ 12-2-بابىنىنىڭ 14) تارماقشاسىنا سايكەس بۇيىرامىن:
1. قوسا بەرىلىپ وتىرعان قاتتى پايدالى قازبالاردى قايتا وڭدەۋ بويىنشا جۇمىستاردى جۇرگىزەتىن قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق. ەرجانوۆ):
1) وسى بۇيرىقتىڭ زاڭنامامەن بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن بۇقارالىق اقپارات قۇرالدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىقتى جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ونىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-ءمينيسترى ا.پ. راۋعا جۇكتەلسىن.
4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا. يسەكەشەۆ.
«كەلىسىلدى»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
________________ ە. دوساەۆ
2015 جىلعى 13 قاڭتار
«كەلىسىلدى»
قازاقستان رەسپۋبليكاسى ەنەرگەتيكا ءمينيسترىنىڭ
مىندەتىن اتقارۋشى
________________ ۇ. قارابالين
2015 جىلعى 08 قاڭتار
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2014 جىلعى 30 جەلتوقسان № 348 بۇيرىعىمەن بەكىتىلگەن
قاتتى پايدالى قازبالاردى قايتا وڭدەۋ بويىنشا جۇمىستاردى جۇرگىزەتىن قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز
ەتۋ قاعيدالارى
1. نەگىزگى ەرەجەلەر
1-پاراگراف. ونەكاسىپتىك قاۋىپسىزدىكتىڭ جالپى تالاپتارى
1. وسى قاتتى پايدالى قازبالاردى قايتا وڭدەۋ بويىنشا جۇمىستاردى جۇرگىزەتىن قاۋىپتى وندىرىستىك وبەكتىلەر ءۇشىن ونەركاسىپتىك قاۋىپسىزدىكتى قامتاماسىز ەتۋ قاعيدالارى (بۇدان ءارى – قاعيدالار) «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ (بۇدان ءارى – «ازاماتتىق قورعاۋ تۋرالى» زاڭ) 12-2-بابىنىڭ 14) تارماقشاسىنا سايكەس ازىرلەنگەن جانە ۋاتۋ-سۇرىپتاۋ جىلجىمالى جانە قۇراستىرۋ-بولشەكتەۋ ۋاتۋ-سۇرىپتاۋ جانە بايىتۋ قوندىرعىلارىن (بۇدان ءارى - فابريكا) كەسەكتەۋ (اگلومەراتسيا, بريكەتتەۋ, كەسەكتەۋ), بايىتۋ, ۇساقتاۋ جانە پايدالانۋ جونىندە قاۋىپتى وندىرىستىك وبەكتىلەردى جوبالاۋ, سالۋ, پايدالانۋ, كەڭەيتۋ, رەكونسترۋكتسيالاۋ, جاڭعىرتۋ, كونسەرۆاتسيالاۋ جانە جويۋ كەزىندەگى ۇيىمداستىرۋ مەن ونەركاسىپتىك قاۋىپسىزدىكتى قامتاماسىز ەتۋدىڭ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) اينالىمدى سۋمەن قامتۋ - سۋدى تۇراقتى تۇتىنۋشىلار ۇنەمى پايدالانۋ جاعدايىندا ونىڭ قاجەتتى تازارتۋىن كوزدەيتىن سۋدىڭ اينالىمى بار ونەركاسىپ سۋمەن قامتۋىنىڭ جۇيەسى;
2) اعىندى سۋلار - ودان ءارى پايدالانۋدى ەسكەرە وتىرىپ قاجەتتى تازارتۋعا ۇشىرايتىن ادامنىڭ تۇرمىستىق جانە وندىرىستىك قىزمەتىندە پايدالانىلعاننان كەيىن شىعارىلعان سۋ;
3) اۋىر ورتادا بايىتۋ - بولىنەتىن مينەرالداردىڭ تىعىزدىقتارى اراسىنداعى ارالىق تىعىزدىعى بار سۇيىقتىقتاردا نەمەسە سۋسپەنزيالاردا گراۆيتاتسيالىق بايىتۋ پروتسەسى;
4) بايىتۋ ونىمدەرى - پايدالى قازبالاردى بايىتۋ پروتسەسىندە الىناتىن ونىمدەر: كونتسەنترات, ارالىق ءونىم, قالدىقتار;
5) گراۆيتاتسيالىق بايىتۋ - تىعىزدىعىمەن, مولشەرىمەن نەمەسە نىسانىمەن ەرەكشەلەنەتىن مينەرالدىق بولشەكتەردىڭ ءبولىنۋى اۋىرلىق كۇشى مەن ءبولۋ ورتاسى كەدەرگىسىنىڭ اسەرىنەن ولاردىڭ قوزعالۋ جىلدامدىعى مەن سيپاتىنىڭ ارتۇرلىلىگىنە نەگىزدەلگەن پروتسەس;
6) ەلەۋ - ەلەۋىش بەتتەرى بار قۇرىلعىلاردا (ەلەكتەردە) جۇزەگە اسىرىلاتىن ماتەريالدى ىرىلىك كلاستارىنا ءبولۋ پروتسەسى;
7) جىكتەۋ - مولشەرى بويىنشا بىركەلكى ەمەس شيكىزاتتىڭ تۇيىرشىكتى جانە پوليديسپەرستىك بولشەكتەرىن ەلەۋ, گيدراۆليكالىق (پنەۆماتيكالىق) جىكتەۋ ارقىلى نەمەسە ورتادان تەپكىش الاڭدا ىرىلىگى ءارتۇرلى كلاستارعا ءبولۋ پروتسەسى;
8) كونتسەنتراتسيالىق ۇستەلدەردە بايىتۋ - سۋ قوزعالىسىنىڭ باعىتىنا پەرپەنديكۋليار كولدەنەڭ جازىقتىقتا ىلگەرى-كەيىندى قوزعالىستاردى جاسايتىن ناريفلەنيالارى بار ازداپ ەڭكىش جازىق دەكە بويىنشا اعاتىن سۋدىڭ جۇقا قاباتىندا گراۆيتاتسيالىق بايىتۋ پروتسەسى;
9) كونتسەنترات - قۇندى كومپونەنتتەردىڭ قۇرامى باستاپقى ماتەريالدان (كەننەن) جانە بايىتۋ وپەراتسيالارىنا ۇقساس قالاعان ونىمدەردەن جوعارى مينەرالدىق شيكىزاتتى بايىتۋ ءونىمى;
10) كەپتىرۋ (مينەرالدىق شيكىزاتتى بايىتۋدا) - قىزدىرۋ كەزىندە ىلعالدى بۋلاندىرۋعا نەگىزدەلگەن ماتەريالداردى, سونىڭ ىشىندە بايىتۋ ونىمدەرىن سۋسىزداندىرۋ پروتسەسى;
11) قالدىق قويماسى (شوگىندى قويماسى) - شيكىزاتتى (بايىتۋ قالدىقتارىن) قايتا وڭدەۋدىڭ ءۇيىندى ونىمدەرىن توسەۋ, ولاردى شوگۋ, قالدىق قويىرتپاقتارىنان اينالىمدى سۋمەن قامتۋ ءۇشىن پايدالانىلاتىن تەحنيكالىق سۋدى بولۋگە ارنالعان قۇرىلىس;
12) قالدىقتار - جىنىستى قالىپتاستىراتىن مينەرالداردان تۇراتىن جانە جەكە جاعدايلاردا پايدالى كومپونەنتتەردى الدىن الا الۋ ورىندى جانە تەحنولوگيالىق مۇمكىن بولاتىن پايدالى كومپونەنتتەردىڭ ايتارلىقتاي كوپ ەمەس كولەمى بار بايىتۋ پروتسەسىنىڭ قالدىقتارى;
13) قويىلتۋ - اۋىرلىق كۇشى نەمەسە ورتادان تەپكىش كۇشتىڭ اسەرىنەن قاتتى بولشەكتەردىڭ قويىرتپاقتا شوگۋ (جىلجۋ) ناتيجەسىندە ورىن الاتىن قويىرتپاقتى قويىلتىلعان ونىمگە جانە سۇيىق فازاعا (توكپە) ءبولۋ پروتسەسى;
14) ماگنيتتى بايىتۋ (ماگنيتتى سەپاراتسيا) - بولىنەتىن كومپونەنتتەردىڭ ماگنيتتى قاسيەتتەرىنىڭ وزگەشەلىگىنە نەگىزدەلگەن شيكىزات كەسەكتەرىن جانە مينەرالدىق تۇيىرشىكتەردى ءبولۋ پروتسەسى;
15) مينەرالدىق شيكىزاتتى بايىتۋ - مينەرالدىق شيكىزاتتان باستاپقى شيكىزاتتاعى ولاردىڭ قۇرامىنان ارتاتىن كونتسەنتراتسياسى بار پايدالى كومپونەنتتەردى ءبولۋ ماقساتىندا مينەرالدىق شيكىزاتتى قايتا وڭدەۋ پروتسەستەرىنىڭ جيىنتىعى;
16) سۋسىزداندىرۋ - شيكىزاتتى قايتا وڭدەۋ ونىمدەرىندە سۋدىڭ قۇرامىن تومەندەتۋ پروتسەسى;
17) ۋاتۋ – كەسەك, مينەرالدىق شيكىزاتتى سىرتقى مەحانيكالىق كۇشتەردىڭ اسەرىمەن ۋاتۋ اگرەگاتتارىندا جۇزەگە اسىرىلاتىن جانشۋ, جارۋ, سوعۋ, كەسۋ نەمەسە ولاردىڭ ۇيلەسۋى جولىمەن قيراۋ پروتسەسى;
18) ۇساقتاۋ - پايدالى كومپونەنتتەردى جانە جىنىستى قالىپتاستىراتىن مينەرالدىق اگرەگاتتاردى الۋ ماقساتىندا, سونداي-اق بايىتۋ پروتسەسىنىڭ قاجەتتى ىرىلىگىن قامتاماسىز ەتۋ ءۇشىن ۋاتۋ ورتاسىنىڭ (شارلار, وزەكتەر) جانە شيكىزاتتىڭ سوققىلاۋ جانە قاجالۋ اسەرىنىڭ ناتيجەسىندە مينەرالدىق شيكىزاتتى ۇساقتاۋ پروتسەسى;
19) فلوتاتسيا - بەتتىك قاسيەتتەردىڭ ارتۇرلىلىگىنە جانە مينەرالدار بولشەكتەرىنىڭ فازالاردى ءبولۋ بەتىنە: سۇيىقتىق-گاز, سۇيىقتىق-سۇيىقتىق جانە ت.ب. ىرىكتەۋ بايلانىسىنا نەگىزدەلگەن پايدالى قازبالاردى بايىتۋ پروتسەسى;
20) فلوتاتسيا رەاگەنتتەرى - مينەرالداردىڭ فلوتاتسيالانۋىن رەتتەۋ ماقساتىندا فلوتاتسيا پروتسەسىنە ەنگىزىلەتىن ورگانيكالىق جانە ورگانيكالىق ەمەس زاتتار;
21) ەلەكتر سەپاراتسياسى - ەلەكتر زاريادتارىنىڭ مولشەرلەرىندەگى وزگەشىلىككە نەگىزدەلگەن ەلەكتر الاڭىندا وسى بولشەكتەردىڭ قوزعالۋ تراەكتورياسىن وزگەرتۋ جولىمەن بولشەكتەردى ءبولۋ پروتسەسى.
تەحنولوگيالىق پروتسەستەردى فابريكانى پايدالاناتىن ۇيىمنىڭ باسشىسى ازىرلەگەن جانە بەكىتكەن تەحنولوگيالىق رەگلامەنتتى (بۇدان ءارى – تەحنولوگيالىق رەگلامەنت) ساقتاي وتىرىپ جۇرگىزۋ قاجەت.
3. قاتتى پايدالى قازبالاردى وڭدەۋدى جۇرگىزەتىن ءاربىر ۇيىمدا ونىمدىلىكتەن تاۋەلسىز, ونەركاسىپتىك قاۋىپسىزدىك, سونىڭ ىشىندە بۇزىلعان جەرلەردى قالپىنا كەلتىرۋ بولىمدەرىن قوساتىن, سالۋعا, كەڭەيتۋگە, رەكونسترۋكتسيالاۋعا, جاڭعىرتۋعا, كونسەرۆاتسيالاۋعا جانە جويۋعا ارنالعان جوبالىق قۇجاتتاماسى (بۇدان ءارى - جوبالىق قۇجاتتاما) ازىرلەنەدى جانە ولاردى ساقتاۋى قاجەت.
4. بارلىق پايدالانىلاتىن جابدىقتى, قولدانىلاتىن اسپاپتار مەن ارنايى قۇرىلعىلاردى جارامدى كۇيدە ۇستاۋ قاجەت. جارامسىز جابدىقتا جۇمىس ىستەۋ, جارامسىز اسپاپتار مەن قۇرىلعىلاردى قولدانۋعا جول بەرىلمەيدى.
5. ۇيىمداردىڭ جابدىعى مەن عيماراتتارى ولاردىڭ كۇيلەرىنە قاراماستان, ونەركاسىپتىك قاۋىپسىزدىك سالاسىندا جۇمىستار جۇرگىزۋ قۇقىعىنا اتتەستاتتالعان ۇيىمداردى تارتا وتىرىپ جانە ساراپتامالىق قورىتىندى بەرىلە وتىرىپ, ولاردىڭ بەرىكتىگىن, ورنىقتىلىعى مەن پايدالانۋ سەنىمدىلىگىن باعالاۋمەن كەزەڭ-كەزەڭمەن ونەركاسىپتىك قاۋىپسىزدىك ساراپتاماعا ۇشىرايدى.
6. قاتتى پايدالى قازبالاردىڭ قايتا وڭدەلۋىن جۇرگىزەتىن ۇيىمنىڭ باسشىسىمەن مىنالار ازىرلەنەدى جانە بەكىتىلەدى:
1) وندىرىستىك باقىلاۋ تۋرالى ەرەجە;
2) تەحنولوگيالىق رەگلامەنتتەر;
3) اۆاريالاردى جويۋ جوسپارى.
تەحنولوگيالىق رەگلامەنت تەحنولوگيالىق پروتسەسس نەمەسە جۇمىس جاعدايلارى وزگەرگەن, جاڭا جابدىق قولدانعان كەزدە قايتا قارالادى.
7. ۇيىم «ازاماتتىق قورعاۋ تۋرالى» زاڭعا سايكەس ءتيىستى بىلىكتىلىگى بار, ورىندالاتىن جۇمىسقا مەديتسينالىق كەرى كورسەتكىشتەرى جوق, ونەركاسىپتىك قاۋىپسىزدىك ماسەلەلەرى جونىندە دايارلاۋدان, قايتا دايارلاۋدان وتكەن قىزمەت كورسەتۋشى پەرسونالمەن جابدىقتالادى.
8. جۇمىسقا قابىلداناتىن بارلىق ادامدار, سونداي-اق باسقا جۇمىسقا اۋىستىرىلاتىن ادامدار ءۇشىن ونەركاسىپتىك قاۋىپسىزدىك جونىندە نۇسقاما, جۇمىستاردى ورىنداۋدىڭ قاۋىپسىز ادىستەرى مەن داعدىلارىن وقىتۋ, زارداپ شەگۋشىلەرگە العاشقى كومەك كورسەتۋدى ۇيرەتۋ جۇرگىزىلۋى ءتيىس.
9. جۇمىسشىلار مەن مامانداردى ولاردىڭ ماماندىقتارىنا سايكەس ارناۋلى كيىممەن, ارناۋلى اياق كيىممەن, جارامدى قورعاۋ دۋلىعالارىمەن, كوزىلدىرىكپەن, جەكە قورعانىس قۇرالدارىمەن (بۇدان ءارى – جقق) قامتاماسىز ەتۋ جانە ولاردى پايدالانۋدى مىندەتتەۋ قاجەت.
شتاتتا تۇرماعان, بىراق وندىرىستىك تاپسىرمالاردى ورىنداۋ ماقساتىندا قاۋىپتى وندىرىستىك وبەكتىنىڭ اۋماعىندا تۇرعان ادامدار نۇسقاما جۇرگىزۋ جۋرنالىنا ەنگىزىلە وتىرىپ, قاۋىپسىزدىك شارالارى تۋرالى نۇسقامادان ءوتۋى جانە جقق قامتاماسىز ەتىلۋى ءتيىس.
10. ۇيىمداردا گازقاعارلاردى, وقشاۋلاۋ رەسپيراتورلارىن جانە وزىقۇتقارعىشتاردى قوسقانداعى جقق پايدالانۋ ۋاقىتىن ەسەپتەۋدى ۇيىمداستىرۋ قاجەت, ودان ءارى پايدالانۋ ءۇشىن جارامسىز جقق قولدانۋدان الىپ تاستاي وتىرىپ, ولارعا مەرزىمدى تەكسەرۋ جۇرگىزىلۋى ءتيىس.
11. قۇرامىندا تابيعي راديواكتيۆتىلىگى جوعارى كومپونەنتتەرى بار كەندەردى قايتا وڭدەۋ جانە بايىتۋ كەزىندە ونەركاسىپتىك قاۋىپسىزدىك تالاپتارىنا سايكەس كەلەتىن جقق قولدانىلادى.
12. قاۋىپسىزدىكتىڭ جوعارى تالاپتارى قويىلعان جۇمىستاردى جۇرگىزۋگە وسى قاعيدالارعا قوسىمشاعا سايكەس نىسان بويىنشا جوعارعى قاۋىپتىلىكتەگى جۇمىستاردى ورىنداۋعا جازباشا جۇكتەلىم-رۇقساتنامالار بەرىلەدى.
رۇقسات بەرۋ ناريادى مەن بوگدە ۇيىمنىڭ پەرسونالى جۇمىستاردى ورىنداۋ ءۇشىن وبەكتى اۋماعىندا رۇقساتناما رەسىمدەلەدى. وندا قاۋىپتى فاكتورلار كورسەتىلەدى, رۇقسات العان ۇيىم جۇمىستاردى ورىندايتىن جانە ولاردى قاۋىپسىز وندىرەتىن ۋچاسكەنىڭ نەمەسە وبەكتىنىڭ شەكارالارى بەلگىلەنەدى.
13. كەز كەلگەن جۇمىسكەر جۇمىس باستالماس بۇرىن ءوز جۇمىس ورنىنىڭ قاۋىپسىز كۇيدە ەكەنىنە كوز جەتكىزۋى, جۇمىسقا قاجەت قورعاعىش قۇرىلعىلاردىڭ, قورعاۋ قۇرالدارىنىڭ, اسپاپتاردىڭ, تەتىكتەردىڭ جانە جۇمىسقا تالاپ ەتىلەتىن قۇرىلعىلاردىڭ بار بولۋىن جانە جارامدىلىعىن تەكسەرۋى ءتيىس.
ونەركاسىپتىك قاۋىپسىزدىك تالاپتارىنىڭ بۇزىلعانىن ايقىنداعان كەزدە جۇمىسكەر جۇمىسقا كىرىسپەس بۇرىن ول تۋرالى اۋىسىمنىڭ تەحنيكالىق باسشىسىنا حابارلايدى.
14. وسى قاعيدالاردىڭ بۇزىلۋى ورىن العان كەزدە جۇمىستى وندىرۋگە جول بەرمەيتىن اۋىسىمنىڭ تەحنيكالىق باسشىسى كەز كەلگەن جۇمىس ورنىن اۋىسىم ىشىندە قارايدى.
15. ادامدارعا, وندىرىستىك وبەكتىلەرگە ءتونىپ تۇرعان قاۋىپتى بايقاعان كەز كەلگەن جۇمىسكەر بۇل تۋرالى اۋىسىمنىڭ تەحنيكالىق باسشىسىنا حابارلايدى, سونداي-اق قاۋىپ ءتونىپ تۇرعان ادامداردى ەسكەرتۋى ءتيىس.
16. جابدىقتىڭ جۇمىس ىستەپ تۇرعان ورىندارىن جانە ولارعا بارار جولداردى ادامداردىڭ, ماشينالار مەن تەتىكتەردىڭ قوزعالۋىن قيىنداتاتىن زاتتارمەن ءۇيىپ تاستاۋعا جول بەرىلمەيدى.
ءورت ءسوندىرۋ قۇرالدارىنا باراتىن جولداردى ءۇيىپ تاستاۋعا رۇقسات ەتىلمەيدى.
17. ۇيىم باسشىسىنىڭ جازباشا رۇقساتىنسىز (اۆاريالىق جاعدايلاردى قوسپاعاندا) تىرشىلىكتى قامتاماسىز ەتۋ وبەكتىلەرىن (ەلەكتر قوسالقى ستانتسيالارىن, سۋتوكپەلەردى, كالوريفەرلى قوندىرعىلاردى, قازاندىقتاردى) توقتاتۋعا جول بەرىلمەيدى.
18. ءدىرىلدى وندىرەتىن جابدىق ءۇشىن (ۋاتقىشتار, ديىرمەندەر, ەلەكتەر جانە ت.ب.) ءدىرىلدى رۇقسات ەتىلەتىن نورمالارعا دەيىن تومەندەتۋدى قامتاماسىز ەتەتىن قۇرىلىس, تەحنولوگيالىق جانە سانيتارلىق-تەحنيكالىق ءىس-شارالار كەشەنى پايدالانۋى ءتيىس.
19. تىكەلەي تسەحتاردا, جۇمىس ىستەپ تۇرعان تەتىكتەردىڭ قاۋىپتى ايماعىندا, كولىك جولدارىندا, جابدىقتاردا دەمالۋعا جول بەرىلمەيدى.
20. بارلىق قىزمەت كورسەتەتىن الاڭشالاردى, وتپەلى كوپىرلەر مەن باسپالداقتاردى بەرىك, ورنىقتى ەتىپ ورىنداۋ جانە 0,14 م بيىكتىككە تايانىشتاردىڭ تومەنگى جاعى بويىنشا تۇتاس قاپتاماسى جانە كولدەنەڭ شاباعى بار بيىكتىگى كەمىندە 1 م تايانىشپەن جابدىقتاۋ قاجەت.
21. جۇمىس الاڭشالارى مەن تەتىكتەرگە ارنالعان باسپالداقتاردىڭ مىناداي كولبەۋ بۇرىشى بار بولۋى ءتيىس:
1) تۇراقتى پايدالاناتىندار –450 استام ەمەس;
2) اۋىسىمىنا 1-2 رەت كەلەتىندەر –600 استام ەمەس;
3) سۋجيعىلاردا, قۇدىقتاردا –900 دەيىن.
باسپالداقتاردىڭ ەنى كەمىندە 0,6 م, ساتىلاردىڭ بيىكتىگى 0,3 م استام ەمەس, ساتىلاردىڭ ەنى كەمىندە 0,25 م بولىپ ورناتىلادى. سۋجيعىلار مەن قۇدىقتاردا قاپسىرمالاردى پايدالانۋعا جول بەرىلەدى.
22. ءۇي-جايلاردا جانە ۇيىم اۋماعىندا ورنالاسقان بارلىق قۇراستىرۋ ويىقتارى, جەرتولەلەر, سۋجيعىلار, قۇدىقتار, ورلار جانە 0,14 م بيىكتىككە تايانىشتاردىڭ تومەنگى جاعى بويىنشا تۇتاس قاپتاماسى بار بيىكتىگى 1 م تايانىشتارمەن قورشالعان نەمەسە بارلىق ۇستىڭگى قاباتى بويىنشا توسەنىشتەرمەن (تورلارمەن) جابىلدى, ال قاجەتتى ورىنداردا ەنى كەمىندە 1 م وتپەلى كوپىرلەرمەن جابدىقتالۋى ءتيىس.
23. قۇبىرلار, ناۋاشالار, كوممۋنيكاتسيالار جۇمىس الاڭشالارىنا كەدەرگى كەلتىرمەيتىندەي, ال ولار وتەتىن جەر مەن جۇمىس الاڭشالارىن قيىپ وتەتىن بولسا ەدەن دەڭگەيىنەن كەمىندە 2,0 م بيىكتىكتە ورنالاسادى.
رەاگەنتوتكىزگىشتەر وتەتىن جەر مەن جۇمىس الاڭشالارىن قيىپ وتەتىن بولسا, سوڭعىلارىندا تاباندىق بولۋى ءتيىس: وتەتىن جەر دەڭگەيىنەن (جۇمىس الاڭشاسى) تاباندىقتىڭ شىعىپ تۇرعان بولىگىنە دەيىن ەڭ تومەنگى بيىكتىك – كەمىندە 1,8 م.
24. قاشىقتىقتان باسقارىلمايتىن بەكىتپە ارماتۋراسىنا قىزمەت كورسەتۋ جانە ەدەن دەڭگەيىنەن 1,5 م بيىكتىكتە ورنالاسقان باقىلاۋ-ولشەۋ قۇرالدارىن پايدالانۋ ءۇشىن ەنى كەمىندە 0,8 م ستاتسيونارلىق الاڭشالار ورناتىلادى.
25. ماشينالار مەن اپپاراتتار جانە قابىرعالاردان جابدىق گاباريتتەرىنە دەيىنگى ەڭ تومەنگى قاشىقتىق مىناداي بولۋى ءتيىس:
1) نەگىزگى وتەتىن جەرلەردە – كەمىندە 1,5 م;
2) ماشينالار اراسىنداعى جۇمىس ءوتۋ جەرلەرىندە – كەمىندە 1 م;
3) قابىرعا مەن ماشينالار اراسىنداعى جۇمىس ءوتۋ جولدارىندا - كەمىندە 0,7 م;
4) ماشينالار اراسىنداعى جانە قابىرعا (قۇرىلىس قۇرىلىمدارى) مەن ماشينا اراسىنداعى قالىپتى جۇمىس ءوتۋ جولدارىن ساقتاعانداعى جەرگىلىكتى تارىلۋ – كەمىندە 0,7 م;
5) قىزمەت كورسەتۋ جانە جوندەۋ ءۇشىن ارنالعان باكتارعا, شاندارعا جانە رەزەرۆۋارلارعا ارنالعان ءوتۋ جولدارىندا – كەمىندە 0,6 م.
26. جابدىقتى جوندەۋ ۋاكىتىندا ءىرى اۋىسىمدىق توراپتار مەن بولشەكتەردى تاسىمالداۋ ءۇشىن ارنالعان ءوتۋ جولدارىنىڭ ەڭ تومەنگى ەنى ءاربىر جاققا 0,6 م قوسا وتىرىپ توراپتار مەن بولشەكتەردىڭ ەڭ جوعارى كولدەنەڭ مولشەرىمەن انىقتالادى.
27. پەرسونالدى بارلىق قاۋىپتى وندىرىستىك فاكتورلاردان قورعاۋ قامتاماسىز ەتىلۋى ءتيىس.
2- پاراگراف. جابدىقتاردى پايدالانۋدىڭ ءتارتىبى
28. ماشينالار مەن تەتىكتەردىڭ بارلىق قوزعالمالى جانە اينالمالى بولىكتەرى, جەتەك پەن جەتكىزۋ ەلەمەنتتەرى ولارعا جۇمىس ىستەۋ ۋاقىتىندا قولجەتىمدىلىكتى شەكتەيتىن مىقتى بەكىتىلگەن قورشاۋلاردان تۇرۋى قاجەت.
جەر دەڭگەيىنەن 2,5 م دەيىن (قوسا العاندا) بيىكتىكتە ورنالاسقان جابدىقتاردىڭ بارلىق اشىق قالعان قوزعالعىش بولىكتەرى نەمەسە جۇمىس الاڭىندا كەزدەيسوق بەتتەسىپ كەتۋدەن قول جەتىمدىلىكتى ونىڭ فۋنكتسيونالدىق ماقساتتا قولدانىلاتىن قورشاۋلارىنان باسقا بولىكتەرى قورشالۋى قاجەت. قورشاۋلار تۇتاس جانە ولشەمى 20ح20 مم بولاتىن تور ءتارىزدى ۇياشىقتان تۇرادى.
ەگەر ماشينانىڭ ورىنداۋشى ورگاندارى ادامدارعا قاۋىپ ءتوندىرىپ, قورشالماعان جاعدايدا بولسا, ماشينانىڭ جۇمىسقا قوسىلعانى تۋرالى ەسكەرتەتىن بەلگى بەرۋ جانە دە ەنەرگيا كوزدەرىنەن توقتاتۋ جانە ءسوندىرۋ ءۇشىن قۇرالدار كوزدەلەدى.
كورسەتىلگەن قۇرالدار تەحنولوگيالىق تالاپتارعا ساي بولۋى جانە قاجەت جاعدايدا ماشينالاردى, تەتىكتەردى جانە اگرەگاتتاردى اۆاريالىق ءسوندىرۋدى قامتاماسىز ەتۋ ءۇشىن, پەرسونال جانە وزگە ادامدار ءۇشىن قولايلى ورىنداردا ورنالاسۋى ءتيىس.
29. ءتىستى, بەلدىكتى جانە شىنجىرلى جەتكىزۋلەر ولاردىڭ ورنالاسۋ بيىكتىگى مەن اينالۋ جىلدامدىعىنا قاراماستان تۇتاس قورشاۋلاردان بولۋى ءتيىس. قورشاۋلار المالى-سالمالى, توت باسۋ مەن مەحانيكالىق ارەكەتتەسۋلەرگە توتەپ بەرەتىندەي مىقتى جانە ورنىقتى بولۋى كەرەك.
قول جەتكىزۋگە قولايسىز جەرلەردە ورنالاسقان اگرەگاتتاردىڭ قوزعالعىش بولىكتەرىن بەكىتەتىن قۇرىلعىلارى بار جالپى قورشاۋلارمەن قورشاۋعا بولادى. قورشاۋلار ولاردىڭ قىزمەت كورسەتۋىن قيىنداتپاۋى ءتيىس.
30. جابدىقتاردى پايدالانۋعا قابىلداۋدى ۇيىم باسشىسى تاعايىنداعان كوميسسيا جۇرگىزەدى.
مونتاجداۋ نەمەسە جوندەۋدەن كەيىن جابدىقتى ىسكە قوسۋدى قاۋىپتى ايماقتا ادامداردىڭ بولماۋىن تەكسەرگەننەن كەيىن جاۋاپتى ادام جۇزەگە اسىرادى.
31. جۇمىستا جابدىقتى ىسكە قوسۋ الدىندا ەسكەرتەتىن جارىقتى نەمەسە دىبىستىق بەلگى بەرىلۋ قاجەت.
كورىنەتىن ايماقتان تىس جاتقان جابدىقتى جۇمىستا ىسكە قوسۋ الدىندا ۇزاقتىعى 10 س كەم ەمەس, اينالاسىندا قوسىلۋعا ءتيىستى تەتىكتەردەن ەستۋ ارقىلى اجىراتىلاتىن ەسكەرتۋشى دىبىستىق بەلگى بەرىلۋ قاجەت. ءبىرىنشى بەلگىدەن كەيىن كەمىندە 30 سەكۋند ۋاقىت ۇستامىن كوزدەۋ قاجەت, بۇدان كەيىن جابدىقتى ىسكە قوسۋ الدىندا ۇزاقتىعى 30 سەكۋند ەكىنشى بەلگى بەرىلەدى. تەتىكتەر مەن جابدىقتاردى ىسكە قوسۋ جوعارىدا كورسەتىلگەن ىسكە قوسۋ الدىنداعى بەلگىنى قامتاماسىز ەتەتىن قۇرىلعىمەن بەكىتىلگەن.
جابدىقتاردى ىسكە قوسۋ ىسكە قوسىلاتىن جابدىقتاردىڭ اتاۋى مەن تەحنولوگيالىق نومىرلەنۋىن كورسەتۋمەن داۋىس زورايتقىش بايلانىسپەن حابارلانادى. شۋ دەڭگەيى جوعارى ورىنداردا قايتالاۋشى جارىقتى بەلگى بەرۋ كوزدەلەدى. بەلگى بەرۋ ءتارتىبى قىزمەت كورسەتۋمەن اينالىساتىن جانە ىسكە قوسىلاتىن جابدىقتاردى پايدالاناتىن بارلىق قىزمەتكەرلەردىڭ نازارىنا الدىن الا جەتكىزىلەدى. بەرىلەتىن شارتتىق بەلگىلەرى جۇمىس ورىندارىندا ءىلىنىپ تۇرۋى قاجەت.
32. جابدىقتاردى پايدالانۋ تەحنولوگيالىق رەگلامەنتتى ساقتاۋمەن جۇرگىزىلۋى قاجەت.
33. تەحنيكالىق قۇرىلعىلاردىڭ دۇرىس جۇمىس ىستەيتىنىن جانە جاساقتالۋىن اۋىسىم سايىن – ماشينيست (وپەراتور), اپتا سايىن – ۋچاسكە مەحانيگىمەن, ەنەرگەتيكپەن جانە اي سايىن – نىسانداعى باس مەحانيك, باس ەنەرگەتيك نەمەسە تاعايىندالعان اداممەن تەكسەرىلۋى قاجەت. تەكسەرۋ ناتيجەسى اۋىسىمدى قابىلداۋ-تاپسىرۋ جۋرنالىندا تىركەلۋى ءتيىس. بۇزىلعان تەحنيكالىق قۇرىلعىلاردى پايدالانۋعا رۇقسات بەرىلمەيدى.
34. قوزعالعىش بولىكتەر مەن قورشاۋلارعا جوندەۋ جۇمىستارىن جۇرگىزۋگە جانە قىزمەت كورسەتۋگە, قولدانىستاعى ماشينالار مەن تەتىكتەردى قولمەن جيناقتاۋ جانە قولمەن تازالاۋ جۇمىستارىن جۇرگىزۋگە بولمايدى.
35. تەحنيكالىق قۇرىلعىلاردى پايدالانۋ, قىزمەت كورسەتۋ, سونداي-اق ولاردى مونتاجداۋ, بولشەكتەۋ, دايىنداۋشى زاۋىتتاردىڭ پايدالانۋ نۇسقاۋلىعىن, تەحنيكالىق پاسپورتتارى, نورماتيۆتىك قۇجاتتارىن باسشىلىققا الا وتىرىپ جۇرگىزىلۋى قاجەت.
دايىنداۋشى زاۋىتتار نورمالايتىن تەحنيكالىق سيپاتتامالاردى جابدىقتاردى پايدالانۋدىڭ بارلىق كەزەڭى ىشىندە ساقتاۋ قاجەت.
3 -پاراگراف. سىنامالاردى سۇرىپتاۋ, ءوندىرىس ونىمدەرىن وراۋ ءتارتىبى
36. سىنامالاردى سۇرىپتاۋ اۆتوماتتى رەجيمدە نەمەسە قاشىقتىقتان باسقارىلاتىن مەحانيكالىق سىنامانى سۇرىپتاۋمەن جۇزەگە اسىرىلادى.
قولمەن سۇرىپتاۋ تەحنيكالىق باسشىنىڭ وكىمىمەن انىقتالاتىن تەحنولوگيالىق سىزبانىڭ تەك بەلگىلەنگەن ورىندارىندا جۇرگىزىلەدى. سىنامالاردى سۇرىپتاۋ ءۇشىن جارىقتاندىرۋ مەن قورشاۋلارى بار قولايلى جانە قاۋىپسىز ورىندار (الاڭدار) بولۋى قاجەت. سۇرىپتاۋدى كەز كەلگەن جابدىقتالماعان ورىنداردا جۇرگىزۋگە بولمايدى.
37. دايىن ونىمدەردىڭ بۋىپ-ءتۇيۋ-وراۋ اۆتوماتتارى ءماشينيسىنىڭ جۇمىس ورنى ايماعىندا جانە جاسىرىپ قوياتىن جەلىلەردە ورالىپ پاكەتتەرگە, جاشىكتەرگە نەمەسە دوربالارعا سالىنۋ تەحنولوگيالىق رەگلامەنتتەرگە سايكەس جۇرگىزىلەدى.
38. وراما جاسايتىن ماشينالارعا ارنالعان ءۇي-جاي كونۆەيەرلىك تاسپالار وتەتىندەي ويىقتارمەن تاۋار تۇراتىن قويما قابىرعاسىنان وقشاۋلانادى. ويىقتار ونىمدەردىڭ كونۆەيەر ارقىلى وتۋىنە كەدەرگى جاسامايتىن ارنايى فارتۋكتان نەمەسە پەردەلەر تۇرىندە قالىڭ قاباتپەن جابىلۋى قاجەت.
39. وراما جاسايتىن ماشينا ءماشينيسىنىڭ جۇمىس ورنىنا ىدىستاردى جەتكىزۋ مەحانيزمدەلگەن ادىسپەن جۇزەگە اسىرىلادى.
پرەستەۋشى-كونۆەيەرلەر الدىنا دايىن ونىمدەرى بار دوربالاردى باعىتتاۋ ءۇشىن ارنايى باعىتتاۋشىلار بەلگىلەنىلەدى.
40. قىزمەت كورسەتەتىن پەرسونالدىڭ ەركىن قولجەتىمدىلىگىمەن ءۇي-جايدا ورنالاسقان شنەكتى شامادان تىس تيەۋلەر ويىقتاردى جاباتىن قوزعالمالى قۇرىلعىمەن جابدىقتالۋى ءتيىس.
شنەكتى اسىرا تيەۋلەردە اربانىڭ ءجۇرۋىن شەكتەيتىن تەجەگىشتەرى بولۋى قاجەت.
2. ماتەريالداردى ۋاتۋ جانە ۇساقتاۋ كەزىندە ونەركاسىپتىك قاۋىپسىزدىكتى قامتاماسىز ەتۋ ءتارتىبى
1- پاراگراف. كەندى جەتكىزۋ, قابىلداۋ جانە ارالىق بۋنكەرلەر.
41. كەندى قابىلداۋ كورپۋسىنىڭ (بولىمشەنىڭ) الدىندا بۋنكەرلەر الاڭىنا قۇرامداردىڭ (اۆتوساموسۆالدار, سكيپتەر, ارقاندى جولدار,تەتىكتەر) كىرىپ-شىعۋىنا رۇقسات ەتەتىن نەمەسە تىيىم سالاتىن باعدارشام ورناتىلادى. كەيبىر جاعدايلاردا جۇك ءتۇسىرۋ شلاگباۋممەن جابىلعان جانە بۋنكەر الدىندا ورناتىلعان جۇرۋگە رۇقسات بەرەتىن باعدارشام بەلگىلەرى بويىنشا جۇزەگە اسىرىلادى.
قابىلداۋ جانە جۇك ءتۇسىرۋ قۇرىلعىلارى مەن بۋنكەرلەردىڭ جۇمىس الاڭدارى تەمىرجول قۇرامدارىنىڭ كەلۋى تۋرالى قىزمەت كورسەتەتىن پەرسونالدى حابارلاندىرۋعا ارنالعان دىبىستى جانە جارىقتى بەلگى بەرۋمەن جابدىقتالعان. بەلگى قۇرامداردىڭ كەلۋى جانە سكيپتىك كوتەرگىشتەر مەن ارقان جولدارىنىڭ جۇمىسى باستالعانعا ساتىنە دەيىن 1,5-2 مين. بۇرىن بەرىلەدى.
42. قابىلداۋ قۇرىلعىلارىنىڭ جۇمىس الاڭدارىندا تەمىرجول جولدارى رەلستەرىنىڭ باستاپقى دەڭگەيىندە قوزعالىس قۇرامدارىنىڭ قىزمەت كورسەتۋى ءۇشىن وتكەلدەر قاراستىرىلادى. رەلستەر اراسىندا وسىنداي ماقساتتا رەلس باسىنىڭ دەڭگەيىندەگى بەتكى جاعى توسەمدەرمەن جابدىقتالعان.
تەمىرجول جولدارىنىڭ گاباريتتەرى شاشىلعان كەننەن جانە بوگدە زاتتاردان ۋاقتىلى بوساۋى قاجەت.
43. بۋنكەرلەردىڭ قابىلداۋ تۇتىگىندە جوندەۋ جۇمىستارىن جۇرگىزۋ كەزىندە قابىلداۋ قۇرىلعىلارىنا اپاراتىن جولدار كولىكتىك قىزمەتكەرلەر قۇرامىن حابارلاندىرا وتىرىپ شلاگباۋمدارمەن جابىلادى. پويىز قۇرامدارى قابىلداۋ قۇرىلعىلارى اۋدانىنان شىعارىلادى. ەكى نەمەسە ودان دا كوپ قابىلداۋ بۋنكەرلەرى بولعان كەزدە ولاردىڭ بىرىندە جوندەۋ جۇمىستارىن قامتاماسىز ەتۋ ءۇشىن باسشىمەن بەكىتىلگەن جۇمىستاردى ۇيىمداستىرۋ ءتارتىبى ازىرلەنۋى قاجەت.
44. بۋنكەردىڭ قابىلداۋ الاڭى جانە قورەكتەندىرۋشى الاڭىنىڭ, ءىرى بولگىشتەر اراسىندا بايلانىس (تەلەفون, داۋىس زورايتقىش, جارىقتى) بولۋى قاجەت.
45. قابىلداۋ قۇرىلعىلارىنىڭ بۇيىرىنەن جانە جان-جاعىنان, قاراما-قارسى جۇك ءتۇسىرۋ جاعىنان تيەۋ ساڭىلاۋلارى بەرىك قاناتتارمەن قورشالادى. ەكىجاقتى جۇك ءتۇسىرۋ كەزىندە قورشاۋلار ءبۇيىر جاقتارىنان قويىلادى.
46. بۋنكەرلەردىڭ قابىلداۋ جانە ونىمدەردى ءتۇسىرۋ الاڭدارىندا شاڭ-توزاڭ قالىپتاسقان جاعدايدا ولاردى ءتيىمدى شاڭ-توزاڭنان ارىلتاتىن (شاڭۇستاعىش) قۇرالدارمەن جاراقتاندىرىلادى.
47. بۋنكەرلەردە ايعىزداردى, كەننىڭ تۇرىپ قالۋىن جانە ونىڭ شىعارىلۋى ارنايى تەتىكتەر جانە قۇرىلعىلار كومەگىمەن (ەلەكترلى دىرىلدەتكىش, پنەۆماتيكالىق قۇرىلعى, گيدروجۋ) جۇرگىزىلەدى. بۋنكەرلەرگە بۇل ماقساتپەن ادامداردى تۇسىرۋگە جول بەرىلمەيدى.
اشىق ءتۇسىرۋ ليۋكتارىندا قابىلداۋ بۋنكەرلەرىن تيەۋگە جول بەرىلمەيدى.
48. ارالىق بۋنكەرلەر ەگەر وزدىگىنەن تۇسىرەتىن ارباشالارمەن تولتىرىلماسا, وندا توسەمدەرمەن جابدىقتالۋى ءتيىس. وزدىگىنەن تۇسىرەتىن ارباشالاردى نەمەسە رەۆەرسيۆتى كونۆەيەرلەردى قولدانۋ كەزىندە تيەۋ ساڭىلاۋلارىنىڭ ەنى 200ح200 مم اسپايتىن ساڭىلاۋى بار تورلارمەن جابىلادى نەمەسە بيىكتىگى 1 م كەم ەمەس قورشاۋلارمەن جابدىقتالۋى قاجەت. مۇنداي قورشاۋلار نەمەسە تورلار كونۆەيەرلىك كولىكتىڭ قايتا جۇكتەمەسىنىڭ ورىندارىندا بۋنكەرلەردە ورناتىلۋى كەرەك.
49. قابىلداۋ تۇتىكتەرىنە (بۋنكەرلەرگە) ادامداردى تۇسىرۋگە بايلانىستى جۇمىستار قاۋىپسىزدىگىن قامتاماسىز ەتۋ ءۇشىن, جوندەۋ جۇمىستارىن تەكسەرۋ نەمەسە ورىنداۋ ءۇشىن مىنانداي تالاپتاردى مىندەتتى ساقتاي وتىرىپ جۇمىستاردى ۇيىمداستىرۋ جوباسى قۇرىلادى:
1) جۇمىستار بەرۋ ناريادى بويىنشا ورىندالادى;
2) وسى ۋچاسكەدە بۋنكەردى, ونىڭ قۇرىلىمدارىن, بۋنكەر ۇستىندەگى الاڭداردى جانە تەمىرجول جولدارىن ماتەريالدان, جەلدەتۋدەن تولىعىمەن تازالاۋ جانە بۋنكەردىڭ قورشاعان ورتاسىنىڭ جاعدايىن باقىلاۋ.
3) قابىلداۋ جانە كولىكتىك قۇرالداردىڭ جانە بۋنكەرلىك قاقپاق تەتىكتەرىنىڭ جۇمىس الاڭدارىندا بۋنكەر ىشىندەگى جۇرگىزىلىپ جاتقان جۇمىستاردى كورسەتەتىن ەسكەرتۋ بەلگىلەرىن ورناتۋ;
4) جۇمىسشىلاردى بۋنكەرگە تۇسىرمەس بۇرىن تيەۋ جانە ءتۇسىرۋ قورەكتەندىرگىشتەرى توقتاتىلىپ, وشىرىلەدى, «قوسۋعا بولمايدى!», «ادامدار جۇمىس ىستەپ جاتىر!» اتتى پلاكاتتار ىلىنەدى, ەلەكتر سىزبالار بولىنەدى جانە الدىڭعى جانە كەيىنگى تەحنولوگيالىق جابدىقتىڭ جەتەكتەرى توكتان اجىراتىلادى;
5) جۇمىستار جۇرگىزىلىپ جاتقان بۋنكەرلەرگە زاتتار ءتۇسۋىنىڭ الدىن الۋ مۇمكىن بولماعان جاعدايدا, بۋنكەردەگى جۇمىس ىستەيتىن جۇمىسشىلاردىڭ زاقىمدانۋىنا جول بەرمەيتىن سەنىمدى اراجابىندىلار ورناتىلادى;
6) جۇمىس كەزىندە بۋنكەردە بريگادا توبى ءۇش ادامنان كەم بولماۋى ءتيىس, ونىڭ ەكەۋى بۋنكەر ۇستىندەگى بولىمدە تۇرادى;
7) جوندەۋ جۇمىستارىن جۇرگىزىپ جاتقان جۇمىسشىلار ساقتاندىرعىش بەلبەۋلەردى كيەدى جانە مىقتى تىرەككە بايلانادى. جۇمىس جۇرگىزۋ كەزىندە بۋنكەر ۇستىندەگى بولىمدە تۇرعان باقىلاۋشى سىمارقان مەن ارقاندى ۇستاپ تۇرادى. پايدالانۋ كەزىندە ساقتاندىرعىش بەلبەۋلەر مەن ساقتاندىرۋ ارقاندارى 5 مينۋت ىشىندە 6 ايدا ءبىر رەتتەن كەم ەمەس 2250 كن ستاتيستيكالىق جۇكتەمەگە سىناۋدان وتەدى جانە وعان سوڭعى سىناۋدان وتكەن كۇنى تۋرالى بەلگى قويىلادى.
8) بۋنكەر ءىشىن جارىقتاندىرۋ ءۇشىن 12 ۆ كەرنەۋدەن ارتىق ەمەس تاسىمال شامدار قولدانىلادى.
50. كەندى اۆتوكولىكپەن جەتكىزۋ كەزىندە قابىلداۋ بۋنكەرىنىڭ ءتۇسىرۋ الاڭىنا اۆتوماشينالاردىڭ بۋنكەرگە سىرعىپ كەتۋ قاۋپىنە جول بەرمەيتىن تىرەكتەر ورناتىلادى.
2-پاراگراف. ۋاتۋ
51. ۇساقتاعىشتاردىڭ جۇمىس كەڭىستىگىندە كەننىڭ ءىرى بولشەكتەرى كەپتەلىپ قالعاندا ولاردى ۇساتقىشتاردان الۋدى كوتەرگىش قۇرالدارمەن نەمەسە جارا وتىرىپ جۇزەگە اسىرۋ قاجەت. كەننىڭ ۇساقتاعىشتا كەپتەلىپ قالعان بولشەكتەرىن قولمەن الۋعا جول بەرىلمەيدى. ۇساقتاعىشتىڭ جۇمىس كەڭىستىگىندە كەپتەلىپ تۇرعان كەننىڭ ءىرى بولشەكتەرىن بالعامەن نەمەسە اۋىر بالعامەن بۇزۋعا بولمايدى.
52. ۇساقتاعىشتىڭ جۇمىس كەڭىستىگىنە ادامداردى ءتۇسىرۋ كەزىندە جۇمىستاردى ۇيىمداستىرۋ جوباسىنا سايكەس كەزدەيسوق قۇلاپ كەتەتىن بوگدە زاتتاردان ادامداردى قورعايتىن ۇساقتاعىشتىڭ تيەگىش ۇستىندەگى ساڭىلاۋىندا ورنالاسقان ساقتاندىرۋ بەلبەۋلەرى مەن ۋاقىتشا تىرەكتەردىڭ مىندەتتى تۇردە قولدانىلۋى قاراستىرىلادى, جۇمىستار جۇكتەلىم-رۇقساتناما بويىنشا جۇرگىزىلەدى.
53. ءدىرىلدى ەلەكتەر ورنالاساتىن تىرەۋلەر مەن الاڭدار ءدىرىلدى جانە تەز ءجۇرىستى ەلەكتەردىڭ جۇمىسى كەزىندە تۋىندايتىن دىرىلدەردى قابىلداي جانە سىڭىرە الاتىنداي ەتىپ ورىندالادى.
54. ەلەكتەردى تيەۋ جانە ءتۇسىرۋ تۇتىكتەرىنىڭ بارلىق ەنىن بويلاي قىزمەت كورسەتەتىن قىزمەتكەرلەر قۇرامىن كەن بولشەكتەرىنىڭ كەزدەيسوق ءتۇسىپ كەتۋىنەن ساقتايتىن قورعانىس تەتىكتەرى قاراستىرىلادى.
55. ەلەكتەردى جۇمىسقا قوسۋ الدىندا بارلىق بەكىتۋلەر, اسىرەسە تەڭ بالانستا تۇرماعان بەكىتۋلەردى مۇقيات قاراۋ قاجەت.
56. ۇساقتاعىشتان كەن بولشەكتەرى شىعۋىنىڭ الدىن الۋ ماقساتىندا تيەۋ ساڭىلاۋلارىندا مىنالار ورناتىلادى:
1) كونۋس ءتارىزدى ۇساقتاعىشتار ءۇشىن – «وپىرىلىم» استىندا جۇمىس ىستەيتىن ءى كەزەڭدى ءىرى ۇساقتاۋ ۇساقتاعىشىنان باسقا ساڭىلاۋسىز المالى-سالمالى قورشاۋلار;
2) جاقتى ۇساقتاعىشتار ءۇشىن – كەن بولشەكتەرىنىڭ ۇساقتاعىشتىڭ جۇمىس كەڭىستىگىنەن ءۇي-جايعا شىعارىلۋىناا كەدەرگى كەلتىرەتىن بيىكتىگى 1 م كەم ەمەس ماڭدايشاسى بار ساڭىلاۋسىز ءبۇيىرلى قورشاۋلار.
57. جۇمىس ىستەپ تۇرعان قورەكتەندىرگىشتەر مەن ەلەكتەر كەزىندە تيەۋ جانە ءتۇسىرۋ ۆورونكالارىندا كەندى ەلەككە بەرەتىن قورەكتەندىرگىشتەردىڭ شىعارۋ تەسىكتەرىن كوسەۋگە ارنايى كوسەۋ تەسىكتەرىنىڭ بار بولۋى كەزىندە عانا جول بەرىلەدى.
58. ەلەكتىڭ ءتۇسىرۋ تۇتىكتەرىن قولمەن تازالاۋ جانە ادامداردى ءتۇسىرۋ تۇتىگىنە بوساتۋ وسى قاعيدالاردى ساقتاي وتىرىپ جۇزەگە اسىرىلادى. ەلەكتەردىڭ ەلەكترقوزعالتقىشتارى بيركا جۇيەسىنە سايكەس سوندىرىلەدى, ىسكە قوسۋ قۇرىلعىلارىندا «قوسۋعا بولمايدى!», «ادامدار جۇمىس ىستەپ جاتىر!» اتتى ەسكەرتۋ پلاكاتتارى ىلىنەدى.
59. ەلەكتردىرىلدى قورەكتەندىرگىشىنىڭ ناۋاشالارىن جۇمىس ىستەپ تۇرعان ۋاقىتىندا تازالاۋعا, قورەك بورتىنا تۇرۋعا, جاقىنداۋعا ءدىرىلدى جەتەكتەردىڭ ساڭىلاۋلارىنا تازالاۋ جۇرگىزۋگە جول بەرىلمەيدى.
60. جۇدىرىقتى, كولدەنەڭ جانە تىك بالعالى ۇساقتاعىشتار كورپۋسىنىڭ قاقپاعى اشىق تۇرعان كەزدە ۇساقتاعىشتاردى ىسكە قوسۋ مۇمكىندىگىنە جول بەرمەيتىن بۇعاتتاۋ سالىنۋى قاجەت. سالماعى 50 كگ ارتىق قاقپاعى بار جۇدىرىقتى, كولدەنەڭ جانە تىك بالعا ءتارىزدى ۇساقتاعىش كورپۋسىنىڭ اشىلۋى جانە جابىلۋى مەحانيكالاندىرىلعان تاسىلمەن جۇزەگە اسىرۋ قاجەت.
61. ۇنتاقتاۋ كەزىندە جارىلىسقاۋىپتى شاڭدى قالىپتاستىراتىن كەندى ۇساقتاۋدى شاڭنىڭ جارىلۋىنا جول بەرمەيتىن ءىس-شارالاردى ورىنداي وتىرىپ, جۇرگىزۋ قاجەت.
3-پاراگراف. ۇنتاقتاۋ جانە جىكتەۋ
62. جەرگىلىكتى باسقارۋ كەزىندە ديىرمەندەر مەن جىكتەگىشتەردىڭ ىسكە قوسۋ قۇرىلعىلارى جابدىقتى قوساتىن ادام ولاردىڭ جۇمىسىن باقىلاي الاتىنداي ەتىپ ورنالاسادى.
63. ديىرمەن ىشىندەگى جۇمىستى جۇكتەلىم–رۇقساتناما بويىنشا باقىلاۋشى ادامنىڭ قاداعالاۋىمەن جۇرگىزۋ قاجەت.
64. ديىرمەننىڭ ليۋكپەن تومەن جاعدايىندا ليۋك قاقپاعىنىڭ تەگىرىن بۇراۋعا نەمەسە بوساتۋعا, ديىرمەننىڭ جۇمىسى بارىسىندا ۇلۋلى قورەكتەندىرىگىش قاپتاماسىنىڭ بۇراندامالارىن بەكىتۋگە جول بەرىلمەيدى.
65. كونتەينەرلەرگە شارلاردى ءتۇسىرۋ كەزىندە جۇكتەمە ورنىن قورشاپ جانە «قاۋىپتى!» ءسوزى جازىلعان پلاكاتتى ءىلۋ كەرەك. كونتەينەرلەردى كوتەرۋ كەزىندە ادامدار ودان قاۋىپسىز اراقاشىقتىقتا بولادى. كونتەينەرلەر بورتتان 100 م تومەن دەڭگەيگە دەيىن شارلارمەن تيەلەدى.
66. شارلى قورەكتەندىرگىشتەردى, وزەكتەردى تيەۋ بويىنشا تەتىكتەردى پايدالانۋدى تەحنولوگيالىق رەگلامەنتكە سايكەس جۇزەگە اسىرۋ قاجەت.
67. جىكتەگىشتەرگە قىزمەت كورسەتۋ ءۇشىن جۇمىس الاڭىن جىكتەگىش استاۋىنىڭ بورتىنان كەمىندە 600 مم تومەن دەڭگەيدە ورنالاستىرۋ قاجەت. جىكتەگىش استاۋىنا قاراما-قارسى جاقتاعى جۇمىس الاڭدارى بيىكتىگى 1000 مم مەتالل قاناتتارىمەن جابدىقتالادى.
جىكتەگىشتە سەرىپپەلەر مەن بىلتە تاقتايشالاردى كوتەرۋ جانە اينالدىرۋ مەحانيزمدەرىنە قاۋىپسىز قىزمەت كورسەتۋ ءۇشىن قاناتتارى بار كوپىرشەلەردى (الاڭداردى) جابدىقتاۋ قاجەت, جەتەك ەلەمەنتتەرى قورشالادى.
68. مەتالدىڭ ورتا جانە ۇساق ۇساقتاۋ ۇساقتاعىشتارىنا ءتۇسۋىنىڭ الدىن الۋ ءۇشىن ولاردى كەنمەن قورەكتەندىرەتىن تاسپالى كونۆەيەرلەر مەتالىزدەگىشتەرمەن, العىشتارمەن, ماگنيتتى شايبالارمەن جانە ارنايى قۇرىلعىلارمەن جابدىقتالادى.
جۇمىس ايماعىنان شىعارىلماعان كونۆەيەر تاسپاسىنان جانە ماگنيتتى العىشتان مەتالدى الۋ كونۆەيەر توقتاتىلعاننان جانە ماگنيتتى جۇيە وشىرىلگەننەن كەيىن عانا جۇرگىزىلەدى.
3. فلوتاتسيا بولىمدەرىن, ماگنيتتى سەپاراتسيا بولىمدەرىن, بايىتۋدىڭ ەلەكترلىك جانە راديومەترلىك ادىستەرىن پايدالانۋ كەزىندە ونەركاسىپتىك قاۋىپسىزدىكتى قامتاماسىز ەتۋ ءتارتىبى
1- پاراگراف. فلوتاتسيا بولىمدەرى
69. شىعىن الاڭدارىندا ارالىق كۇبىرشىكتەر مەن قورەكتەندىرگىشتەرگە سۇيىق رەاگەنتتەر مەن رەاگەنتتەر ەرىتىندىلەرىن بەرۋدى سورعىلار كومەگىمەن قۇبىروتكىزگىشتەر بويىنشا جۇرگىزۋ قاجەت. تسيانيدتەر مەن كۇكىرتتى ءناتريدى قۇرعاق كۇيىندە پروتسەستىڭ تىكەلەي قورەكتەندىرۋ نۇكتەسىنە بەرۋگە بولمايدى.
فلوتاتسيا بولىمدەرى ارقىلى رەاگەنتتەردىڭ ءبىراز بولىگىن ارنايى جابىق ىدىستارمەن عانا تاسىمالداۋعا جول بەرىلەدى.
70. رەاگەنتتەردىڭ سىنامالارىن سۇرىپتاۋدى مەحانيكالاندىرىلعان قۇرىلعىلار كومەگىمەن جۇزەگە اسىرۋ قاجەت. رەاگەنتتەردىڭ سىنامالارىن قولمەن سۇرىپتاۋ كەزىندە جۇمىسشىلار ۇزىندىعى كەمىندە 200 مم تۇتقاسى بار سىناماالعىشتاردى پايدالانۋ قاجەت.
71. تسيانيدتەردىڭ شىعىن كۇبىشىكتەرىن رەاگەنتتى الاڭداردا جەرگىلىكتى تارتپا جەلدەتۋمەن جابدىقتالعان جانە ق ۇلىپقا جابىلاتىن وقشاۋلانعان ءۇي-جايدا ورنالاستىرۋ قاجەت.
72. جەتكىزۋ نۇكتەلەرىنە تسيانيدتەردىڭ رەاگەنتوتكىزگىشتەرىن ەنگىزۋدى تسيانيد ەرىتىندىسىنە ەركىن قول جەتكىزۋ مۇمكىندىگىنە جول بەرمەيتىندەي ەتىپ جۇزەگە اسىرۋ قاجەت. رەاگەنتتەر سانىن ولاردىڭ جەتكىزۋ نۇكتەلەرىندە ولشەۋگە جول بەرىلمەيدى.
73. رەاگەنتتەردىڭ ارالىق كۇبىلەرىن, شىعىن كۇبىشىكتەرىن جانە ولارمەن بايلانىستى كوممۋنيكاتسيالاردى قاجەت بولعان جاعدايدا رەاگەنتتەر تولىق توگىلەتىن اۆاريالىق سىيىمدىلىقتارمەن جابدىقتاۋ قاجەت.
74. رەاگەنتتى الاڭداردىڭ اعىندى سۋلارىن فلوتاتسيا ءبولىمنىڭ درەناج قۇرىلعىلارىنا جەتكىزبەي-اق ارنايى قۇبىرجولدار بويىنشا جويۋ قاجەت.
75. قىشقىلداردى تسيانيدتەر جانە كسانتوگەناتتار, اەروفلوتتار, كۇكىرتتى ناتري مەن گيدروسۋلفيد ەرىتىندىلەرىمەن ارالاستىرۋعا جول بەرىلمەيدى.
مىس, مىرىش جانە تەمىر كۋپوروستارىنىڭ, حلورلى مىرىش پەن حلورلى كالتسي ەرىتىندىلەرىن كۇكىرتتى ناتري, گيدروسۋلفيد جانە تسيانيد ەرىتىندىلەرىمەن ارالاستىرۋعا جول بەرىلمەيدى, ويتكەنى بۇل رەتتە ۋلىلىعى جوعارى گازداردىڭ (كۇكىرتتى سۋتەگى جانە سينيل قىشقىلى) ءبولىنۋى جانە قۇبىروتكىزگىشتەردى بىتەيتىن, ەرىمەيتىن تۇنبالاردىڭ قالىپتاسۋى ىقتيمال.
76. كامەرالار شلامدانعان كەزدە فلوتاتسيا ماشيناسى يمپەللەرى بلوگىنىڭ اينالدىرىعىن قولمەن بۇراۋدى بولىنەتىن اعاش تۇعىرىنان توقتاتىلعان پەنوگون جاعدايىندا جۇرگىزۋ قاجەت. قوزعالتقىشتى قوسۋ جۇمىسشىلاردى تۇعىردان اكەتكەننەن كەيىن عانا جۇرگىزىلەدى.
77. فلوتاتسيا ماشينالارىن اۆاريالىق ءتۇسىرۋ جانە شايىلعان سۋلاردى جيناۋ ءۇشىن سورعىلارى بار زۋمپفتار (جەرتولەلەر) كوزدەلەدى.
78. قويىرتپاقتىڭ تەحنولوگيالىق سىنامالارىن جۇمىس ىستەپ تۇرعان فلوتوكامەرالاردان تىكەلەي الۋ پەنوگون مىندەتتى توقتاتىلعان كەزدە بۇل ماقساتتارعا ارنايى ارنالعان سىناماالعىشتارمەن جۇرگىزىلەدى.
79. اۋانى پنەۆمامەحانيكالىق جانە پنەۆماتيكالىق فلوتاماشينالاردىڭ كامەرالارىنا بەرەتىن اۋاۇرلەگىشتەردى دىبىستى وقشاۋلاۋ جانە شۋ جۇتۋ بويىنشا ءىس-شارالاردى ورىنداي وتىرىپ جەكە ءۇي-جايلاردا ورنالاستىرۋ قاجەت.
80. جۇمىسشىلاردىڭ فلوتورەاگەنتتەرمەن بايلانىسى مۇمكىن بولىمدەردە سۋىق جانە ىستىق سۋ بەرەتىن قولجۋعىشتار ورناتىلادى, تەرىگە تيگەن زاتتاردى اعىندى سۋمەن شايا وتىرىپ, دەرەۋ الىپ تاستايتىن قۇرىلعىلار, كوزدى شايۋعا ارنالعان فونتاندار كوزدەلەدى.
81. اۋىسىمنىڭ تەحنيكالىق باسشىسى رەاگەنتتى الاڭداردىڭ قىزمەت كورسەتەتىن پەرسونالدا جەكە قورعانىس قۇرالدارىنىڭ بار بولۋىن جانە جارامدىعىن تەكسەرۋدى تەحنولوگيالىق رەگلامەنتكە سايكەس جۇزەگە اسىرادى.
82. پنەۆماتيكالىق فلوتاتسيا ماشينالارىندا اەروليفتتىك قۇبىرلاردى اۋىستىرۋ جانە تازالاۋ كەزىندە جۇمىسشىلار قورعانىش كوزىلدىرىگىن كيۋى قاجەت.
2- پاراگراف. ماگنيتتى سەپاراتسيا ءبولىمى جانە بايىتۋدىڭ ەلەكترلىك ادىستەرى
83. ەلەكترماگنيتتى جانە ماگنيتتى سەپاراتورلاردى پايدالانۋ كەزىندە ماگنيتتى جۇيەگە مەتالدان جاسالعان زاتتاردى جاقىنداتۋعا جول بەرىلمەيدى. ەلەكترماگنيتتى سەپاراتورلاردى توقتاتقان كەزدە ماگنيتتى جۇيەنىڭ ورامىنان كەرنەۋ وشىرىلەدى.
84. قۇرعاق ماگنيتتى جانە ەلەكترماگنيتتى سەپاراتسيا كەزىندە اپپاراتۋرا تارتپا جەلدەتۋ جۇيەسىنە قوسىلۋ ءۇشىن ارنالعان كەلتە قۇبىرى بار گەرمەتيكالىق قاپتامالارعا ورنالاستىرىلادى. جارامسىز جانە وشىرىلگەن جەلدەتۋ كەزىندە سەپەراتورلاردى پايدالانۋعا جول بەرىلمەيدى.
85. ناۋاشالار مەن سەپاراتورلاردىڭ قاراۋ جانە كوسەۋ ليۋكتارى جۇمىس كەزىندە جابىق تۇرۋى قاجەت. قورەكتەندىرگىش ناۋاسىنان جاڭقانى جانە زاتتاردى قولمەن الۋعا جول بەرىلمەيدى.
ساڭىلاۋدى جانە سەپاراتور تاسپاسى ءجۇرىسىنىڭ دۇرىستىعىن رەتتەۋدى ونىڭ استىڭعى جاعىنا بوگدە زاتتاردى توسەۋ ارقىلى جۇرگىزۋگە جول بەرىلمەيدى.
86. ەلەكترسەپاراتور ءۇي-جايىنا بوگدە ادامداردىڭ كىرۋىنە جول بەرىلمەيدى.
87. ەلەكترسەپاراتورى كورپۋسىنىڭ توزاڭ ىلعالدى وتكىزۋىنە بولمايدى. كورپۋس گەرمەتيكاسى جانە بارلىق ليۋكتار بولماعان كەزدە (بايقاۋ ساڭىلاۋلارى) ونىڭ تىگىسىندە جانە قالىڭداۋلاردا سەپاراتوردى قوسۋعا بولمايدى.
88. سەپاراتوردىڭ ىشكى ەلەكتربولشەكتەرىنە قول جەتكىزۋدى قامتاماسىز ەتەتىن ەسىكتەر سەپاراتور جۇمىسى كەزىندە ونىڭ اشىلۋ مۇمكىندىگىنە جول بەرمەيتىن ەلەكتر بۇعاتتاۋىمەن جابدىقتالادى.
جوعارى كەرنەۋ جەلىسىنەن وشىرىلگەن ەلەكترسەپاراتورلاردىڭ توك جەتكىزەتىن بولشەكتەرىنە ولاردى توكتان اجىراتۋعا جانە ينديكاتورمەن تەكسەرۋگە دەيىن جاناسۋعا جول بەرىلمەيدى.
ەكىنشى ادامنىڭ قاتىسۋىنسىز ەلەكترسەپاراتور قاپتاماسىنداعى ەسىكتى اشۋعا جانە جابدىققا, قورعاعىشتاردى اۋىستىرۋ, كەرنەۋى تومەن اپپاراتۋراسى جاعىندا بايلانىستاردى تارتۋ جانە ءسۇرتۋ سياقتى جۇمىستار تۇرلەرىن قوسپاعاندا اعىمداعى جوندەۋ جۇرگىزۋگە جول بەرىلمەيدى. مۇنداي جاعدايدا الدىن الا كەرنەۋ وسى اپپاراتتان الىنىپ تاستالادى.
89. ەلەكترسەپاراتور ءماشينيسى مەن تۇزەتكىش قۇرىلعىلار وپەراتورىنىڭ جۇمىس ورىندارى ارنايى ديەلەكترلى وقشاۋلاۋلاعىشتاردى پايدالانا وتىرىپ جابدىقتالادى.
3-پاراگراف. كۇكىرت كەنىن بايىتۋ كەزىندەگى قوسىمشا تالاپتار
90. جارىلىسقاۋىپتى نەمەسە ۋلى بۋلار مەن گازداردىڭ كوپ مولشەردە ءبولىنۋى مۇمكىن وندىرىستىك ءۇي-جايلار ءۇشىن, ۇساقتاعىشتارداعى شاڭنىڭ جارىلۋى كەزىندە كۇكىرتتى گازدىڭ ءبولىنۋى مۇمكىن بالعالى ۇساقتاعىشتار بولىمدەرى ءۇشىن اۆاريالىق تارتپا جەلدەتۋ قۇرىلعىسى كوزدەلەدى.
91. بالعالى ۇساقتاعىشتاردىڭ جۇمىس كەڭىستىگىندە كۇكىرتتى كەن شاڭى جارىلۋىنىڭ الدىن الۋ ءۇشىن مىنالار قامتاماسىز ەتىلەدى:
1) جۇمىس ىستەپ تۇرعان ۇساقتاعىشتاردىڭ ۇساقتاۋ ايماعىنا وڭدەلگەن بۋدى نەمەسە ۇساقشاشىراندى سۋدى (تۇمانقالىپتاستىرعىشتارمەن, فورسۋنكالارمەن) تۇراقتى بەرۋ;
2) ۇساقتاۋ بولىمىندەگى بارلىق ەلەكترتەحنيكالىق جابدىقتاردى, قۇبىرجولداردى, مەتالل اۋا ۇرلەگىشتەرىن, كونۆەيەرلەر جاقتاۋلارىن, مەتالل قۇرىلىمدارىن جەرگە قوسۋ تىزبەگىنىڭ ۇزدىكسىزدىگىن قامتاماسىز ەتۋ جولىمەن ۇساتقىشتاردا ستاتيكالىق ەلەكتر جينالۋدان قورعاۋ.
92. جىلىتىلاتىن ۇساقتاۋ بولىمدەرىندە جانە كونۆەيەرلىك گالەرەيالارىندا (قۇرعاق ۇسا